تہاڈی بادشاہی آوے (متی ۶ باب)
(تعارف) میڈے بھراؤ !اج دی کہانڑی ایہہ ہے جوخدا ڈیکھاوا پسند نیں کریندا کیوں جو راستبازی دے کماں کوں اوہ پسند کریندے ہَن جیہڑے راستبازی دے کم کریندے ہن۔ (متی:۶ باب ۱۔ 15۔ آیت)
(۱) خبردار ! اپنڑے راستبازی دے کم بندیاں دے سانمنڑے ڈیکھاونڑ کیتے نہ کرو نہ تاں تہاڈے خدادے کولھ جیہڑا آسمان اتے ہے تہاڈے کیتے کوئی اِجر کائنی۔(۲) بس جڈاں تساں خیر ات کرنڑاں چاہو تاں اپنڑے اگو ں ڈھول نہ وجواؤ جیویں ریا کار عبادت خانیاں تےگلیاں کوچیاں ءچ کریندے ہَین تاں جو لوک انھاں دی واہ واہ کرنڑ ۔میں تہاکوں سچ آہدھاں جو او ہ اپنڑا اجر پا چکن۔(۳) بلکہ جڈاں توں خیرات کریں تاں جیہڑا تیڈا سجا ہتھ کریندےاونکوں تیڈا کھبا ہتھ نہ جانڑے۔(۴) تاں جو تیڈی خیرات پوشیدہ رہوے ایں صورت ء چ تیڈاخدا جیہڑا پوشیدگی ء چ ڈیدھا ہے تیکوں بدلہ ڈیسی۔(۵) جڈاں تساں دعا کریں تاں ریاکاراں آلی کار نہ بنڑو کیوں جو او ہ عبادت خانہ ء چ تے بازاراں دے موڑاں تے کھڑے تھی تے دعا کرنڑاں پسند کریندے ہن تاں جو لوک انھاں کوں ڈیکھنڑ میں تہاکوں سچ آہدھاں او ہ اپنڑا اجر پا چکن۔(۶) بلکہ جڈاں توں دعا کریں اپنڑی کوٹھٹری ء چ ونج ، تے دروازہ بند کر ، تے اپنڑے خدانال جیہڑا پوشیدگی ء چ ہے دعا کر ایں صورت ء چ تیڈا باپ جیہڑا پوشیدگی ء چ ڈیدھے تیکوں بدلہ ڈیسی۔(۷) وَل دعا کریندے ویلے ڈوجھیاں قوماں دے لوکاں آلی کار بَک بک نہ کرو کیوں جو او ہ سمجھدے ہَن جو ساڈے بہوں بولنڑ دے سببوں ساڈی سنڑی ویسی۔ (۸) بس انھاں آلی کار نہ بنڑو کیوں جو تہاڈا خداتہاڈے منگنڑ توں پہلے ای جانڑدا ہے جو تساں کیہڑیاں چیزاں دے محتاج ہیوے۔ (۹) بس تساں اینوے دعا کیتا کرو جو اے ساڈے باپ توں جیہڑا آسمان اتے ہیں تیڈا ناں پاک منیا ونجے ۔ (10) تیڈی بادشاہی آوے تیڈی مرضی جینویں آسمان اتےپوری تھیندی ہے زمین اتے وی ہووے۔(۱۱) ساڈی روز دی روٹی اج ساکوں ڈے۔(12) تےجیویں اساں اپنڑے قرضداراں کوں معاف کیتا ہے توں وی ساڈے قرض ساکوں معاف کر۔ (13) تے ساکوں آزمائش ء چ نہ پا ، ساکوں برائی توں بچا (کیوں جو بادشاہی تے قدرت تے جلال ہمیشہ تیڈا ای ہے آمین) (14) ایں واسطے جے تساں بندیاں دے قصور معاف نہ کریسو تاں تہاڈا باپ وی تہاکوں معاف نہ کریسی۔
(1) جڈاں اساں خیرات کروں تاں اپنڑے اگوں ڈھول نہ ویجواؤں ؟
(2) کیہڑے قسم دے کم خداکوں پسند کائنی ؟
(3) المسیح نیں کیا تعلیم ڈتی جو ساکوں کیویں دعا کرنڑی چاہیدی ہے؟
(4) جڈاں اساں بندیاں دے قصور معاف کریسوں تاں خدا ساڈے نال کیویں پیش آسی؟
