ہک اَکھ تے ہک چٹان (متی۵۔۷باب)
(تعارف) میڈے بھراؤ ! میں اج تہاکوں ہک کہانڑی سنڑوینداہاں جو یسوع المسیح نیں کیویں دشمناں دے نال محبت کرنڑ دی تعلیم ڈتی تے برائی دا بدلہ نیں گھنڑاں چاہیدا ۔ اج دے سوہنڑےخدا دے پاک کلام ء چوں اساں سیکھسوں (متی:۵:باب 38 آیت) تساں سنڑ گھدا ہا جو آکھیا گیا ہا جو اَکھ دے بدلے اَکھ تے ڈند دے بدلے ڈند۔
(39) لیکن میں تہاکوں ایہہ آہدھا ہاں جو جے کوئی تیڈی سَجی گلھِ اتے چاٹ مارے تاں ڈوجھی وی اوندے ال پھیر ڈے۔(40) جے کوئی تیڈے تے لالچ کر کے تیڈا چولا گھننڑچاہوے تاں پٹکا وی اونکوں گھننڑ ڈے۔(42) وَل جیہڑا کوئی تیڈے کولھوں منگے اونکوں ڈے تے جیہڑا تیں توں قرض گھننڑ چاہوے اوں توں منہ نہ موڑ۔(43) تساں سنڑ گھدے جو آکھیا گیا ہا جو آپنڑے ہمسائے نال محبت رَکھو تے آپنڑے دشمن نال عداوت۔(۴۴) پر میں تہاکوں آہدھاہاں جو آپنڑے دشمنڑاں نال محبت رکھو تےآپنڑے ستاونڑ آلیاں کیتے دعا کرو تاں جو تساں آپنڑے خدا دے جیہڑا آسمان اتے ہے پوتر کھڑو کیوں جو او ہ آپنڑے سورج کوں بداں تےنیکاں ڈوائیں اتے چمکیندے او ہ راستبازاں تے بدکاراں ڈوہائیں اتےمینہہ وسیندے۔(متی:۷ باب ۱ آیت) عیب جوئی نہ کرو تاں جو تہاڈی وی عیب جوئی نہ کیتی ونجے ۔(۲) کیوں جو جیویں تساں عیب جوئی کریندے ہیوے اونویں ای تہاڈی وی عیب جوئی کیتی ویسی۔(۳) توں کیوں آپنڑے بھرا دی اَکھ دا ککھ ڈیدھا ہَیں تے آپنڑی اَکھ دے شہتیر تےغور نیں کریندا۔(۴) اے ریا کار پہلے آپنڑی اَکھ دے شہتیر کوں کڈھ وَل توں آپنڑے بھرا دی اَکھ ء چوں ککھ کوں ڈیکھ تے کڈھ سگسیں۔(12) بس جو کجھ تساں چاہندے ہیوے جو لوک تہاڈے نال کرنڑ اوہو تسا ں وی انھاں دے نال کرو کیوں جو تورات تے نبیاں دی تعلیم ایہو ہے ۔(24) بس جیہڑا کوئی میڈیاں انہاں گالھیں ا تےعمل کریندا ہے اوہ اوں عقلمند بندے آلی کار ہے جئیں آپنڑا گھر چٹان اتے بنڑایا۔(25) وَل بارش وَسی تےپانڑی چڑھیا تے اندھاریاں چلیاں تےاوں گھر کوں ٹکراں لگیاں پر اوہ نہ ڈھٹھا کیوں جو اوندی بنیاد چٹان اتےرکھی گئی ہئی۔(26) تے جیہڑا میڈےگالھیں سنڑدا ہے تے انہاں تے عمل نیں کریندا او ہ اوں بیوقوف بندے آلی کار ہے جئیں آپنڑا گھر ریت اتے بنڑایا۔(27) وَل بارش وسی پانڑی چڑھیا تے اندھاریاں چلیاں تے او ں گھر کوں نقصان پچایا تے اوہ گھر ڈھے پیا تے بالکل برباد تھی گیا۔(28) جیں ویلےیسوع نیں ایہہ گالھیں ختم کیتیاں تاں ایویں تھیاء جو لوک اوندی تعلیم توں حیران تھئے ۔ (29) کیوں جو اوہ انھاں کوں فقہیاں آلی کار نئیں بلکہ صاحبِ اختیار آلی کار تعلیم ڈیندا ہا۔ ”
میڈے بھراؤ ! میں امید کرینداہاں جو تساں خیریت نال ہوسو ایں کہانڑی توں تہاکوں بہوں تسلی ملی ہوسی تساں بہوں سکھیا وی ہوسی میڈے بھراؤ تساں سجنڑاں کوں پتہ ہے جو ساڈی ہر کہانڑی ءچ سوال ہوندےہن ۔ میں امید کرینداہاں تساں جواب ضرور ڈے سو۔
(۱) یسوع المسیح نیں کیا تعلیم ڈتی جو کیہڑے لوکاں نال محبت کرنڑ ی چاہیدی ہے؟
(۲) یسوع المسیح نیں کیا سکھایا جو عیب جوئی نہ کرو؟
(۳) کون عقلمند آکھوا سگدے؟
