خُدا سَاریاں چیزاں دا خالِق ہے (پیدائش باب 1)
خُداتعالیٰ شروع ءچ آپنڑے کلام دا تعارف ایں کرویندن،جو دُنیا کیویں پیدا تھئی۔ خُداتعالیٰ دے بارے سکھنڑ دا آغاز اِنھاں چیزاں اُتے نگاہ کریندے ہوئے تھیندےجیہڑیاں اُونیں پیدا کیتیاں ہن۔
1۔منڈھ توں خُدا نےآسمان تے زمین کُوں بنڑایا۔
2 ۔تےزمین ویران تے سُنجھی ہئی تےجھکی جاہ اُتے اندھا را ہا
تےخُدا دی روح پانڑی اُتے جُنبش کریندی ہئی۔
3۔وَل خُدا نے آکھیا سو جھلا تھی ونجے تے سو جھلا تھی گیا-
4۔ول خُدا نے ڈٹھا سوجھلا چنگا ہے تاں خُدانےسو جھلے کوں اندھارے توں اِنج کر ڈتا۔ 5۔ول خُدا نےسوجھلے کوں ڈینہہ آکھیاتے اندھاری کوں رات دا ناں ڈتا۔شام تھئی تے ڈینہہ تھیا۔ایہہ پہلا ڈینہہ تھیاء۔
6۔وَل خُدا نے آکھیا پانڑیاں دے درمیان فضا ہووےتاں جو پانڑی پانڑی توں جُدا تھی ونجے۔
7۔بس خُدانے ٖفضا کوں بنڑایاتے فضا دےتلے آلے پانڑی کوں فضا دے اُتے آلے پانڑی توں انج کر ڈتا۔
8۔وُل خُدا نے ٖفضاکُوں آسمان آکھیا تے شام تھئی تے سویرتھئی ایہہ ڈوجھا ڈینہہ تھیاء۔
-9 وَل خُدا نے آکھیا جو آسمان دے تلے آلاپانڑی ہکی جاہ جمع تھیوئے تاں جےسُکی جاہ نظر آوے تاں ایویں ای تھیاء۔
10۔ وَل خُدا نے سُکی جاہ کوں زمین آکھیاء تے جیڑا پانڑی جمع تھی گیا ہا اُونکوں سَمندر ،تے خُدا نے ڈیٹھا چنگا ہے۔
11۔ وَل خُدانے آکھیا زمین گھاہ تے بیج دار بوٹیاں کُوں تے پھل دار درختاں کُوں تے اُو آپنڑی آپنڑی نسل دے مطابق پھلن تے جیہڑے زمین تے آپنڑے آپ ءِچ بیج رکھیندن او ہ جمنڑ تے ایویں اِی تھیاء۔
12۔ وَل زمین نے گھاہ تے بوٹیاں کُوں جیہڑےآپنڑی آپنڑی نسل دے مُطابق بیج رکھن تے پھل دار درختاں کُوں جنہاں دے بیج اُنھاں دی نسل دے مطابق ہَن اُنھاں کوں جمایا وَل خُدانے آکھیا چنگا ہے۔
13۔شام تھئی تے ڈینہہ تھیاء تے ایہہ تریجاہ ڈینہہ تھیاء۔
14۔ خُدانے آکھیا فلک تے نیرّ ہونڑجہیڑے ڈینہہ کُوں رات کولوں انج کرن تے او ہ نشانیاں تے زمانیاں تے ڈینہاں تے سالاں دے فرق کیتے ہونڑ۔
15۔ او ہ فلک تے انوار دے کیتے ہونڑ تے زمین اُتےسو جھلا سٹن تاں ایویں اِی تھیاء۔
16۔ تےخُدانے ڈو وڈے نیّر بنڑائے ۔ہک نیّر اکبر جیہڑا ڈینہہ اُتے حکم کرے تے ہک نیّر اصغر جیہڑا رات اُتےحکم کرے اُونیں تاریاں کُوں وی بنڑایا۔
17 وَل خُدا نے انھاں کوں فلک اُتے رکھیا جو زمین اُتے سو جھلا سَٹن۔
18۔ او ہ ڈینہہ تے رات اُتے حُکم کرنڑ تے سوجھلے کوں اندھارے توں جُدا کرن تے خُدانے ڈٹھا چنگا ہے۔
19۔ شام تھئی ڈینہہ تھیاء تے ایہہ چوتھا ڈینہہ تھیاء۔
20۔ وَل خُدانے آکھیا جے پانڑی جانداراں کُوں کثرت نال پیدا کرے تےپکھی زمین دے اُتوں فضا ءِچ اُڈن۔
21۔ول خُدانے وڈے وڈے دریائی جانوراں کُوں تےہر قسم دے جاندار کُوں جیہڑے پانڑی نال کثرت توں جمے ہن اُنھاں دِی نسل دے مُطابق تے ہر قسم دے پکھیاں کُوں اُنہاں دِی نسل دے مُطابق پیدا کیتا۔تے خُدا نےڈٹھا چنگا ہے۔
22۔تے خُدا نے اُنھاں کوں ایہو آکھ کے برکت ڈتی کہ پھلو تے ودھو۔تے اِنھاں سمندراں دے پانڑی کوں بھر ڈیئوتے پکھی زمین اُتےبہوں وَدھ ونجنڑ۔
23۔تے شام تھئی تے ڈینہہ تھیا تے ایہہ پنجواں ڈینہہ تھیاء۔
24۔تے خُدا نے آکھیا جےزمین جانداراں کوں اُنھاں دِی نسل دے مُطابق چوپائےتے زمیں تے زمیں اُتے ریڑھن آلے جانداراں تے جنگلی جانوراُنہاں دی نسل ڈے مطابق پیدا کرےتے اینویں ای تھیا۔
25۔ تےخُدا نے جنگلی جانوراں تے چوپایوں کوں اُنہاں دی نسل دےمطابق تے زمین اُتے ریڑھن آلے جانداراں کوں اُنھاں دِی نسل دے مُطابق بنڑایاتے خُدانے ڈٹھا چنگا ہے۔
26۔ول خُدا نےآ کھیا اَساں انسان کوں آپنڑی صورت اُتے آپنڑی آلی کار بنڑاؤں۔ تے اوسمندر دیاں تے آسمان دے پکھیاں تے چوپایاں تے ساری زمین تے سب جانداراں اُتے جہیڑے زمیں اُتے ریڑھن آلے ہن اُنہاں اُتے اختیار رکھن ۔
27۔تے خُدانےانسان کُوں آپنڑی صورت تے پیدا کیتا خُدا دی صورت تے اُو نکوں پیدا کیتانر و ناری کوں پیدا کیتا۔
-28 تے خُدا نے اُنہاں کُوں برکت ڈتی تے آکھیا پھلو تے ودھوتےزمین کُوں آباد تے محکوم کرو تے سمندر دیاں مچھیاں کُوں تے ہوا دے پکھیاں اُتے تے سارے جانوراں اُتے جیہڑے زمین اُتے ٹردے ہن اختیار رکھو۔
29۔تے خُدانے آکھیا ڈیکھومیں ساری رُویِ زمین دی کُل بیج دار سبزی تے ہر درخت جیندے ءِچ اُوندا بیج دار پھل ہووے او ہ تہاکوں ڈتا گئے اوہ تہاڈے کھانونٹر کیتےہوسی۔
30۔تے زمین دے کُل جانوراں کیتے تےتے ہوا دے کُل پکھیاں کیتے ا تے اُنھاں ساریاں کیتے جیہڑے زمین اُتے ریڑھدے ہین جنہاں ءچ زندگی دا دم ہے کُل ساوی بوٹیاں کھانو نٹر کُوں ڈیندا ہاں تاں ایویں اِی تھیاء۔
31۔ تے خُدا نے سبھاں تے جہڑا کجھ اُس نے بنڑایا ہا اوندے اُتے نگاہ کیتی تے ڈیٹھا جوبہوں چنگا ھِے وَل شام تھئی تے صبح تھئی تے ایہہ چھیواں ڈینہہ تھیاء۔
1۔ خُدانیں کیویں دُنیا کُوں پیدا کیتاجئیں ویلے اساں پیدا تھیاں ہوئیاں چیزاں اتے نظر کریندے ہیں تاں اساں ایہہ ڈیکھ سگدے ہیں جو خُداترتیب تے خُوبصورت رنگاں نال چیزاں تےمختلف نسلاں نال پیدا کریندا ہے؟
2۔ ایں واقع دے مُطابق خُدا انھاں درختاں توں توقع کریندے تے ایویں ای مچھیاں تے پکھیاں تےپودیاں توں کیا
توقع رکھیندے؟
3۔ پیدا تھیاں ہوئیاں مختلف چیزاں کُوں ڈیکھ کے اَساں کیا سوچ سگدے ہیں خُدا کُوں کیا پسند ہے۔مثال دے طور تے سوجھلا؟
4۔ انسان کُوں پیدا کریندے ہوئےخُدا نےکیاآکھیا؟
