یعقوب تے عیسو دی صلح ( پیدائش ۲۳,۳۳ باب)
(تعارف) یعقوب ویہہ سال تئیں اپنڑے مامے دے نَال ریہا۔ ایہہ واقعہ اِنھاں دِی واپسی دے متعلق ہے ہنڑ اوندے کول ڈو ذالیں تےڈو نوکرانڑیاں یارہاں پوتر تے ہک دھی ہئی ۔ یعقوب اپنڑے مامے دے نال زندگی گزارنڑ دے بعد واپس آیا ۔(پیدائش-32)
3 تےیعقوب نیں اپنڑے اگے اگےقاصداں کوں ادوم ڈے مُلک کو جہڑا شعیرؔ ڈی زمیں ءچ ہے اپنڑے بھرا عیسو دے کولھ بھیجیا۔ 5 تے میڈے کول گاواں ، ڈھگے، تے گدھے تے بھیڈ بکریاں تے نوکر چاکرتے لونڈیاں ہین تے میں اپنڑے خُداوند ڈے کول ایں وجہ توں خبر بھجیندا ہاں جے میڈے اتے تیڈے کرم دی نظر تھیوے۔(۶) تےقاصد یعقوب دے کولھ ول آئے تے آکھنڑھ لگے اساں تیڈے بھرا عیسو دے کولھ گئے ہاسے او ہ چار سو بندیاں کوں گھن تے تیڈے نال ملنڑآندا پائے۔ (۷) وَل یعقوب بہوں ڈر گیا تےپریشان تھیاتے اُس نے اپنڑے نال دیاں لوگاں تے بھیڈ بکریاں تے گاواں ،ڈھگیاں تے اُٹھاں ڈے ڈو غول کیتے۔ (۹) تے یعقوب آکھیا اے میڈےبا پ ،ابراہام دےخُدا تے میڈے پیو اضحاق دے خُدا!اے خُداوند جیں مینوں ایہہ فرمایا کہ توں اپنڑے مُلک تے اپنڑے رشتہ داراں ڈے کولو ول جاواں تے تو فرمیا ہا جے میں تیڈے نال بھلائی کریساں۔ 10 ۔ میں تیڈیاں ساریاں رحمتاں تےوفاداری دے مقابلہ ء چ جیہڑی تائیں اپنڑے بندے دے نال کیتی ہےبالکل کجھ نئیں کیوں جو صرف میں اپنڑی سوٹی گھن تے دریائے یردن دے پار گیا ہام ، تے ہنڑانج ڈا ہاں جے میڈے کول ڈو غول ہَین۔(۱۱) میں تیڈی منت کرینداں ہاں میکوں میڈے بھرا عیسوڈے ہتھوں بچا گھن کیوں جو میں اُوں توں ڈردا ہاں ایہہ نہ ہووے جو او ہ آ تے میکوں، میڈے بالاں کوں ماں سمیت مار نہ سَٹے۔(12) ایہہ تیڈا ہی فرمان ہے جو میں تیڈے نَال ضرور بھلائی کریساں تےتیڈی نسل کوں دریا دی ریت آلی کار ودھے ساں جیہڑی زیادہ ہونونڑ دے سببوں گینڑی نیں ویندی۔ (13)تے او اُ س رات اوتھاں ہی رہیاتے جو کجھ اوہدے کول ہا ،اوہدے ءچوں اپنڑے بھرا عیسو واسطے نذرانہ گھدا۔ ( 14 )ڈو سو بکریاں تے بیس بکرے۔ ڈو سو بھیڈاں تے بیس چھترے۔ (۲۲) اوھ رات اوں نیں اپنڑی ڈوہائیں ذالیں ڈوہائیں نوکرانڑیاں تےگیارہ اپنڑے چھوراں کوں گھدا تےدریا یبوق دے گھاٹ توں پار بھیج ڈتا۔(24 ) تے یعقوب کلھا رہ گیا تے ڈینہہ پھوٹنڑتئیں ہک بندہ اتھاں اوندے نَال کشتی لٹردا ریہا ۔ (25 ) جڈاں اُوں نیں ڈیٹھا جو او ہ غالب نیں آندا تاں اوں نیں اُس دِی ران دےاندر ڈی طرفوں چھکیا تے یعقوب ڈی ران دِی نسں اوہدے نال کُشتی کرن دے سببوں چڑھ گئی۔( 26) وَل اوں بندے نیں آکھیا میکوں ونجنڑ ڈے کیوں جو پوہ پھڑنڑ آلی ہے ۔یعقوب نیں آکھیا جئیں تئیں توں میکوں برکت نہ ڈیسیں میں تیکوں نہ ونجنڑ ڈیساں۔(27) وَل ایں بندے نیں پچھیا تیڈا ناں کی ہے؟ اوں جواب ڈتایعقوب۔(28) اُس نیں آکھیا تیڈا ناں ہنڑ توں یعقوب نیں بلکہ اسرائیل ہوسی کیوں جو تائیں خُدا تے انساناں دے نال زور آزمائی کیتی تے غالب تھیاء۔ (29) تے یعقوب نے او کوں آکھیا کہ مین تیڈی منت کریندا ہاں کہ تو میں کوں اپنڑا ناں ڈسا۔ اُس آکھیا تو میڈا ناں کیوں پوچھیندا ہیں ؟ اُس نیں اتھاں اُونکوں برکت ڈتی۔(30) تےیعقوب نے اُس جا ڈا ناں فنی ایل رکھیا تے آکھیا میں نے خُدا کوں رو برو ڈیٹھا تے میڈی جان بچی رہیئ ۔(31) تے جاں او فنی ایل توں گزر رہیا ہا تے ڈنہہ چڑھ گیا تے اوہ اپنڑی ران دی وجہ تو لنگڑدا پیا ہا۔
(پیدائش۳۳ باب آیات 1 تا ۱۱)
(۱) یعقوبؑ نیں اپنڑی اَکھیں چاتے نظر کیتی تے کیا ڈیٹھا جو عیسو چار سو بندیاں دے نال ٹریا آندے۔تے اُس نے لؔیاہ تے راخِل تے ڈنویں لونڈیاں ڈے بچے ونڈ ڈیتے۔(۳) تے او خود اُنہاں ڈے اگے اگے چلیا تے اپنڑے بھرا دے سانمنڑےپہنچڑ توں پہلاں سَت پھیری زمین اتے جھکیا۔(۴) تے عیسو اوندے ملنڑ دے کیتے بھجیا او ہ ہوندے نال بغلگیر تھیا تے اُونکوں گل لایا تے بوسہ ڈتہ تے ڈوہائیں رونے۔(۵) وَل عیسو نیں اپنڑی نظر چائی تے عورتاں تےبالاں کوں ڈیٹھا تے پچھیا ایہہ تیڈے نال کونڑ ہین؟ اُوں نیں جواب ڈتہ ایہہ اوہے بال ہِین جیہڑے خدا نیں تیڈے خادم کوں عنایت کیتے ہِین۔(۸) وَل عیسو نیں پچھیا ایں وڈے جتھے نال میکوں ملنڑ دا تیڈا کیا مطلب ہے اُوں نیں آکھیا ایہہ ایں واسطے ہا تاں جو میں اپنڑے مالک دے اگوں مقبول کھٹراں۔(۹) وَل عیسو نیں آکھیا میڈے کولھ بہوں ہے سوائے میڈےبھرا ،جیہڑا تیڈا ہے او ہ تیڈا ای راہوے( 10)۔ یعقوب نیں آکھیا کوئی نہ جے میڈے ا تے تیڈے کرم دی نظر تھئی ہے تاں توں میڈا تحفہ میڈے ہتھوں قبول فرما۔کیوں جے میں تیڈا منہ انج ڈیٹھا جیویں کوئی خُدا ڈا منہ ڈیکھدا ہے،تے توں میں توں راضی تھیا۔(۱۱) تےتوں میڈا تحفہ جہیڑا تیڈے حضور پیش کیتا گیا ہے او کوں قبول کر گھن کیوں جے خُدا نے میں تے بہوں فضل کیتا اےتے میڈے کول سب کجھ ہے ۔ غرض بہوں اصرار کرنڑتے عیسو نیں او ہ تحفہ قبول کر گھدِا ۔
(۱) یعقوب نیں اپنڑے نوکر عیسو دے کولھ پہلے کیوں بھیجے، تہاڈے خیال ء چ یعقو ب عیسو توں کیا چاہندے ہَن۔
(۲) فرشتے نیں یعقوب کوں کیا نواں ناں ڈتہ۔
(۳) غور کرائے جو خدا نیں یعقوب دی دُعا دا جواب کیویں ڈتہ کیا خدا نیں یعقوب کوں مضبوط بنڑایا۔
(۴) یعقوب کتی پھیری اپنڑے وڈے بھرا عیسو دے اگو ں جھکیا ۔ یعقوب نیں کیہڑا رویہ اپنڑایا جیہڑا عیسو دے نال صلح دا باعث بنڑیا۔
