یوسف ڈ ا مُلکِ مصر ڈا حاکم بنڑنا (پیدائش 41 باب)
تعارف: جیں ویلے یوسف قید خانہ ء چ ہَن تاں ایہہ چرچا تھیونڑ لگا جو او ہ خواباں دِی تعمیر کر سگدے ہن تاں اساں ڈیدھے ہَیں جو کیویں ہک ای ویلے ء چ یوسف دِی زندگی بدل ویندی ہے تے یوسف کیتے خدا دا منصوبہ واضع تھی ویندے۔(پیدائش41)
(۱) پورے ڈو سال بعد فرعون نیں خواب ء چ ڈیٹھا جو او ہ دریا دے کنارے کھڑا ہے۔ (۲) تے اوں دریا ء چوں سَت خوبصورت موٹیاں موٹیاں گائیں نکل کے نیستان ء چ چرنڑ لگیاں ۔(۳) انھاں دے بعد سَت بد شکل تے سکیاں گائیں دریا ءچوں نکلیاں تے ڈوجھیاں گائیں دے برابر دریا دے کنارے ونج کھڑیاں۔(۴) تے ایہہ بد شکل سکیاں سکیاں گائیں انھاں سَت خوبصورت تے موٹیاں موٹیاں گائیں کوں کھا گیاں وَل فرعون جاگ پیا۔(۵) تے او ہ ول سَم پیا وَل اونیں ڈوجھا خواب ڈیٹھا ہک بوٹے ء چوں دانڑیاں دے سَت موٹے تے چنگے چنگے سَٹے نکلے۔(۶) انھاں دے بعد سَت پتلیاں تےپوربی ہوا دیاں ماریاں ہویاں تے مُرجھایاں ہویاں سٹیاں نکلیاں۔(۷) ایہہ پتلے سَٹے انھاں ست موٹی تے بھرے ہویاں کوں نگل گئے تے فر عون جاگ پیا اونکوں معلوم تھیا جو ایہہ خواب ہا۔ (۸) تے سویل کوں ایں تھیا جو اوندا جی گھبرایا تےاوں نیں مصر دے سارے جادوں گراں تےسارے دانش منداں کوں سڈا بھیجا تےاپنڑا خواب انھاں کوں ڈسیا انھاں اچوں کوئی اوندے اگو ں اوندے خواباں دِی تعبیر نہ کر سگیا۔(۹) اوں ویلے سردار ساقی نیں فرعون کوں آکھیا میڈیاں خطائیں اج میکوں یاد آئین۔(10)جد فرعون اپنڑے نوکراں نال ناراض ہا اوں نیں میکوں تے سردار نان پز کوں جَلوداروں دے سردار دے گھر ء چ نظر بند کرا ڈتا۔ (۱۱) تےمیں تےاوں ہکی رات ء چ ہک ہک خواب ڈیٹھے۔ ایہہ خواب اساں اپنڑی اپنڑی قابلیت ڈے مطابق ڈیٹھے۔(12) اُتھاں ہک عبری جوان جلوداراں دے سردار دا نوکر ساڈے نال ہئی اساں اونکوں خواب ڈسائے تے اوں نیں انھاں خواباں دِی تعبیر کیتی ہے ساکوں ہر ہک کوں او نیں اپنڑے خواباں دِی تعمیر ڈسائی۔ (13) تےجہیڑی تعبیر اوں ڈسی ہئی اونویں ای تھیاکیوں جو میکوں تاں اوں نیں میڈے منصب تےبحال کیتے تےڈوجھے کوں پھانسی ڈتی ہئی۔ (14) وَل فرعون نیں یوسف کوں سڈوا بھیجیا تاں انھاں نیں جلدی نال اونکوں قید خانہ ء چوں باہرکڈھیا اوہدی حجامت بنڑوائی تے کپڑے بدل کے فرعون دے سانمنڑے آیا۔(15) فرعون نیں یوسف کوں آکھیا میں ہک خواب ڈیٹھے جیندی تعبیر کوئی نیں کر سگدا میکوں تیڈے بارے ء چ آہدھے ہن توں خواب کوں سنڑ کے اوندی تعبیر کریندیں۔ (16) یوسف نیں فرعون کوں جواب ڈتا میں کجھ نیں جانڑدا خدا ای فرعون کوں سلامتی بخش جواب ڈیسی۔(17) فرعون نیں یوسف کوں آکھیا میں خواب ڈیٹھے جو میں دریا دے کنارے کھڑا ہم ۔(18) اوں دریا ء چوں سَت موٹیاں تےخوبصورت گائیں نکلیاں او ہ نیستانء چ چرنڑ لگیاں ۔(19) انھاں دے بعد سَت بیہہ خراب تے بہوں بد شکل تےپتلیاں گائیں نکلیاں اوہ اتنیاں بریاں ہَن جو میں سارے ملک مصر ء چ ایجھیاں کڈھائیں نیں ڈیٹھیاں۔(20) او ہ پتلیاں تے بد شکلیاں گائیں انہاں پہلیاں خوبصورت تے موٹیاں گائیں کوں کھا گھیاں۔(21) انھاں دے کھا ونجڑ دے بعد ایہہ پتہ نہ لگدا ہا جو انھاں نیں انھاں کوں کھا گھدا ہے بلکہ او ہ پہلے آلی کارجیسی ،تیسی بد شکل رہیاں وَل میں جاگ اٹھیا۔(22) وَل خواب ء چ ڈیٹھا جوہک پودے ء چ سَت بھرے ہوے چنگے چنگے سٹے نکلے۔(23) انھاں دے بعد ست بئیاںسکیاں پتلیاں تے پوربی ہوا دیاں ماریاں ہویاں سَٹیاں نکلیاں۔(24)تے ایہہ پتلی سٹیاں انھاں ستاں چنگے چنگےسٹے کوں نگل گئین میں اِنھاں جادوگراں کوں ایہہ بیان کیتے پر ایجھا کوئی نہ نکلیاء جو میکوں ایندا مطلب ڈسیندا۔(25) تد یوسف نیں فرعون کوں آکھیا فرعون دا خواب ہک ای ہے جو کجھ خداکرنڑ کوں ہے اوں نیں اونکوں فرعون اتے ظاہر کیتے۔(26) او ہ سَت چنگیاں چنگیاں گائیں سَت سال ہین تے او ہ چنگے چنگے سَٹےوی سَت سال ہین خواب ہکو ہے۔(27) تے او ہ سَت بدشکل تےپتلیاں گائیں جیہڑیاں انھاں دے بعد نکلیاں تے او ہ سَت خالی پوربی ہوا دے مارے ہوئے سَٹےوی سَت سال ای ہین یعنی کال دے سَت سال۔(28) ایہہ اوہو گالھ ہے جہڑی میں فرعون کوں آکھ چکیا ہاں جیہڑا کجھ خدا کرنڑ کوں ہے اونکوں اونیں فرعون اتے ظاہر کیتا ہے۔(29) ڈیکھ!سارے ملک مصر ءچ سَت سال تاں زیادہ پیداوار ڈے ہوسن۔(30) انھاں دے بعد سَت سَال کال دے آسن تےسارے ملک مصر ء چ لوک ایں ساری پیداوار کوں بھل ویسن تے ایہہ کال ملکِ مصرِ کوں تباہ کر ڈیسی۔(31) تے کثرت دی پیداوار ملک ء چ یاد نہ راھسی کیوں جو جیہڑا کال بعد ء چ پوسی او ہ بہوں ای سخت ہوسی۔(32)تے جیہڑا ایہہ خواب فرعون نیں ڈوجھی پھیری ڈیٹھے ایندا سبب ایہہ ہے جو ایہہ گالھ خدا دی طرفوں مقرر تھی گئی ہے خدا اینکوں جلدی پورا کریسی۔(33) ایں واسطے فرعون کوں چاہیدا ہے جو ہک دانشورتےعقل مند بندا گولھے تے اونکوں ملکِ مصر اتے مختیار بنڑاوے۔(34) فرعون ایہہ کرے جو ایں بندے دا اختیار ہوئے جو او ہ ملک ء چ ناظراں کوں مقرر کرے تے اوہ کثرت دی پیداوار دے سَت سَالاں ءچ سَارے ملک مصر دِی پیداوار دا پنجواں حصہ گھن گھنڑ ۔(35) تےاو ہ چنگے سَالاں ء چ جیہڑا کجھ آندےسَارے کھانونڑ دیاں چیزاں جمع کرنڑ تےشاہر شاہر ء چ غلہ جیہڑا فرعون دے اختیار ء چ ہووے اونکوں کٹھا کر تےاوندی حفاظت کرنڑ۔(36) ایہو غلہ ملک کیتے ذخیرہ ہوسی تے ستاں سَالاں کیتے جئیں ویلے تئیں ملک ء چ کال راھسی ایہو کافی ہوسی تاں جو کال دی وجہ توں ملک برباد نہ تھی ونجے۔
یوسف مصر دا حاکم بنڑایا ویندے
(37) ایہہ گالھ فرعون تے اوندے سَارے نوکراں کوں پسند آئی۔ (38) وَل فرعون نیں اپنڑے سَارے نوکراں کوں آکھیا کیا ایہو جیہاں بندا مل سگدے جیویں ایہہ ہے جیندے ء چ خدا دی دی روح ہوے۔(39) تےفرعون نیں حضرت یوسف کوں آکھیا کیوں جو خدا نیں تیکوں ایہہ سبھ کجھ سمجھا ڈتے ایں پاروں تیڈے آلی کار دانشمند تے عقل مند کوئی نئیں۔(40) تےتوں میڈے گھر دا مختیار ہوسیں تے میڈی ساری رعایا تیڈے حکم تے چلسی۔ فقط تخت دا مالک ہونونڑ دے سببوں میں بزرگ تر ہوساں۔(41) تےفرعون نیں یوسف کنوں آکھیا ڈیکھ میں تیکوں سارے ملک مصر دا حاکم بنڑینداں۔(42) تےفرعون نیں اپنڑی مندری اپنڑے ہتھ ء چوں کڈھ کے حضرت یوسف دے ہتھیں پوا ڈتی تےاونکوں باریک موتیاں آلا لیلن دا لباس پوایا تے اوندے گلء چ سونے دا گلو بند پواڈتا ۔(43) تے اوں نیں یوسف کوں اپنڑے ڈوجھے رتھ ء چ سوار کراکے ،اگے اگے ایہہ مُنادی کروائی کہ گھٹنے جھکے کرو تے او نیں ،اونکوں ملکِ مصر دا حاکم بنڑا ڈتا۔(46 ) تے یوسف تریح سال دا ہئی جیں ویلے او ہ بادشاہ فرعون دے سانمنڑے گیا۔تے او فرعون توں رخصت تھئی کے تے سارے ملک مصر دا دورہ کیتا۔
(۱) فرعون دے خواباں دے جواب ء چ یوسف نیں پہلی گالھ کیا کیتی۔؟
(۲) جئیں ویلے فرعون نیں اپنڑی مندری یوسف دی انگلی ء چ پوا ڈتی تاں ایں توں یوسف دی زندگی ء چ کیا تبدیلی آئی ۔؟
(۳) یوسف کوں جئیں ویلے مقرر کیتا گیا تاں اوندی عمر کیا ہئی؟
(۴) تہاڈے خیال ء چ یوسف کتنا عرصہ جیل ء چ رہیا ہوسی؟
(۵) فرعون نیں جیہڑے خواب ڈیٹھے او ہ کیندے آلی کار ہَن؟
