فتح یریحو
تعارف: میڈے بھراؤ اج میں تہاکوں یریحو شاہر ء چ مخبر کیویں بھیجے گئے تے وَل یریحو شاہر تے قبضہ کیویں تھیاء ۔(یشوع۲ باب۱تا ۴۱ آیت)
(۱) وَل نون دے پوتر یشوع نیں شِطیم دو ڈو مرداں کوں چپ کر تے جاسوس دے طور تے بھیجیا تے انھاں کوں آکھیا ونج کے اوں ملک یریحو کوں ڈیکھو بھالو ۔او ہ روانہ تھئے تے ہک کسبی دے گھر ء چ جیندا ناں راحب ہا آئے تے اتھائیں سم گئے۔(۱0) کیوں جو اساں سنڑ گھدا ہے جد تساں مِصر توں نکلے تے خدانیں تہاڈے اگوں بحِر قلزم دے پانڑی کوں سکا ڈتہ تے تساں اموریاں دے ڈوہائیں بادشاہاں سیحون تے عوج نال جیہڑے یردن دے او ں پار ہن جنہاں کوں تساں بلکل ہلاک کر ڈتہ کیا کیا کیتا۔(۱2) ہنڑ میں تہاڈی منت کریندی ہاں جو میڈے نال خداوند دی قسم کھاؤ جو میں تہاڈے اتے مہربانی کیتی ہے تے تساں میڈے پیو دے گھرانڑے اتے مہربانی کریسوتے میکوں کوئی سچا نشان ڈیئو۔(14)انھاں مَرداں نیں اونکوں آکھیا ساڈی جان تیڈی جان دی کفیل ہوسی بشرطیکہ تو ساڈے ایں کم دا ذکر نہ کریسیں تےایویں ہوسی جئیں ویلے خداایں ملک کوں ساڈے حوالے کریسی تاں اساں تیڈے نال مہربانی تے وفاداری نال پیش آسوں۔(یشوع 6باب،1 تا 27 آیات) (۱) وَل یریحو شہربنی اسرائیل دے سببوں بہوں مضبوطی نال بند ہا نہ تاں کوئی باہر ویندا ہا تے نہ کوئی اندر آندا ہا۔(۲) وَل خدانیں یشوع کوں آکھیا ڈیکھ میں یریحو کوں تے اوندے بادشاہ تے زبر دست سورماواں کوں تیڈے ہتھ ء چ ڈتے۔(۳)سو تساں سَارے جنگی مرد شاہر کوں گھیر گھنو تے ہک پھیری اوندے چودھارو ں گشت کرو چھی ڈینہاں تئیں تساں ایویں کرائے۔(۶) تے نون دے پوتر یشوع نیں کاہناں کوں سڈوایا تے انھاں کوں آکھیا جو عہد دا صندوق چا کے ست کاہن چھتریاں دے سنگھاں دے سَت نرسنگے گھدے ہوئے خدادے صندوق دے اگو ں اگو ں ٹرو۔(۷) وَل انھاں نیں لوکاں کوں آکھیا اگوں ودھ کے شاہر کوں گھیر گھنو جیہڑے بندے مسلح ہَن او ہ خدادے عہد دے صندوق دے اگو ں اگو ں ٹرنڑ۔(۱0) وَل یشوع نیں لوکاں کوں ایہہ حکم ڈتہ جو نہ تاں تساں نعرہ لوائے تے نہ تہاڈی آواز سنڑائی ڈیوے نہ تہاڈے منہ توں کوئی گالھ نکلے جڈاں میں تہاکوں اشارہ ڈیواں وَل تساں نعرہ لوائے۔(۱5) وَل ستویں ڈینہہ ایں تھیاء جو او ہ سویر نال پوھ پھٹنڑ دے ویلے اٹھے تے اوں شاہر دے باہرو ں سَت پھیری پھرے فقط اوں ڈینہہ سَت پیھری چکر لائے۔(۱6) وَل سَتویں وار ایں تھیاء جو جیں ویلےکاہناں نیں نرسنگے وجائےتاں یشوع نیں لوکاں کوں آکھیا جنگ دا نعرہ لاؤ !کیوں جو خدانیں ایہہ شاہر تہاکوں ڈے ڈتے۔(۲1) وَل انھاں نیں انہاں سَاریاں کوں جیہڑے شاہر ء چ ہَن کیا مرد کیا عورتاں کیا جوان کیا بڈھے کیا ڈاند کیا بھیڈاں کیا کھوتے ساریاں کوں تلوار دی دھار نال بلکل نیست کر ڈتہ۔ (۲۲) وَل یشوع نیں انھاں ڈوہائیں بندیاں کوں جنہاں نیں اوں ملک دی جاسوسی کیتی ہئی آکھیا اوں کسبی دے گھر ونجو تے اتھاں جینویں تساں اوندے نال قسم کھادی ہے اوندے مطابق اوں عورت کوں تے جیہڑا کجھ اوندے کولھ ہے سبھ کجھ کڈھ آؤ۔(۲7) اینویں خداوند یشوع دے نال ہا تے اوندی شہرت اوں سارے ملک ءچ تھی گئی۔
(۱) جئیں عورت نیں مخبراں کوں پناہ ڈتی اوندا ناں کیا ہا۔؟
(۲) جڈاں اسرائیلی فوج نیں ستویں ڈینہہ یریحو دے چودھارو ں سَت چکر مکمل کیتے تاں کیا تھیاء ؟
(۳) اسرائیلی فوج کوں چھی ڈینہہ تئیں چپ راہونڑ دی ہدایت کیوں کیتی گئی۔؟
(۴) راحب دا کیا بنڑیا اونکوں کیا حوصلہ ملیا۔ ؟
