زِندگی بخشنڑ آلا کلام
1
1 اساں زِندگی دا اوہ کلام a بیان کریندے ہئیں جیہڑا ابتدا کنُوں ہا، جِینکُوں اَساں سُنڑیا تے ساڈے اَکھیں کُوں نِظر آیا، غور نال ڈِٹھا بلکہ اَساں اُونکُوں ہَتھ لاتے ڈِٹھا۔ 2 ایہہ زندگی بخشنڑ آلا ظاہر تھیّا تے اَساں اُونکُوں ڈِٹھا۔ اَساں اُوندی گواہی ڈے تے تُہاکُوں اُوں ہمیشاں دی زندگی دی خبر ڈیندے ہئیں، جیہڑی باپ دے نال ہئی تے ساڈے اُتے ظاہر تھئی۔ 3 جیہڑا کُجھ اَساں ڈِٹھا تے سُنڑیا اُوندی خبر تُہاکُوں ڈیندے ہئیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسوع مسیح دے نال ہے۔ 4 تے اَساں ایہہ گالھیں تُہاکُوں اِیں واسطے لکھدے پئے ہئیں جو ساڈی خوشی پوری تھی وَنجے۔خُدا نُور ہے
5 اوہ پیغام جیہڑا اَساں مسیح کنُوں سُنڑیا تے تُہاکُوں ڈسیندے ہئیں، اوہ ایہہ ہے جو خُدا نُور ہے تے اُوندے ءچ ذرا وی اَندھارا نئیں۔ 6 جے اَساں اُوندے نال رفاقت رَکھنڑ دا دعویٰ کریندے ہئیں پَر خود اَندھارے ءچ چلدے ہئیں تاں اَساں کُوڑے ہئیں تے حق اُتے عمل نئیں کریندے۔ 7 پَر جے اَساں نُور ءچ چلدے ہئیں جِیویں جو اوہ خُود نُور ءچ ہے تاں اَساں ہِک ڈوجھے نال رفاقت رکھیندے ہئیں تے اُوندے پوتر یسوع دا خون ساکُوں سارے گُناہاں کنُوں پاک کریندے۔
8 جے اساں بے گُناہ ہووݨ دا دعویٰ کریندے ہئیں تاں آپنڑے آپ کُوں دوکھا ڈیندے ہئیں تے سچائی ساڈے ءچ نئیں۔ 9 پَر جے اَساں آپنڑے گُناہاں دا اِقرار کروں تاں اوہ ساڈے گُناہ معاف کر ݨ تے ساکُوں بُرائی کنُوں پاک کرݨ ءچ وفادار تے عادل ہے۔ 10 جے اَساں دعویٰ کریندے ہئیں جو اَساں گُناہ نئیں کیتا تاں خُدا کُوں کُوڑا آہدھے ہئیں تے اُوندا کلام ساڈے ءچ نئیں۔