اِنجیل مُقدس ءچ تَرے خط یُوحنا نال منسوب کیتے وَیندے ہِن۔ اُنہاں خطاں دے لکھنڑ دے انداز کنُوں وی معلوم تھیندے جو اوہ کوئی بہُوں وڈی عُمر دا ہے۔

ایہہ غالباً پِچاسی (٨٥ ) تُوں چھیانوے( ٩٦ )عیسوی دے دوران اِفِسُس کنُوں ساری مسیحی کلیسیاواں کُوں بھیجیا گِیا ہا۔ اِیندے لکھنڑ دے انداز کُوں ڈیکھ تے کُجھ مسیحی علما آہدھے ہِن جو ایہہ خط یُوحنا رسُول نیں آپنڑے بڈھیپے ءچ لکھا ہا۔ کیوں جو خط دا لکھاری مسیحیاں کُوں پیارے بالو آکھ تے سَڈیندے۔اِیں خط ءچ اوہ اُنہاں کُوں ہِک باعمل مسیحی زندگی گُزارݨ دے طور طریقے ڈسیندے تے مسیحیاں کُوں اُنہاں فلسفیانہ خیالاں کنُوں جیہڑے اُوں وَیلے رائج ہَن ، دُور رَہوݨ دی تاکید کریندے۔ کُجھ اُستاد جیہڑےغناسطی تعلیم ^aکنُوں متاثر ہَن، یسوع المسیح دے مُجسم تھیوݨ تے صلیب چڑھن دی تعلیم کُوں رد کریندے ہِن۔یُوحنا آپنڑے خط ءچ اِنہاں بدعتی خیالاں کُوں مردود قرار ڈیندا ہے تے اُنہاں کُوں مسیحی اِیمان کیتے نقصان سمجھدا ہے۔ اِیں خط ءچ جیہڑے معاملات اُتے روشنی پائی گئی ہے اوہ نُور، محبت تے زندگی نال تعلق رکھیندے ہِن۔ خاص طور تے خُدا دا نُور اُتے جیہڑا اِیں اندھاری دُنیا ءچ سوجھلا کریندا ہے، روشنی پاتی گئی ہے۔