‏2 ابرہام تُوں اضحاق پیدا تِھیّا تےاضحاق تُوں یعقوب پیدا تِھیّا تے یعقوب تُوں یہُوداہ تے اُوندےبھرا پیدا تھئے۔ ‏3 تے یہُوداہ تُوں فارص تے زارح تمرتُوں پیدا تھئے۔ تے فار ص تُوں حَصرون تے حَصرون تُوں رام پیدا تِھیّا۔ ‏4 تے رام تُوں عمّینداب پیدا تِھیّا تے عمّینداب تُوں نحسون پیدا تِھیّا تے نحسون تُوں سَلمون پیدا تِھیّا۔ ‏5 تے سَلمون تُوں بوعز راحب تُوں پیدا تِھیّا تے بوعز تُوں عوبیدرُوت تُوں پیدا تِھیّا۔ تے عوبید تُوں یسی پیدا تِھیّا ۔ ‏6 تے یسی تُوں داؤد بادشاہ پیدا تِھیّا ۔

تے داؤد تُوں سُلیمان اُوں عورت تُوں پیدا تِھیّا جیہڑی پہلے اُوریاہ دی ذال ہَئی ۔ ‏7 تے سُلیمان تُوں رَحَبعام پیدا تِھیّا تے رَحَبعام تُوں ابیاہ پیدا تِھیّا تے ابیاہ تُوں آسا پیدا تِھیّا ۔ ‏8 تے آسا تُوں یہُوسفط پیدا تِھیّا تے یہُوسفط تُوں یُورام پیدا تِھیّا تے یُورام تُوں عُزّیاہ پیدا تِھیّا۔ ‏9 تے عُزّیاہ تُوں یُوتام پیدا تِھیّا تے یُوتام تُوں آخزپیدا تِھیّا تے آخز تُوں حِزقیاہ پیدا تِھیّا ۔ ‏10 تے حِزقیاہ تُوں منسّی پیدا تِھیّا تے منسّی تُوں امُون پیدا تِھیّا تے امُون تُوں یُوسیاہ پیدا تِھیّا ۔ ‏11 تےگرفتار تھی تے بابل وَنجنڑ دے زمانے ءچ یُوسیاہ تُوں یکونیاہ تے اوندے بِھرا پیدا تھئے۔

‏12 تے گرفتار تھی تے بابل ءچ وَنجنڑ تُوں بعد یکونیاہ تُوں سیالتی ایل پیدا تھیّا تے سیالتی ایل تُوں زَرُبّابل پیدا تِھیّا۔ ‏13 تے زَرُباّبل تُوں ابیہُود پیدا تِھیّا تے اَبِیہُود تُوں اِلیاقِیم پیدا تِھیّا تے اِلیاقِیم تُوں عازور پیدا تِھیّا۔ ‏14 تے عازو ر تُوں صدُوق پیدا تھیّا تے صدُوق تُوں اخیم پیدا تِھیّا تے اخیم تُوں الِیہُود پیدا تِھیّا۔ ‏15 تے الِیہُود تُوں الیعزر پیدا تِھیّا تے الیعزر تُوں متّان پیدا تِھیّا تے متّان تُوں یعقوب پیدا تِھیّا۔ ‏16 تے یعقوب تُوں یُوسف پیدا تِھیّاایہہ اُوں مریم دا پایا ہا جیں تُوں یسُوع پیدا تِھیّا جیہڑا المسیح اَکھویندا ہے ۔

‏17 اِیویں ساریاں پُشتاں ابرہام تُوں داؤد تَئیں چوڈھاں پُشتاں تھئیّاں تے داؤد تُوں گِھن تےگرفتار تھی تے بابل وَنجنڑ تَئیں چوڈھاں پُشتاں تےگرفتار تھی تے بابل وَنجنڑ تُوں گِھن تے المسیح تئیں چوڈھاں پُشتاں تھئیّاں ۔

‏18 ہُنڑ یسُوع مسیح دی پیدائش اِیویں تھئی جو جِیں وَیلے اُوندی ماں مریم دی منگڑیں یُوسف دے نال تھی گئی تاں اُنہاں دے کَٹّھے تھیوݨ تُوں پہلے اوہ رُوح القُدس دی قدرت نال حاملہ پائی گئی ۔ ‏19 اِیں واسطے اُوندے پائے یُوسف نیں جیہڑا راستباز ہا تے اُونکُوں بدنام کرنڑا نہ چاہندا ہا اُونکُوں چُپ چاپ چھوڑ ڈیوݨ دا ارادہ کیتا۔ ‏20 اوہ اِنہاں گالھیں کُوں سوچیندا ای پیا ہا جو خُداوند دے فرشتےنیں اُوں کوں خواب ءچ نِظر آ تے آکھیا اے یُوسف داؤد دے پوتر!آپنڑیں ذال مریم کُوں آپنڑے کولھ گِھن آوݨ تُوں نہ ڈر کیوں جو جیہڑا اُوندے پیٹ ءچ ہے اوہ رُوح القُدس دی قُدرت نال ہے۔ ‏21 اُوندےپوتر جمسی تے تُوں اُوندا ناں یسُوع رکھیں کیوں جو اُوہو آپنڑے لوکاں کُوں اُنہاں دے گُناہاں تُوں نجات ڈیسی۔ ‏22 ایہہ سبھ کُجھ اِیں واسطے تِھیّا جو جیہڑاخُداوند نیں نبی دی معرفت آکھیا ہا اوہ پورا تھیوےجو