اِبنِ آدم ابنِ آدم ہک لقب ہے جینکُوں یسُوع مسیح کلام ءچ اکثر آپنڑے کیتے اِستعمال کیتا۔ بہُوں سارے سُنڑݨ آلے ایہ نہ سمجھدے ہَن جو او ایہ لقب کیوں اِستعمال کریندے ہِن ۔پر جیہڑا کوئی اُوندی پیروی کریندا ہا، اُونکُوں ہولے ہولے پتا لگدا ہا جو اِیندا مطلب او خاص شخصیت ہے جیندا ذِکر دانی ایل 7 : 13-14 ءچ ہے: ”رات دی رویا ءچ مَیں ایہ وی ڈِٹھا جو اسمان دے بدلاں دے نال کوئی آنداپئے جیہڑا اِبنِ آدم جِیہا لگدا پِیا ہا۔ او اُوندے نیڑے پُجیا جیہڑا ازل کنُوں ہے تے اُوندے حضُور پیش کیتا گِیا۔ اُونکُوں حکُومت دا اِختیار، عزت تے بادشاہی ڈِتی گئی تے ہر قوم، ہر اُمت تے ہر زبان دے لوکاں اُوندی عبادت کیتی۔ اُوندی حکُومت ابدی ہے تے کڈھائیں ختم نہ تھیسی۔ اُوندی بادشاہی دا کڈھائیں خاتمہ نہ تھیسی۔“
اُچے جاہیں دیاں عبادت گاہیں کنعانی لوک تے اُنہاں دے آسُوں پاسُوں دیاں قوماں آپنڑے بُتاں کیتے عبادت دے جاہیں اکثر اُچے مقاماں اُتے بنڑیندے ہَن۔ عبادت دے اُنہاں جاہیں اُتے او اکثر قُربان گاہیں بنڑیندے ہَن تے آپنڑے بُت دی نشانی ءچ کوئی پتھر یا لکڑی دا کوئی تھمبا کھڑا کریندے ہَن۔بنی اِسرائیل وی خُدا دے ناں تے اُچے جاہیں اُتے قُربان گاہیں بنڑیندے ہَن۔پر ہیکل بنڑن تُوں بعد خُدا اِیں تُوں منع کیتا تاں جو لوک صرف اُتھائیں پرستش کرݨ تے آسُوں پاسُوں دیاں قوماں دی بُت پرستی تُوں پاک راہوݨ۔
المسیح مسیح عبرانی لفظ ہے جِیندا مطلب ہے ”مسح کیتا ہویا۔“ پُرانڑے زمانے ءچ جِیں ویلے بنی اِسرائیل ءچ کوئی نواں بادشاہ یا خُدا دے لوکاں کیتے کوئی نواں کاہِن اعظم چُنڑیا ویندا ہا تاں اُوندے سِر اُتے تیل پاتا ویندا ہا تاں جو او خُدا دا مسح کیتا ہویا اکھواوے۔ یسُوع مسیح خُدا دا مُقرر کیتا ہویا کاہِن اعظم ہے جئیں دُنیا دی ہر قوم دے لوکاں کیتے گُناہاں دا کفارہ پیش کیتا تے جیہڑا اُنہاں اُتے بادشاہ دے طور تے حکُومت کریندے۔ یُونانی زبان ءچ ”مسح کیتا ہویا“کیتے کرِسٹوس لفظ ہے جِیندے تُوں انگریزی لفظ ”کرسچن“ نِکلیا یعنی المسیح دا بندہ۔
اُورِیم اُوریم تے تُمیّم او خاص قیمتی پتھر ہَن جِنہاں کُوں کاہِن ِاعظم خاص موقعیاں اُتے خُدا دی مرضی جانڑن کیتے قُرعے دے طور تے اِستعمال کریندے ہَن۔
بپتسمہ اِیندا لفظی مطلب ہے پانڑی ءچ بوڈنڑا یا پانڑی نال مکمل طور تے سِناکرنڑا، جِینویں بنی اِسرائیل بحر ِ قُلزم ءچوں لنگھ تے مِصر دی غلامی تُوں بچ تے نویں زندگی پاتی۔ یُوحنا پبتسمہ ڈیوݨ آلے دے زمانے ءچ یہُودی گُناہاں تُوں توبہ کر تے خُدا دو رجوع کرݨ دے نشان دے طور تے اُوندے تُوں بپتسمہ گِھندے ہَن۔ غیر قوم آلے وی یہُودیت قبول کر تے اِینویں کریندے ہَن۔ یسُوع مسیح دے پیروکار بپتسمہ گِھن تے ایہ منیندے ہِن جو اُنہاں توبہ کر تے تے مسیح دی قُربانی دے ذریعے موت گِھن آوݨ آلی آپنڑی پُرانڑی زندگی کُوں چھوڑ تے خُدا دے لوکاں ءچ شامل تھی تے نویں زندگی حاصل کر گِھدی ہے۔
بدرُوح او رُوحانی مخلوق جیہڑی خُدا دی مرضی کُوں نئیں بلکہ شیطان دی مرضی کُوں پورا کریندی ہے۔ اُنہاں دے کم صرف برباد کرݨ دے ہوندے ہِن تے اُنہاں دے اثر نال لوکاں ءچ طرحاں طرحاں دیاں بیماریاں تے نقصان تھیندے ہِن۔ اُنہاں کُوں جن وی آکھیا ویندے ۔
پِنتیکُست ایہ یہُودیاں دیاں ترے وڈیاں عیداں ءچوں ڈُوجھی عید ہے جِینکُوں سبھ یہُودی مرداں کُوں یروشلیم ءچ مناونڑا لازم ہا۔ پنتیکُست دا مطلب ہے پنجھاواں (ڈینہہ) کیوں جو او فسح دی عید دے پنجھاہ ڈینہاں بعد منائی ویندی ہئی۔ ۔ پِنتیکُست کُوں فصل دی کٹائی دی عید وی آکھیا ویندے تے ہفتیاں دی عید وی۔
توریت عبرانی زبان ءچ تورہ دا مطلب ہے ہدایت یا حُکم۔ پاک کلام ءچ تورہ دا لفظ اکثر اُوں شریعت کیتے اِستعمال تھیندے جیہڑی موسیٰ کُوں ڈِتی گئی ہئی۔ کئی پھیری ایہ کلام دیاں سبھ تُوں پہلیاں پنج کتاباں کیتے وی اِستعمال تھیندے جیہڑیاں موسیٰ لِکھیاں ہَن۔ اُنہاں کُوں عبرانی زبان ءچ تورہ تے فارسی ءچ توریت آکھیا ویندے۔
ختنہ خُدا تعالیٰ سبھ تُوں پہلے ابرہام کُوں ختنہ کرݨ دا حُکم ڈِتا ہا۔ ختنہ کراونڑا خُدا دے چُنڑے ہوئے لوکاں ءچ شامل تھیوݨ دا ہِک نشان ہا یعنی اُنہاں لوکاں ءچ جِنہاں نال خُدا عہد بدھیا ہا۔ جڈاں بنی اِسرائیل دے لوک ولا ولا خُدا تُوں دُور تھیوݨ لگے تاں نبیاں اُنہاں کُوں سمجھایا جو اُنہاں کُوں آپنڑے دِلاں دا وی ختنہ کرواونڑا چاہیدے یعنی خُدا دے لوک ہووݨ دا اصل نشان جِسمانی نئیں بلکہ دِلُوں فرمانبردار ہوونڑا ہے۔ یسُوع مسیح نہ صرف ختنہ تھئے ہوئے یہُودیاں کیتے نجات دا رستہ بنڑایا بلکہ ختنہ نہ تھئے ہوئے غیر یہُودیاں کیتے وی۔ اج دے دور ءچ کہیں زندگی ءچ رُوح القُدس دا ہووݨ خُدا دے لوک ہووݨ دا نشان ہے تے ختنہ اہم گالھ نئیں۔ کُجھ یہُودی جِنہاں مسیحی تعلیم حاصل کیتی ہئی، اِیں تعلیم کُوں نہ سمجھ تے ختنہ کرواوݨ اُتے زور ڈیندے ہَن۔پولُس رسُول اُنہاں کُوں ختنہ کرواوݨ آلی پارٹی آدھا ہا۔
خُدا دا پوتر ایہ لقب محاورتاً اِستعمال تھئے۔ ایہ اُنہاں کیتے استعمال تھیندے جِنہاں دا خُدا نال ہِک خاص تعلق ہوندے تے جیہڑے ڈُوجھیاں کیتے خُدا تے اُوندی مرضی کُوں کہیں حد تئیں ظاہر کریندے ہِن۔ آدم خُدا دا پوتر اکھویندے کیوں جو خُدا اُونکُوں خلق کیتا۔ فرشتے وی خُدا دے پوتر اکھویندے ہِن جیہڑے اُوندا پیغام پُچیندے تے اُوندی مرضی پُوری کریندے ہِن۔ خُدا اِسرائیلی قوم کُوں وی آپنڑا پلوٹھا آکھیا کیوں جو اُوں اُنہاں کُوں چُنڑیا جو اُوندی مرضی دے مطابق زندگی گُزارݨ تے اُنہاں دے ذریعے باقی قوماں کُوں وی حقیقی خُدا دا پتا لگے۔ جِیں ویلے کوئی بندہ مسیح یسُوع اُتے اِیمان گِھن آ تے خُدا دے لوکاں ءچ شامل تھی ویندے تاں او وی خُدا دا پوتر بنڑ ویندے۔
پر ایہ لقب پاک کلام ءچ خاص طور تے یسُوع المسیح کیتے اِستعمال تھیّا ہے جیہڑا اسمان کنُوں دُنیا ءچ آیا تے جیہڑا خُدا باپ آلی کار گُناہاں تُوں پاک ہا تے آپنڑے کردار، آپنڑیاں خوبیاں، آپنڑے کلام تے ہر کم ءچ خُدا کُوں ظاہر کریندا ہا۔ اُوں آکھیا جو، ”جئیں میکُوں ڈِٹھا، اُوں خُدا باپ کُوں ڈِٹھا۔“
خُدا دی بادشاہی بے شک خُدا ہر اِنسان دا خالق تے بادشاہ ہے پر سبھ لوک اُوندے سامنڑے نئیں جُھکدے، اُوندی عبادت نئیں کریندے تے اُوندی مرضی اُتے نئیں ٹُردے۔ خُدا دی بادشاہی ءچ نیکی، اِنصاف، امن تے ہر چنگائی ہے۔ خُدا دی بادشاہی دے لوک او ہِن جیہڑے یسُوع المسیح کُوں جیہڑا پُوری کائنات اُتے مُقرر بادشاہ ہے، قبول کر تے خُدا دے لوکاں( یعنی اُوندی بادشاہی دے لوکاں) ءچ شامل تھی گئے ہِن۔ جِیں ویلے یسُوع المسیح آخری زمانے ءچ اِیں دُنیا ءچ ولا آسی تاں خُدا دی بادشاہی مکمل طور تے دُنیا ءچ نظر آسی۔
خوشخبری خوشخبری ایہ ہے جو یسُوع المسیح اُتے اِیمان گِھن آوݨ نال اُوندے ذریعے گُناہاں تُوں معافی مِلدی ہے۔ ایہ خوشخبری شیطان تُوں تے بدی تُوں ازاد تھیوݨ، زندگی بدلنڑ تے خُدا دے لوکاں ءچ شامل تھیوݨ دی اُمید ہے۔کیوں جو ایہ سبھ کُجھ مسیح ءچ مِلدا ہے اِیں واسطے ہِک لحاظ نال یسُوع المسیح خود خوشخبری ہے۔ خوشخبری کُوں انجیل وی آکھیا ویندے۔
دا خُدا بنی اِسرائیل دے آسُوں پاسُوں دیاں سبھ قوماں بُت پرست ہَن تے بہُوں سارے دیوتیاں کُوں منیندیاں ہَن۔ اِیں واسطے بنی اِسرائیل دے نبی خُدا کیتے اکثر ”اِبرہام دا خُدا“ یا”اِسرائیل دا خُدا“ وغیرہ اِستعمال کریندے ہَن یعنی او واحد تے سچا خُدا جِیندی ابرہام تے اِسرائیل عبادت کریندے ہَن، تے جئیں آپنڑے بندیاں نال وعدہ کیتا ہا جو او اُنہاں کُوں برکت ڈیسی تے اُنہاں دی راہنمائی کریسی۔
داؤد دے شہر ایہ یروشلیم دا پُرانڑا حصہ ہا جِیندے اُتے داؤد بادشاہ قبضہ کر تے اُونکُوں آپنڑا دارالحکومت بنڑا گِھدا۔ اُوں شہر کُوں یروشلیم دا ناں ڈِتا گِیا تے اُتھاں ہیکل وی بنڑائی گئی تے بادشاہ دا محل وی۔بعد ءچ جڈاں یروشلیم بہُوں وڈا شہر بنڑ گِیا تاں اُوندا پُرانڑا مرکزی حصہ داؤد دا شہر اکھواوݨ لگا۔بیت لحم شہر کُوں وی جِتھاں داؤد بادشاہ پیدا تھیّا ہا داؤد دا شہر آکھیا ویندے۔
راستباز راستبازی او کم یا گالھیں ہِن جیہڑیاں خُدا دی نظر ءچ صحیح، نیک یا اِنصاف دیاں ہِن یعنی جیہڑیاں خُدا دے آپنڑے کردار دے مطابق ہوندیاں ہِن۔
راستبازی راستبازی او کم یا گالھیں ہِن جیہڑیاں خُدا دی نظر ءچ صحیح، نیک یا اِنصاف دیاں ہِن یعنی جیہڑیاں خُدا دے آپنڑے کردار دے مطابق ہوندیاں ہِن۔ اِنسان کُوں چاہیدے جو او خُدا دے حضور ٹُرݨ تے ڈُوجھیاں نال سلوک کرݨ ءچ راستباز ہووے۔ مکمل طور تے راستباز ہوونڑا، اساں گُناہگاراں کیتے ناممکن ہے پر مسیح دے ذریعے معافی تے اُوندی راستبازی حاصل کر تے اساں خُدا دی نظر ءچ راستباز کھڑائے ونج سگدے ہیں تے پاک رُوح یعنی رُوح القُدس ساکُوں خُدا دی مرضی اُتے ٹُرݨ ءچ ساڈی مدد کریندا ہے۔
رب العلمین عبرانی ءچ خُدا دا ناں ”یاہوے“ ہے جِیندا مطلب ہے ”او (ذات) جیہڑا ہمیشاں ہے,“ یعنی جیہڑا غیر فانی ہے، تے آپنڑے لوکاں کُوں برکت یا ہدایت ڈیونڑ، اُنہاں دی حفاظت کرنڑ یا سزا ڈے تے ٹھیک کرنڑ کیتے ہمیشاں حاضر ہے۔ بہُوں پُرانڑے یُونانی ترجمیاں تے اِیں دور ءچ وی زیادہ تر ترجمیاں ءچ اِیندے کیتے رب یا مالک یا خُداوند دے الفاظ اِستعمال تھیندے ہِن۔
رب دا فرشتہ خُدا دے کلام ءچ فرشتیاں دا بہُوں ذِکر ہے پر رب العالمین دا فرشتہ یا خُدا دا فرشتہ اُنہاں تُوں فرق ہے۔ او خُدا دا پیغام نہ پُچیندا ہا بلکہ خُدا آپ بُلیندا ہا۔ جیہڑے اُوں ذات کُوں مِلدے ہَن اوبعد ءچ ڈردے ہَن جو اُنہاں خُدا کُوں ڈِٹھا ہے۔یسُوع مسیح دی پیدائش دے بعد اِیندا ذِکر کائنی۔ اِینویں لگدے جو خُدا باپ یا المسیح خود فرشتے دی شکلءچ دُنیا اُتے ظاہر تھیندے ہَن۔
ربّی ربّی عبرانی زبان دا ہِک لقب ہے جِینکُوں یہُودی لوک آپنڑے عالماں کیتے اِستعمال کریندے ہَن تے جِیندا لفظی مطلب مالک ہے یعنی سائیں۔
رسُول یُونانی لفظ اپوسٹولوس دا مطلب ہے بھیجیا ہویا۔ایہ لفظ یسُوع المسیح دے اُنہاں خاص بارہاں شاگرداں کیتے اِستعمال تھیندے جِنہاں کُوں اُوں چُنڑیا تے اِختیار ڈِتا جو اُوندے کیتے کلام سُنڑاوݨ آلے بنڑݨ۔ او سبھ اُوندے نال راہوݨ پارُوں اُوندے کردار، کلام تے کماں کُوں جانڑدے ہَن تے اُوندے مرݨ تے زندہ تھی ونجنڑ دے گواہ ہَن۔ اُنہاں کُوں معجزے ڈِکھاوݨ دی وی طاقت مِلی تے اُنہاں دی خدمت تے تبلیغ دے ذریعے عالمگیر کلیسیاء قائم تھئی۔
رُوح خُدا دی ذات رُوح ہے۔ پر توریت شریف تے نبیاں دے صحیفیاں ءچ پاک رُوح اُوں الٰہی شخصیت دو اِشارہ کریندے جیہڑی خُدا دی حضوری تے اُوندی طاقت کُوں ظاہر کریندی ہے۔ جڈاں پاک رُوح کہیں بندے اُتے نازل تھیندے تاں او اُوں بندے کُوں مُقررہ خدمت کرݨ دی قابلیت ڈیندے بھانویں او خدمت بادشاہت یا جنگ کرݨ دی ہووے، تے بھانویں او خواباں دی تعبیر کرنڑ ہووے، حمد و ثنا لِکھنڑ ہووے یا پیشنگوئی کرݨ دی ہووے۔ پاک کلام ءچ رُوح الُقدس کُوں خُدا دا رُوح، رب دا رُوح تے مسیح دا رُوح وی آکھیا ویندے تے کیوں جو رُوح القُدس خُدا دی شخصیت ہے، اِیں واسطے اِیندا اِستعمال مذکر دے طور تے ہوندے۔ عبرانی لفظ ”رُؤاخ“ دا مطلب نہ صرف رُوح ہے، بلکہ ہوا یا ساہ وی تھی سگدے۔
رُوح القُدس خُدا دی ذات رُوح ہے۔ پر توریت شریف تے نبیاں دے صحیفیاں ءچ پاک رُوح اُوں الٰہی شخصیت دو اِشارہ کریندے جیہڑی خُدا دی حضوری تے اُوندی طاقت کُوں ظاہر کریندی ہے۔ جڈاں پاک رُوح کہیں بندے اُتے نازل تھیندے تاں او اُوں بندے کُوں مُقررہ خدمت کرݨ دی قابلیت ڈیندے بھانویں او خدمت بادشاہت یا جنگ کرݨ دی ہووے، تے بھانویں او خواباں دی تعبیر کرݨ ہووے، حمد و ثنا لِکھنڑ ہووے یا پیشنگوئی کرݨ دی ہووے۔ رُوح القُدس دے اثر نال لوکاں دے دِل ءچ اِیمان پیدا تھیندے تے جڈاں او یسُوع المسیح اُتے اِیمان گِھن آندے ہِن تاں رُوح القُدس اُنہاں دے دِلاں ءچ آ تے اُنہاں کُوں خُدا دی مرضی کُوں پچھانڑݨ تے اُونکُوں پورا کرݨ کیتے مدد، خوشی تے دلیری ڈیندے۔ پاک کلام ءچ رُوح الُقدس کُوں خُدا دا رُوح، رب دا رُوح تے مسیح دا رُوح وی آکھیا ویندے تے کیوں جو رُوح القُدس خُدا دی شخصیت ہے، اِیں واسطے اِیندا اِستعمال مذکر دے طور تے ہوندے۔
ساڑے ونجنڑ بنی اِسرائیل کیتے چار قِسم دیاں قُربانیاں واجب ہَن یعنی گُناہ تُوں پاک کرݨ آلی قُربانی، سلامتی دی قُربانی جیہڑی خُدا دی رضامندی یا کہیں خاص برکت کُوں مِلنڑ دی خوشی ءچ یا مَنت پوری کرݨ کیتے ڈِتی ویندی ہئی، قصور دی قُربانی جیہڑی کہیں غلطی یا کہیں نقصان کرݨ تے یا کہیں پاک شے کُوں ناپاک کرݨ دے بدلے ءچ ڈِتی ویندی ہئی، تے ساڑے ونجنڑ آلی قُربانی جِیندا کوئی حصہ نہ تاں قُربانی ڈیوݨ آلا کھا سگدا ہا تے نہ اُونکُوں پیش کرݨ آلا کاہِن بلکہ اُونکُوں بھاہ ءچ ساڑ تے خُدا دے ناں تے مکمل طور تے ختم کیتاویندا ہا۔ایہ قُربانی بنی اِسرائیل گُنہگار ہوندے ہوئے خُدا دے نال آپنڑا تعلق بحال کرݨ کیتے یا نذر دے طور تے پیش کریندے ہَن۔
ساڑے وَنجنڑ بنی اِسرائیل کیتے چار قِسم دیاں قُربانیاں واجب ہَن یعنی گُناہ تُوں پاک کرݨ آلی قُربانی، سلامتی دی قُربانی جیہڑی خُدا دی رضامندی یا کہیں خاص برکت کُوں مِلنڑ دی خوشی ءچ یا مَنت پوری کرݨ کیتے ڈِتی ویندی ہئی، قصور دی قُربانی جیہڑی کہیں غلطی یا کہیں نقصان کرݨ تے یا کہیں پاک شے کُوں ناپاک کرݨ دے بدلے ءچ ڈِتی ویندی ہئی، تے ساڑے ونجنڑ آلی قُربانی جِیندا کوئی حصہ نہ تاں قُربانی ڈیوݨ آلا کھا سگدا ہا تے نہ اُونکُوں پیش کرݨ آلا کاہِن بلکہ اُونکُوں بھاہ ءچ ساڑ تے خُدا دے ناں تے مکمل طور تے ختم کیتاویندا ہا۔ایہ قُربانی بنی اِسرائیل گُنہگار ہوندے ہوئے خُدا دے نال آپنڑا تعلق بحال کرݨ کیتے یا نذر دے طور تے پیش کریندے ہَن۔
سامری یسُوع مسیح دے زمانے ءچ سامریہ صوبے دے راہنڑ آلیاں کوں سامری آکھیا ویندا ہا۔
سُلیمان بادشاہ دے بعد بنی اِسرائیل ڈُو حصیاں ءچ ونڈیج گئے۔ ہک حصے کُوں ”یہُوداہ دے لوک“ آکھیا ویندا ہا یعنی جیندے ءچ داؤد بادشاہ دا قبیلہ یہُوداہ، کاہناں دا قبیلہ لاوی تے کُجھ بنیمینی شامل ہَن۔ انہاں دے شمال ءچ باقی اِسرائیلی قبیلے ہَن جِنہاں کُوں ”اِسرائیل دے لوک“ آکھیا ویندا ہا۔ اسُور دے دور حکومت ءچ شمالی اِسرائیل برباد تھی گیا تے اکثر لوک مُلک ءچوں کڈھ ڈِتے گئے تے اُنہاں دے علاقے ءچ کُجھ غیر لوک راہنڑ لگے ۔ اِیں واسطے یسُوع مسیح دے زمانے ءچ باقی یہُودی اُنہاں کُوں اِسرائیلی نہ سمجھدے ہَن تے اُنہاں نال کھانڑا وی نہ کھاندے ہَن۔ سامری لوک آپنڑے آپ کُوں سرائیلی بلکہ بنی یُوسف آدھے ہَن پر او یروشلیم دی ہیکل تے کاہِناں کُوں نہ منیندے ہَن۔
سامریاں یسُوع مسیح دے زمانے ءچ سامریہ صوبے دے راہنڑ آلیاں کوں سامری آکھیا ویندا ہا۔
سُلیمان بادشاہ دے بعد بنی اِسرائیل ڈُو حصیاں ءچ ونڈیج گئے۔ ہک حصے کُوں ”یہُوداہ دے لوک“ آکھیا ویندا ہا یعنی جیندے ءچ داؤد بادشاہ دا قبیلہ یہُوداہ، کاہناں دا قبیلہ لاوی تے کُجھ بنیمینی شامل ہَن۔ اُنہاں دے شمال ءچ باقی اِسرائیلی قبیلے ہَن جِنہاں کُوں ”اِسرائیل دے لوک“ آکھیا ویندا ہا۔ اسُور دے دور حکومت ءچ شمالی اِسرائیل برباد تھی گیا تے اکثر لوک مُلک ءچوں کڈھ ڈِتے گئے تے اُنہاں دے علاقے ءچ کُجھ غیر لوک راہنڑ لگے ۔ اِیں واسطے یسُوع مسیح دے زمانے ءچ باقی یہُودی اُنہاں کُوں اِسرائیلی نہ سمجھدے ہَن تے اُنہاں نال کھانڑا وی نہ کھاندے ہَن۔ سامری لوک آپنڑے آپ کُوں سرائیلی بلکہ بنی یُوسف آدھے ہَن پر او یروشلیم دی ہیکل تے کاہِناں کُوں نہ منیندے ہَن۔
سبت عِبرانی لفظ ”سبت“ دا مطلب ہے سَت۔ خُدا دُنیا کُوں چِھی ڈینہاں ءچ خلق کیتا تے ستویں ڈینہہ اِیں کم تُوں فارغ تھیّا تے اُوں اِیں ستویں ڈینہہ کُوں ارام کرݨ کیتے ہِک خاص ڈینہہ مُقرر کیتا۔شریعت دے مطابق یہُودیاں کُوں اُوں ڈینہہ کوئی کم نا کرنڑا ہا تاں جو اُنہاں کُوں یاد راہوے جو اُنہاں دی خوشحالی اُنہاں دی آپنڑی محنت یا عقل دے سببّوں نئیں بلکہ خُدا دی برکت تے اُوندے اُتے بھروسہ رکھنڑ دے سببّوں ہے۔ عیداں آلی کار ایہ ڈینہہ وی خُدا دی طرفوں ہِک رحمت ہئی۔ پر یُسوع دے زمانے تئیں یہُودی مذہبی راہنماواں اِیں ڈینہہ کیتے بہُوں سارے چھوٹے چھوٹے اصول بنڑا تے اِیں رحمت کُوں مُصیبت بنڑا ڈِتا تے جیہڑا کوئی اُنہاں دے بنڑائے ہوے اصولاں اُتے عمل نہ کریندا ہَا، او اُونکُوں ُ گُنہگار سمجھدے ہَن۔ یہُودی لوکاں کیتے سبت دا ڈینہہ ہفتے دا ڈینہہ ہا یعنی ستواں ڈینہہ، پر مسیحی لوک یسُوع دے جی اُٹھنڑ دی یاد ءچ اتوار کُوں سبت دا ڈینہہ منیندے ہِن۔
سجدہ یُونانی لفظ ”پروسکُونایو“ دے ڈُو مطلب ہِن۔ ہِک: کہیں وڈی شخصیت دے احترام ءچ یا مِنت کرݨ کیتے اُوندے اگُوں مُنہ دے بھار ڈھاونڑا۔ ڈُوجھا: خُدا دے اگُوں مُنہ دے بھار ڈھے تے سجدہ کرنڑا۔ ایہ ساکُوں سیاق و سباق یا پس منظر تُوں پتا لگدے جو اِیندا کیا مطلب ہے۔
سردار کاہِن ایہ اُوہو کاہِن ہَن جیہڑے یہُودی عدالت یا سپریم کورٹ دا حصہ ہَن۔ اُنہاں ءچوں بہُوں ساریاں یسُوع مسیح دی مخالفت کیتی کیوں جو او اُونکُوں تے اُوندی تعلیم کُوں آپنڑے عہدے تے طاقت کیتے ہِک خطرہ سمجھدے ہَن۔
سردار کاہِناں ایہ اُوہو کاہِن ہَن جیہڑے یہُودی عدالت یا سپریم کورٹ دا حصہ ہَن۔ اُنہاں ءچوں بہُوں ساریاں یسُوع مسیح دی مخالفت کیتی کیوں جو او اُونکُوں تے اُوندی تعلیم کُوں آپنڑے عہدے تے طاقت کیتے ہِک خطرہ سمجھدے ہَن۔
سینے دا کپڑا ایہ کاہِن ِ اعظم دے خاص لباس دا ہِک حصہ ہا جیہڑا ہِک وڈی جیب آلی کار ہا۔ اِیندے باہر آلے پاسے بنی اِسرائیل دی نمائندگی ءچ بارہاں پتھر لگے ہوندے ہَن جِنہاں اُتے بنی اِسرائیل دے بارہاں قبیلیاں دے ناں لِکھے ہوندے ہَن۔ اُوندے اندر آلے پاسے خُدا دی مرضی جانڑن کیتے قُرعے دے ڈُو پتھر ہوندے ہَن۔
شاگرد ایہ لفظ یسُوع المسیح دے پیروکاراں کیتے اِستعمال تھیندے۔ متن ءچ ایہ خاص طور تے اُنہاں بارہاں پیروکاراں کیتے اِستعمال تھئے جِنہاں کُوں یسُوع چُنڑیا تاں جو او لگاتار اُوندے نال راہوݨ، اُوندے کماں کُوں ڈیکھنڑ، اُوندے کلام کُوں سُنڑݨ تے ایہ جاݨ گِھننڑ جو یسُوع کوݨ ہے۔
صدر عدالت یسُوع المسیح دے زمانے ءچ یہُودیاں دے ہر وڈے شہر ءچ ہِک عدالت ہوندی ہئی۔ عبرانی ءچ اُونکُوں سنہیڈرن آکھیا ویندے یعنی کٹھے باہونڑا یا جماعت۔یروشلیم ءچ ہِک وڈی سنہیڈرن یعنی سپریم کورٹ ہئی جِیندے ءچ کاہِن اعظم دے علاوہ ستّر (70) ممبر ہَن۔
صدوقی صدُوقی یہُودیاں دا ہِک مذہبی فرقہ ہا جیہڑے فرشتیاں، بدرُوحاں تے موت دے بعد ولا زندہ تھیوݨ کُوں نہ منیندے ہَن۔ او زیادہ تر امیر ہَن تے سیاسی امن چاہندے ہَن تے اِیں واسطے ہیرودیس بادشاہ نال روم آلیاں کُوں خوش کرݨ دی کوشش کریندے ہَن۔70 عیسوی دے بعد جڈاں ہیکل برباد کر ڈِتی گئی تاں اُنہاں دا فرقہ وی ختم تھی گِیا۔
صِیُّون صِیُّون اُوں پہاڑی دا ناں ہے جیہڑی یہُوداہ دے علاقے ءچ ہئی تے جتھاں بُت پرست یبوس لوک راہندے ہَن۔ داؤد بادشاہ اُوندے اُتے قبضہ کر گِھدا جِیندی وجہ کنُوں اُونکُوں داؤد دا شہر وی آکھیا ویندے تے یروشلیم وی۔ اُتھائیں بیت المقدس وی بنڑایا گِیا۔
عبادت خانہ یسُوع مسیح دے دور ءچ یہُودیاں دے ہر شہر ءچ عبادت خانہ ہوندا ہا جِتھاں لوک عبادت کریندے تے خُدا دے کلام دی تلاوت کریندے ہَن۔ یُونانی زبان ءچ اُنہاں عبادت خانیاں کُوں "سیناگوگ" یعنی کٹھے ہووݨ دی جاہ آکھیا ویندا ہے۔
عبرانی ڈُوجھیاں قوماں اکثر بنی اِسرائیل کُوں عبرانی آدھیاں ہَن جِیندا مطلب ہے ڈُوجھے پاسُوں دے لوک یعنی دریا پار دے یا سرحد پار دے۔ اِیں واسطے بنی اِسرائیل جیہڑی زبان بُلیندے ہَن او عبرانی اکھواوݨ لگی۔ ایہ لقب کہیں کُوں غیر آکھنڑ دے برابر ہے۔ پُرانڑے عہد نامے دا تقریباً 97 فیصد حصہ عبرانی ءچ ہے جڈاں جو عزرا تے دانی ایل دی کتاب دے کُجھ باب ارامی زبان ءچ ہِن۔
غلیل متن ءچ جِیں چیز دا ذِکر ہے او غُلیل آلی کار وٹا یا پتھر مارنڑ کیتے اِستعمال تھیندی ہئی پر اِیندے ءچ لکڑی دی جنگھی نہ ہوندی ہئی بلکہ پتھر کُوں اِیندے ءچ رکھ تے گُھما گُھما تے سٹیا ویندا ہا۔
غُلیل متن ءچ جِیں چیز دا ذِکر ہے او غُلیل آلی کار وٹا یا پتھر مارݨ کیتے اِستعمال تھیندی ہئی پر اِیندے ءچ لکڑی دی جنگھی نہ ہوندی ہئی بلکہ پتھر کُوں اِیندے ءچ رکھ تے گُھما گُھما تے سٹیا ویندا ہا۔
غیر قوم خُدا دے کلام ءچ غیر قوم انہاں لوکاں کُوں آکھیا گیا ہے جیہڑے بنی اِسرائیل یعنی خُدا دی چُنڑی ہوئی قوم ءچ نہ ہَن ۔ بنی اِسرائیل دے آسُوں پاسُوں دیاں سبھ قوماں بُت پرست ہَن تے اکثر خُدا دے لوکاں دیاں دُشمنڑ ہَن۔یسُوع مسیح بنی اِسرائیل یعنی یہُودیاں کیتے تے غیر یہُودیاں ڈوہائیں کیتے نجات دا رستہ کھولیا ہے۔
فریسی فریسی یہُودیوں دے ہِک با اثر مذہبی فرقے دے لوک ہَن جِنہاں دا تعلق ہر شہر تے ہر دیہات دے عبادت خانے تے عوام نال ہا۔ اُنہاں توریت دے حُکماں دی خلاف ورزی تُوں بچنڑ کیتے روز مرہ زندگی دے ہر کم کیتے تے خاص طور تے سبت دے ڈینہہ کیتے جِیندے ءچ کم کرݨ منع ہا، بہُوں سارے اصول بنڑائے ہوئے ہَن جیہڑے ”اَن لِکھی شریعت“ تے ”بزرگاں دی روایت“ اکھویندے ہَن۔ جیہڑے لوک اِنہاں چھوٹے چھوٹے اصُولاں اُتےنہ ٹُردے ہَن، فریسی اُنہاں کُوں گنہگار آدھے ہَن۔
فسح فسح او عید ہے جینکُوں بنی اِسرائیل مِصر دی غلامی تُوں نکل تے ازاد ہووݨ دی یاد ءچ منیندے ہَن۔ غلامی تُوں ازاد تھیوݨ دی رات بنی اِسرائیل ہِک بے عیب لیلا قربان کر تے اُوندے خون کُوں آپنڑیاں چوکٹھاں اُتے لایا تاں جو موت دے فرشتے تُوں بچے راہوݨ جڈاں جو مِصر دے سبھ پلوٹھے مارے گئے۔ ہر سال اِیندی یادگاری ءچ او فسح دا کھانڑا کھاندے ہَن۔ اگلے ڈینہہ تے پورے ہِک ہفتے کیتے او کوئی خمیری چیز نہ کھاندے ہَن۔ اِیں واسطے اِینکُوں بے خمیری روٹی دی عید وی آکھیا ویندے۔ یسُوع مسیح فسح دی او بے عیب قُربانی ہے جِیندے وہائے ہوئے خون دے وسیلے نال سبھ ایمانداراں کُوں گُناہاں دی غلامی تے سزا تُوں ازادی مِلدی ہے تے اساں خُدا دے لوکاں ءچ شامل تھی ویندے ہیں۔
قُربان گاہ عبرانی ءچ قُربان گاہ کُوں مذبح آکھیا ویندے۔ ایہ ہِک چھوٹا جِیہا تھڑا ہاتے زمین کنُوں تھوڑا اُچابنڑایا ویندا ہا۔ پہلے زمانے ءچ اِینکُوں پتھریا مِٹی نال بنڑایا ویندا ہا پر بعد ءچ اِجتماع آلے تمبُو دی قُربان گاہ پِتل دی ہئی۔ اُوندے اُتے لکڑی رکھی ویندی ہئی تے ول جانور کُوں اُوندے سامنڑے ذبح کیتا ویندا ہا تے اُوندا خون وہاتے جیہڑا حصہ خُدا کُوں ڈیونڑا ہوندا ہا اُوندے اُتے ساڑ ڈِتا ویندا ہا۔
قُربان گاہاں عبرانی ءچ قُربان گاہ کُوں مذبح آکھیا ویندے۔ ایہ ہِک چھوٹا جِیہا تھڑا ہاتے زمین کنُوں تھوڑا اُچا بنڑایا ویندا ہا۔ پہلے زمانے ءچ اِینکُوں پتھریا مِٹی نال بنڑایا ویندا ہا۔
کاہِن عبرانی زبان ءچ مذہبی راہنما کُوں کوہن آکھیا ویندے۔ خُدا موسیٰ دے بِھرا ہارُون تے اُوندی نسل دے مرداں کُوں بنی اِسرائیل دے مذہبی راہنما ہووݨ کیتے چُنڑیا۔ کاہِن دا کم ایہ ہا جو او بنی اِسرائیل دی نمائندگی ءچ عبادت خانے ءچ خدمت کریندا تے قُربانیاں پیش کریندا ہا۔ اُونکُوں خدمت کریندے ویلے خاص لباس پاونڑا پوندا تے آپنڑے آپ کُوں پاک صاف رکھنڑ کیتے وڈی احتیاط کرنڑی پوندی ہئی۔
کاہِنِ اعظم کاہنِ اعظم کُوں سال ءچ ہِک پھیری سبھ تُوں مُقدّس جاہ تے قُربانی دا خون پیش کرنڑا ہوندا ہا تاں جو او آپنڑے آپ دا تے اِسرائیل دے لوکاں دا کفارہ کر تے اُنہاں کُوں تے اِجتماع آلے تمبُو کُوں ولا پاک کر سگے۔ موسیٰ دا بِھرا ہارون بنی اِسرائیل دا پہلا کاہِنِ اعظم ہا۔
کروبی اسمانی مخلوق جِنہاں دا کم خُدا دی حضوری، عظمت تے قدُوسیت دو اِشارہ کرنڑا ہے۔
کلیسیا یُونانی لفظ ایکلیسیا دا مطلب ہے سڈیا ہویا (جماعت)۔ ایہ لفظ زیادہ تر اِیمانداراں دی ہِک مقامی جماعت کیتے اِستعمال تھیندے پر کڈھائیں کڈھائیں دُنیا دے سبھ اِیمانداراں کیتے اِستعمال تھیندے۔
کوڑھ ایہ ہِک چم دی بیماری ہے۔ عبرانی تے یُونانی لفظاں جِنہاں دا ترجمہ کوڑھ کیتا گئے، دا مطلب نہ صرف اصل کوڑھ دی بیماری ہے بلکہ او کئی قِسم دیاں لاعلاج تے سخت جلدی بیماریاں ہِن جِنہاں دی وجہ تُوں لوک ناپاک تھی ویندے ہَن تے اُنہاں کُوں آبادی تُوں باہر راہونڑا پوندا ہا۔
لاوی لاوی، یعقوب بن اِضحاق بن ابرہام دے بارہاں پوتراں ءچوں ہا تےاوندے قبیلے کُوں لاوی آکھیا ویندا ہا ۔ خُدا اُوں قبیلے دے مرداں کُوں باقی قبیلیاں دی نمائندگی ءچ آپنڑی خدمت کیتے چُنڑ گِھدا ۔ اُنہاں ءچوں ہارُون دی اولاد کاہِن مُقرر تھئی تے باقی لاوی مرد کاہِناں دے مدد گار ہَن۔ موسیٰ دے دور ءچ او سفر دے دوران عبادت کرݨ دے تمبُواں کُوں چیندے تے رکھیندے ہَن پر بعد ءچ جڈاں ہیکل بنڑ گئی تاں او ہیکل ءچ دربان، حمد کرݨ تے ساز وجاوݨ آلیاں دے طور تے خدمت کریندے ہَن۔
لنگر ایہ لوہے دا ہِک بہُوں بھاری کُنڈا ہے جِینکُوں زنجیر یا رسے دے نال بدھ تے سمندر دی تہہ ءچ سٹ ڈِتا ویندا ہے تاں جو جہاز ہِکو ای جاہ تے کھڑا راہوے۔
محصُول گِھننڑ محصول گِھننڑ آلے او یہُودی لوک ہَن جیہڑے یہُودیاں اُتے حکُومت کرݨ آلے رومی لوکاں کیتے محصول جمع کریندے ہَن۔ یہُودی عوام اُنہاں تُوں تفرت کریندی ہئی کیوں جو او نہ صرف بُت پرست دُشمنڑاں کیتے کم کریندے ہَن بلکہ آپنڑی جیب بھرݨ کیتے ناحق پیسے گِھننڑ دی کوشش کریندے ہَن۔
محصول گِھننڑ آلیاں محصول گِھننڑ آلے او یہُودی لوک ہَن جیہڑے یہُودیاں اُتے حکُومت کرݨ آلے رومی لوکاں کیتے محصول جمع کریندے ہَن۔ یہُودی عوام اُنہاں تُوں تفرت کریندی ہئی کیوں جو او نہ صرف بُت پرست دُشمنڑاں کیتے کم کریندے ہَن بلکہ آپنڑی جیب بھرݨ کیتے ناحق پیسے گِھننڑ دی کوشش کریندے ہَن۔
مسح کہیں دے سِر اُتے تیل وِیٹ تے اُونکُوں خُدا دی کہیں خاص خدمت کیتے مُقرر کرنڑا۔ بنی اِسرائیل ءچ اُنہاں دے بادشاہ کُوں یا کاہِن کُوں خاص طور تے کاہِن ِ اعظم کُوں اِینویں مُقرر کیتا ویندا ہا۔
مسیح یسُوع مسیح دے زمانے ءچ سامریہ صوبے دے راہنڑ آلیاں کوں سامری آکھیا ویندا ہا۔
سُلیمان بادشاہ دے بعد بنی اِسرائیل ڈُو حصیاں ءچ ونڈیج گئے۔ ہک حصے کُوں ”یہُوداہ دے لوک“ آکھیا ویندا ہا یعنی جیندے ءچ داؤد بادشاہ دا قبیلہ یہُوداہ، کاہناں دا قبیلہ لاوی تے کُجھ بنیمینی شامل ہَن۔ انہاں دے شمال ءچ باقی اِسرائیلی قبیلے ہَن جِنہاں کُوں ”اِسرائیل دے لوک“ آکھیا ویندا ہا۔ اسُور دے دور حکومت ءچ شمالی اِسرائیل برباد تھی گیا تے اکثر لوک مُلک ءچوں کڈھ ڈِتے گئے تے اُنہاں دے علاقے ءچ کُجھ غیر لوک راہنڑ لگے ۔ اِیں واسطے یسُوع مسیح دے زمانے ءچ باقی یہُودی اُنہاں کُوں اِسرائیلی نہ سمجھدے ہَن تے اُنہاں نال کھانڑا وی نہ کھاندے ہَن۔ سامری لوک آپنڑے آپ کُوں سرائیلی بلکہ بنی یُوسف آدھے ہَن پر او یروشلیم دی ہیکل تے کاہِناں کُوں نہ منیندے ہَن۔
نبیاں دے صحیفیاں پرانڑے عہد نامے دے فرق فرق حصے ہِن۔ پہلے حصے ءچ توریت دیاں پنج کتاباں جیہڑیاں موسیٰ لِکھیاں ہَن۔ وَل او کتاباں جِنہاں تُوں بنی اِسرائیل دی تاریخ دا پتا لگدے۔ وَل شاعری دیاں کتاباں یعنی زبور تے اَمثال تے اُنہاں دے بعد پیشن گوئیاں دیاں کتاباں۔ یُسوع المسیح د ےزمانے ءچ یہُودی لوک اکثر اِنہاں سبھ کُوں "توریت تے نبیاں دیاں کتاباں " آدھے ہَن۔
ہیرودیس اعظم جڈاں یسُوع مسیح بیت لحم ءچ پیدا تھیّا، ہیرودیس اعظم یہُودیاں دا بادشاہ ہا ۔او بہُوں ظالم بندہ ہا۔ اُوندی موت دے بعد رُومی حکُومت مُلک ترے حصیاں ءچ ونڈا ڈِتا تے ہر حصے اُتے ہِک حاکم مُقرر کیتا۔ ہیرودیس اعظم دے پوتر ہیرودیس انتیپس کُوں شمال ءچ گلیل دا حصہ مِلیا۔ ایہ اُوہو بادشاہ ہا جئیں یُوحنا بپتسمہ ڈیوݨ آلے دا سِر کٹوا ڈِتا ہا۔
ہیرودیس اگرِپا ہیرودیس اعظم دے پوتر ہیرودیس انتیپس دا بھڑینجا ہیرودیس اگرِپا ہا جیندا ذِکر اَعمال 12 تے 13 باب ءچ ہے۔ اُوندے پوتر دا ذِکر 25 - 26 باب ءچ اگرِپا بادشاہ دے ناں نال مِلدے۔
ہیرودیس انتیپس ہیرودیس اعظم یسُوع مسیح دی پیدایش دے ویلے یہُودیاں دا بادشاہ ہا۔ ہیرودیس انتیپس اُوندا پوتر ہا جِینکُوں صرف شمال ءچ گلیل دے حصے اُتے حکومت کرݨ دا اِختیار مِلیا۔ ایہ اُوہو بادشاہ ہا جئیں یُوحنا بپتسمہ ڈیوݨ آلے دا سِر کٹوا ڈِتا ہا۔ ہیرودیس انتیپس دا بھڑینجا ہیرودیس اگرِپا ہا جیندا ذِکر اَعمال 12باب ءچ ہے۔ اُوندے پوتر دا ذِکر 25 - 26 باب ءچ اگرِپا بادشاہ دے ناں نال مِلدے۔
ہیکل یروشلیم ءچ او مستقل عمارت جئیں اِسرائیل دی مرکزی عبادت گاہ دے طور تے اِجتماع آلے تمبُو دی جاہ گِھن گِھدی جِتھاں او آپنڑیاں قُربانیاں پیش کریندے ہَن۔ پہلی ہیکل سُلیمان بادشاہ بنڑائی جینکُوں بابل دے لوکاں تباہ کر ڈِتا۔جڈاں لوک بابل دی قید تُوں واپس آئے تاں اُنہاں زرُبابل دی راہنمائی ءچ ڈُوجھی ہیکل بنڑائی تے ہیرودیس اعظم اُونکُوں مزید وڈا تے شاندار بنڑایا۔ کلام ءچ ہیکل کُوں خُدا دا گھر آکھیا ویندا ہا۔
یہوواہ ایہ خُدا دا ناں ہے جِیندا مطلب ہے او جیہڑا ہمیشاں کیتے ہے۔عبرانی زبان ءچ اِیں لفظ دا تلفظ ”یاہوے“ ہے پر اکثر لوک روایتی طور تے اِینکُوں ”یہوواہ“ بُلیندے ہِن۔