حضرت یوسف : ہک راستباز قیدی (پَیدائش)
تعارف:
”حضرت یوسف دے آپنڑے بھرانواں نیں اونکوں غلام ہونونڑ کیتے ویچ ڈتہ ۔پر خدا حضرت یوسف دے نال ہا۔
(۱) وَل یوسف کوں مصِر ء چ گھن آئے تے فوطیفار مصری نیں جیہڑا فرعون دا ہک حاکم تے جلوداراں دا سردار ہا اونکوں اسمعیلیاں دے ہتھوںجہیڑے اونکوں اُوتھے لے گئے ہن، مُل گھن گھدا۔(۲) تےخداحضرت یوسف دے نَال ہا تے او ہ اقبال مند تھیا تے اوہ آپنڑے مصری آقا دے گھر رہندا ہا۔ (۳)تے اوندے آقا نیں ڈیٹھا جو خدااوندے نال ہےتے جیہڑے کم کوں او ہ ہتھ لیندے خدااوندے ء چ اونکوں اقبال مند کریندے۔ (۴) ایں پاروں یوسف ا وندی نظر ء چ مقبول تھیا تے او ہ وی اوندی خدمت کریندا ہا اوں نیں اونکوں آپنڑے گھر دا مختیار بنڑا کے اپنڑا سب کجھ اونکوں ڈے ڈتا۔ (۵) تےجئیں ویلےاوں نیں اونکوں گھر داتے سارے مال ڈا مختیار بنڑایا تَاں خدانیں اونکوں مصِری دے گھر ء چ برکت بخشی تے اوندیاں ساریاں چیزاں اتے جیہڑیاں گھر ء چ تے کھیت ءچ ہَن خدادِی برکت تھیونڑلگی۔(۶) اوں نیں اپنڑا سبھ کجھ یوسف دے ہتھ ء چ ڈے ڈتا تے سوا اوں روٹی دے جیکوں او ہ کھا گھندا ہا ۔ اونکوں اپنڑی کہیں چیز دا ہوش نہ ہوندا ہا ۔ تے یوسف خوبصورت تے حسَین ہا۔ اِنھاں گالیں دے بعد ایں تھیاء جو اوندے آقا دِی ذال دِی اکھ یوسف تےلگ گئی تےاوں نیں اونکوں آکھیا میڈے نال ہم بستری کر ۔(۸) لیکن اونیں انکار کیتا تے آپنڑے آقا دِی ذال کوں آکھیا جو ڈیکھ میڈے آقا کوں خبر وی کائنی جو ایں گھر ء چ میڈے کولھ کیا کیا ہے تےاوں نیں اپنڑا سبھ کجھ میڈے ہتھ ء چ چھڈ ڈتے۔ (۹) ایں گھر ء چ میں توں سوا کوئی وڈا نئیں تےاو ںنیں تیڈے سوا کوئی چیز میڈے توں لُکائی ہوئی نئیں کیوں جو توں اوندی ذال ہیں بھَلا میں کیوں ایڈی وڈی بدی کراں تے خدادا گنہگار کیویں بنڑاں۔ (10) تے او ہ ہر روز یوسف دے سَر تھیندی ریہی پر یوسف نیں اوندی گالھ نہ منی تے ہمبستری کرنڑ کیتے اوندے نال نہ ستا (۱۱)تے ہک ڈینہہ اینویں تھیا جو اوہ اپنڑا کم کرنڑ کیتے گھر گیا تے گھر دے بندیاں ء چو ں کوئی اندر نہ ہا۔(12) وَل اوں عورت نیں اوندا سافا پکڑ کے آکھیا میڈے نال ہم بستر تھی او ہ اپنڑا سافہ اوندے ہتھ چھوڑ کے بھج گیا۔ (13) جیں ویلے اوں نیں ایہہ ڈیٹھا جو او ہ اپنڑا سافامیڈے ہتھ ء چ چھوڑ کےبھج گئے۔ (14) تاں اوں نیں آپنڑے گھر دے بندیاں کوں سڈ کے آکھیا ڈیکھو او ہ ہک عبری کوں ساڈے نال مذاق کرنڑکیتے ساڈے کولھ گھن آئے ایہہ میڈے نال ہمبستر تھیونڑکیتے اندرگھس آئے تے میں وڈی اُچی آواز ء چ شور مچاونڑ لگی۔ (15) جیں ویلے اونیں ڈیٹھا جو میں زور زور نَال پٹدی پئی ہاں تاں اپنڑا سافہ میڈے کول چھوڑ کے تےباہرو ںبھج گئے ۔ (16) او ہ اوندا سافہ آپنڑے آقا دے گھر واپس ولنڑتئیں آپنڑے کول رکھی رہئی۔ (17) اوں نیں ایہہ گالھیں اونکوں آکھیا ں جو عبری نوکر جیہڑا توں گھن آیا ہیں میڈے کولھ اندر گھس آئے تا ں جو میڈے نال مذاق کرے۔(18) جئیں ویلےمیں زور زور نال رونڑ لگی تاں او ہ اپنڑا سافا میڈے کولھ چھوڑ کے باہرو ں بھج گئے۔(19) جئیں ویلے اوندے آقا نیں اپنڑی ذال دیاں ایہہ گالھیں جیہڑیاں اوں نیں اونکوں آکھیاں ، سنڑ گھدیاں جو تیڈے نوکر نیں میڈے نال ایہہ ایہہ کیتے او ہ غضب نال بھڑکیا۔ (20) تے یوسف دے آقا نیں اونکوں گھن کے قید خانہ ء چ جتھاں بادشاہ دے قیدی راہندے ہَن سٹ ڈتا تے اُو ا تھاںقید خانہ ریہا۔(21) لیکن خُداوند یوسف دے نال ہا اوں نیں اوندے اتے رحم کیتا تے قید خانہ دے دروغہ دِی نظر ء چ اونکوں مقبول بنڑایا۔(22)تے قید خانہ دے دروغہ نیں سارے قیدیاں کوں جیہڑے قید ء چ ہَن یوسف دے ہتھ ء چ ڈے ڈتہ جو کجھ او ہ کریندے ہَن اوندے حکم نال کریندے ہَن۔ (23) تےقید خانہ دا داروغہ سارے کماں دی طرفوں جہیڑے اوندے ہتھ ء چ ہَن بے فکر ہا ایں واسطے جو خُداونداوندے نال ہا جیہڑا کجھ او کریندا ہا خُداوند اوندے ء چ اقبال مندی بخشیندا ہا۔
(۱) یوسف کوں فوطیفار دی نظراں ء چ کیویں مقبولیت حاصل تھئی۔
(۲) یوسف نیں فوطیفار دی ذال دی گال دا کیویں جواب ڈتا۔؟
(۳) یوسف کوں قید ء چ کیوں سٹیا گیا ۔ ؟
(۴) قید خانہ ء چ خدانیں یوسف کوں کیندی نظر ء چ مقبولیت بخشی۔؟
