دریائے یردن کوں پار کرنڑاں (یشوع 1،2،3،4 باب)
(۱)تےخُداوند دے بندے موسیٰ دی وفات دے بعد انج ہویا کہ خُداوند نیں اُس دے خادم نون دے پتر یشوع نوں آکھیا۔(۲) میڈا بندہ موسیٰ وفات پاگئے سو ہنڑ توں اٹھ ،تےانھاں لوکاں کوں نال گھن کے ٍاُس یردن دے پار اُس ملک ءچ جا جس نوں میں اُنہاں یعنی بنی اسرائیل کوں ڈیندا ہاں۔(3)جس جس جاء تیڈے پیر دا تلوا لگسی او کوں جیویں میں موسی نوں آکھیا ہا میں تئے کوں ڈیتا ہے۔
(یشوع:۳:۵ آیت) 5وَل یشوع نیں لوکاں کوں آکھیا تساں اپنڑے آپ کوں مقدس کرو کیوں جو کل دے ڈینہہ خُداوند تہاڈے وچال عجیب کم کریسی۔(14) تےوَل جئیں ویلے لوکاں نیں یردن دے پار ونجنڑ کیتے اپنڑے ڈیرے توں کوچ کیتا تے کاہن جنہاں عہد دا صندوق چایا ہویا ہا لوکاں دے اگو ں اگو ں تھئے۔(16)تےجیہڑا پانڑی اتوں آندا ہئی او ہ بہوں دور ادم دے کولھ جیہڑا ضرتان دے برابر ہک شاہر ہے رک کے ہکو ڈھیر تھی گیا او ہ پانڑی جیہڑا میدان دے دریا شور آلے پاسے وھندا ہا بلکل انج تھی گیا تے لوک عین یریحو دے مقابل پار اترے۔(17)او ہ کاہین جیہڑے خدا دے عہد دا صندوق چائی ودے ہَن دریائے یردن دے وچال سکی زمین اتے کھڑے ریہے تے سارے اسرائیلی سکی زمین توں تھی کے لنگھے ایتھوں تئیں جوساری قوم صاف یردن دے پار تھی گئی۔(یشوع:۴:۱ تا:۴۲ آیت) (۱) وَل ساری قوم دریا یردن دے پار لنگھ گئی تے خدانیں یشوع کوں آکھیا۔(۲) قبیلے پچھوں ہک بندے دے حساب نال بارہاں لوکاں کوں چنڑ گھنو۔(۳) انھاں کوں حکم ڈیوجو تساں یردن دے ءچو ں جتھاں کاہناں دے پیر جمے ہوئے ہَن بارہاں پتھر گھنو انھاں کوں اپنڑے نال گھن تے اوں جاہ تے رکھ ڈئیو جتھاں تساں اج رات ٹکسو ۔(۱5) وَل خدا نیں یشوع کوں آکھیا ۔(۱6) انھاں کاہناں کوں جیہڑے عہد دا صندوق چاتی ہوئے ہَن حکم کر جو او ہ یردن ء چوں نکل آونڑ۔(۱8) وَل او ہ کاہن جیہڑے خدادا عہد دا صندوق چاتی ہوئے ہَن دریا یردن دے وچوں نکل آئے انھاں دے پیر سکی جاہ تے آٹکے تاں دریا ئےیردن دا پانڑی اپنڑی جاہ آگیا او ہ پہلے آلی کار اپنڑے سارے کناریاں تے واہنڑ لگا۔(۲0) وَل یشوع نیں انھاں بارہاں پتھراں کوں جنہاں کوں اونیں دریا ئے یردن ء چوں گھدا ہا جلجال ء چ نصب کیتا۔(۲1) اونیں بنی اسرائیل کوں آکھیا جڈاں تہاڈے پوتر آئندہ زمانےء چ اپنڑے اپنڑے پیو ڈاڈے کنوں پچھسن جو اِنھاں پتھراں دا مطلب کیا ہے۔؟(۲۲) تاں تساں اپنڑے پوتراں کوں ایہو ڈسائے جو اسرائیلی سکے سکے تھی کے ایں دریا یردن دے پاروں آئے ہَن۔(۲3) کیوں جو خدا وند تہاڈے خدانیں جئیں تئیں تساں پار نہ تھئے دریا ئے یردن دے پانڑی کوں تہاڈے سانمنڑے ہٹا کے سکا ڈتے جیویں خداوند تہاڈے خدا نیں بحرِقلزم نَال کیتا اونکوں ساڈے سانمنڑے ہٹا کے سوکا ڈتہ جئیں تئیں اساں پار نہ تھئے ۔(۲4) تاں جو زمین دیاں ساریاں قوماں جانڑ گھننڑ جو خُداونددا ہتھ قوی ہے تے او ہ خدا وند تہاڈے خدا توں ہمیشہ ڈردیاں راہونڑ۔
(۱) جیہڑے کاہَن دریا دے ءچ کھڑے ہَن انھاں نیں کیا چاتا ہویا ہا۔؟
(۲) جیہڑے پتھر یشوع نیں دریا ء چو ں گھدے ہَن انھاں دا کیا مطلب ہا ۔؟
(۳) اسرائیل کیتے دریا ئے یردن کوں عبور کرنڑ دی کیا اہمیت ہئی۔؟
