مرقس دا پورا ناں یُوحنّا مرقُس ہا تے اوہ پولُس رسُول دے دوست ہا ۔ اُونیں آپنڑیں عمر دا چھیکڑی حصہ رُوم ءچ گزاریا تے اُتھاں پطرس رسُول دی اُنہاں گالھیں کُوں جیہڑا تُہاکُوں یاد ہَن ، ٦٠ کنُوں ٦٥ عیسوی دے درمیان لکھیا ۔ اِیں اِنجیل ءچ جیہڑے واقعات لکھیئے گئے اُنہاں ءچوں ہِک چشم دید گواہ دے بیان دی جھلک ڈِکھائی ڈیندی ہے ۔

یسُوع مسیح دے کلام دی نسبت یسُوع مسیح دے کَم اِیں اِنجیل ءچ زیادہ مرکزی حیثیت رکھیندن ۔ اِیں اِنجیل دا چھیکڑی حصہ یسُوع مسیح دی زندگی دے چھیکڑی ہفتہ دے ؤاقعات کُوں بیان کرݨ کیتے وقف کر ڈِتا گئے۔ ایہہ اِنجیل یسُوع مسیح دی عوامی خدمت تے خُدا دی بادشاہی دی خوشخبری دی تبلیغ کنُوں شروع تھیندی ہے ۔ یسُوع مسیح دی موت دی بہُوں ؤاضح پیشین گوئیاں (١٣ ٨ ؛ ١٣ ٩؛ ٣٣،٣٤ ١٠، تے ٤٥ )ءچ لکھیا گئیاں ہَن ۔ تے یسُوع مسیح دے دُنیا دے گناہیں دی خاطر مصلُوب تھیوݨ دا ذکر کیتا گئے ۔

مرقُس یسُوع مسیح کُوں خُدا دے ایجھے بنڑدے ؤانگوں پیش کریندے ہَن جیہڑا خُدا دی مرضی کُوں پورا کرݨ کیتے آیا ہا ۔ یسُوع مسیح بیماراں کُوں شِفا ڈیندا تے بدرُوحاں اُتے فاتح ہا ۔ یسُوع مسیح دا اِختیار تے معجزات تُوں ایہہ ظاہر ہا جو یسُوع مسیح کوئی معمولی اِنسان نہ ہَن بلکہ حقیقت ءچ خُدا دا پوتر ہا ۔ ہُنڑ اَساں لوک یسُوع مسیح دے اَسمان کنُوں شان دے نال ؤلا آؤݨ دا اِنتظار کریندے پئے ہاں ۔