یُوحنّا رسُول دا مُکاشفہ
پیش لفظ
ایہ مُکاشفہ خُدا دی طرفوں یُوحنّا رسُول اُتے نازل تھیّا جیہڑا یسُوع مسیح دے بارہاں شاگرداں ءچوں ہا۔ او آپنڑے مسیحی اِیمان دی وجہ کنُوں رومی حکُومت دی قید ءچ پتمُس ناں دے ہِک خشک جزیرے اُتے زندگی گُزریندا پِیا ہا۔ اُوں ویلے عالم گِیر کلیسیاواں بہُوں تشدد تے تکلیفاں برداشت کریندیاں پئیاں ہَن۔
خُدا اِیں مُکاشفے یعنی اِلہام ءچ مسیح دے جلال کُوں ڈکھیندے جیہڑا آپنڑی صلیبی موت دے ذریعے شیطان تے ساری بدی اُتے غالب آیا۔ وَل وی آخرت تُوں پہلے مسیح دے لوکاں کُوں شیطان تے وِگڑے ہوئے معاشرے دی طرفوں تے تشدد تے کُوڑی تعلیم پارُوں ڈُکھ سَہونڑا پوسی۔ پر خُدا دے لوک اِنہاں گالھیں کُوں یاد کرݨ پارُوں وفادار تے قائم رہ سگسن جو مسیح موت اُتے فتح پاتی تے بدکاراں دی عدالت ضرور تھیسی، تے نویں اسمان تے نوِیں زمین اُتے سکون، تسلی تے جلال مِلسی۔