شیطان دی طرفوں آزمائش (متی ۴۔باب لوقا۴ باب)
(تعارف) میڈے بھراؤ اج میں تہاکوں شیطان دے بارے ءچ ڈسیساں جو شیطان کوں یسوع دے بارے ءچ کیوں پتہ نہ ہا۔شیطان کوں ایں بارے ء چ بالکل وی پتہ نہ لگیا جو یسوع المسیح کونڑ ہِن یا او ہ کتھاں ہَن اوں ویلے تئیں ،جئیں تئیں جو یوحنا نیں ایہہ نہ آکھیا جو ڈیکھو ایہہ خدا دا برّہ ہے جیہڑا دنیا دے گناہ چا ئی ویندے وَل جینویں ای اونکوں پتہ لگا شیطان فوراََ اتھاں پج گیا۔
(۱) اوں ویلے روح یسوع کوں بیابان ء چ گھن گیا تاں جو اوہ شیطان کنوں آزمایا ونجے۔(۲) چا لیہہ ڈینہہ تےچالیہہ رات فاقہ کرنڑ توں بعد آخر کار اونکوں بھک لگی 3وَل آزمانونڑ آلے نیں کولھ آ تے آکھیا جے توں خدا دا پوتر ہَیں تاں فرما جو ایہہ پتھر روٹیاں بنڑ ونجنڑ۔ 4یسوع نیں جواب ء چ آکھیا کلامِ مقدس ء چ لکھیا ہے جو انسان صرف روٹی نال ای جیندا نہ راہسی بلکہ ہر اوں گالھ نال جیہڑی خدا دے منہ ء چو ں نکلدی ہے ۔5 وَل شیطان اونکوں مقدس شاہر ء چ گھن گیا تےہیکل دی ساریاں توں اچی جاہ اتے کھڑا کر تے آکھیا 6اگر توں خدا دا پوتر ہَیں تاں آپنڑے آپ کوں اتھوں تلے سَٹ ڈے کیوں جو کلامِ مقدس ء چ لکھیا ہے جو او ہ تیڈے بارے ءچ آپنڑے فرشتیاں کوں حکم ڈیسی تے او ہ تیکوں آپنڑے ہتھاں اتےچاگھن سین ۔7 یسوع نیں آکھیا ایہہ وی لکھیا ہے جو توں خداوند آپنڑے خدا کوں نہ آزما۔(۸) وَل شیطان اونکوں ہک بہوں اچے پہاڑ اتےگھن گیا تےدنیا دیاں ساریاں سلطنتاں تے انھاں دی شان و شوکت اونکوں ڈکھائی۔(۹) وَل اونکوں آکھیا جے توں جھک تے میکوں سجدہ کریں تاں ایہہ سارا کجھ تیکوں ڈے ڈیساں ۔10یسوع نیں شیطان کوں آکھیا اے شیطان دور تھی کیوں جو کلامِ مقدس ء چ لکھیا ہے جو توں خداوند آپنڑے خدا ای کوں سجدہ کر صرف اوندی عبادت کر ۔11وَل شیطان یسوع دے کولھوں چلیا گیا تے فرشتے آتے اوندی خدمت کرنڑ لگے۔
(۱) تساں کیا ڈیدھے ہیوے جو یسوع کوں کیویں آزمایا گیا؟
(۲) یسوع شیطان دے نال روحانی جنگ لڑدے پے ہَن یسوع نیں شیطان نال لڑن کیتے کیہڑی چیز دا استعمال کیتا؟
(۳) آخر ء چ کیکوں بھجڑاں پیاء؟
