‏3 اُونیں اُنہاں کُوں جواب ڈِتا کیا تُساں نئیں پڑھیا جو جِیں وَیلے داؤد تے اُوندے ساتھی بُھکے ہَن تاں اُونیں کیا کیتا ؟ ‏4 اوہ کِیویں خُدا دے گھر ءچ داخل تِھیّا تے نذر دیاں روٹیاں کھا دیاں تے آپنڑے ساتھیاں کُوں وی کھاوݨ کیتے ڈِتیاں ایجھی روٹیا ں کُوں کھاوݨ نہ تاں اُونکُوں جائز ہا نہ اُوندے ساتھیاں کُوں پَر صِرف کاہِناں کُوں ؟ ‏5 یا کیا تُساں تَورَیت ءچ اے نئیں پڑھیا جو کاہن سَبت دے ڈینہہ ہیکل ءچ سَبت دی بے حُرمتی کرݨ دے باوجود بے قصور رَہندن ؟ ‏6 میں تُہاکُوں آہدھا ہاں جو اِتھاں اوہ ہے جیہڑا ہیکل کنُوں وی وَڈا ہے ۔ ‏7 پَر جے تُساں اِیندا مطلب جانڑدے جو

‏9 تےاوہ اُتھوں کنُوں روانہ تھی تےاُنہاں دے عبادت خانے ءچ گِیا ۔ ‏10 تے ڈیکھو اُتھاں ہِک بندا ہا جَیندا ہَتھ سُکا پیا ہا ۔ اُنہاں اُوندے اُتے الزام لاوݨ دے اِرادے نال ایہہ پُچھیا جو کیا سَبت دے ڈینہہ شِفا ڈیوݨ جائز ہے ؟

‏11 اُونیں اُنہاں کُوں آکھیا تُہاڈے ءچوں ایجھا کوݨ ہے جِیندی ہِکو بھیڈ ہو وے تے اوہ سَبت دے ڈینہہ کَھڈ ےءِچ ڈھے وَنجے تاں اوہ اُونکُوں پکڑ تے نہ کَڈھے ؟ ‏12 بس اِنسان دی قدر تاں بھیڈ کنُوں بہُوں ای زیادہ ہے ۔ اِیں کِیتے سَبت دے ڈینہہ نیکی کرݨ جائز ہے ۔ ‏13 وَل اُونیں اُوں آدمی کُوں آکھیا آپنڑاں ہَتھ وَدھا ۔

اُونیں وَدھایا تے اوہ اُوندے ڈوجھے ہَتھ آلی کار ٹھیک تھی گِیا ۔ ‏14 وَل فریسیاں باہر وَنج تے اُوندے خِلاف مشور ہ کِیتا جو اُونکُوں کِیویں ہلاک کرُوں ۔

‏15 یسُوع ایہہ معلوم کر تے اُتھوں کنُوں روانہ تھیّاتے لوکاں دی ہِک بھِیڑاُوندے پچھُوں تھی پئی تے اُونیں سبھ کُوں چنگا کر ڈِتا۔ ‏16 تے اُنہاں کُوں تاکید کیتی جو میکُوں ظاہر نہ کرݨ ۔ ‏17 تاں جو جیہڑا یسعیاہ نبی دی معرفت آکھیا گیا ہا اوہ پورا تھیوے جو

‏22 اُوں وَیلے لوک یسوع دے کولھ ہِک اندھے گُونگے آدمی کُوں گِھن آئےجِیندے ءچ بدرُوح ہَئی ۔ اُونیں اُونکُوں چنگا کر ڈِتّا۔ وَل اوہ گُونگا ڈیکھنڑ تے بولنڑ لگ گِیا ۔ ‏23 تے سارے لوک حیران تھی تے آکھنڑ لگے کیا ایہہ ابن ِ داؤد ہے ؟

‏24 فریسیاں سُنڑ تے آکھیا ایہہ بدرُوحاں دے سردار بَعَل زبُول دی مدد دے بغیر بدرُوحاں کُوں نئیں کڈھیندا ۔

‏25 اُونیں اُنہاں دے خیا لاں کُوں جاݨ تے اُنہاں کُوں آکھیا جِیں سلطنت ءچ پھُٹ پے ویندی ہے اوہ ویران تھی ویندی ہے تے جِیں شہر یا گھر ءچ پھُٹ پے ویسی اوہ قائم نہ رَہسی ۔ ‏26 جے شیطان ای شیطان کُوں کَڈھیا تاں اوہ آپ ای آپنڑاں مخالف تھی گِیا ۔ وَل اُوندی بادشاہت کیویں قائم رَہسی ؟ ‏27 تےجے میں بَعَل زبُول دی مدد نال بدرُوحاں کُوں کڈھیندا ہاں تاں تُہاڈے پوتر کِیندی مدد نال کڈھیندن ؟ اِیں واسطے اُوہو تُہاڈے منِصف تھیسن ۔ ‏28 پَر جے میں خُدا دی رُوح دی مدد نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آ پُجّی ۔

‏29 یا کیویں کوئی آدمی کہیں زور آور دے گھر ءچ وَڑ تے اُوندا مال لُٹ سگدے جئیں تئیں پہلے اُوں زور آور کُوں بَدھ نہ گھنے ؟ وَل اوہ اُوندا گھر لُٹ گھِن سی ۔

‏30 جیہڑا میڈے نال نئیں اوہ میڈے خِلاف ہے تے جیہڑا میڈے نال جمع نئیں کریندا اوہ کھنڈیندے ۔ ‏31 اِیں واسطے میں تُہاکُوں آہدھا ہاں جو آدمیاں دا ہر گناہ تے کُفر معاف کِیتا ویسی پَر جیہڑا کُفر رُوح القدس دے خِلاف ہوسی اوہ بخشیا نہ ویسی۔ ‏32 تے جے کوئی ابن ِآدم دے برخِلاف کُجھ اَکھیسی اوہ تاں اُونکُوں معاف کیتا ویسی پَر جیہڑا رُوح القُدس دے برخِلاف کوئی گالھ کریسی اوہ اُونکُوں معاف نہ کیتی ویسی نہ اِیں جہان ءچ نہ آوݨ آلے ءچ ۔

‏33 یا تاں درخت کُوں چنگا آکھو تے اُوندے پھل کُوں وی چنگا یا درخت کُوں وی بُرا آکھو تے اُوندے پھَل کُوں وی بُرا کیوں جو درخت آپنڑے پھَل کنُوں پچھانڑیا ویندے ۔ ‏34 اے ناگ دے بالو تُساں بُرے تھی تے کیویں چنگے گالھیں آکھ سگدے ہوِے ؟ کیوں جو جیہڑا دِل ءچ ہوندے اُوہو زبان اُتے آندے ۔ ‏35 چنگا آدمی آپنڑے دِل دے چنگے خزانے ءچوں چنگیاں چیزاں کڈھیندے تے بُرا آدمی بُرے خزانے ءچوں بُریاں چیزاں کڈھیندے ۔

‏36 تے مَیں تُہاکُوں آہدھا ہاں جو عدالت دے ڈینہہ لوکاں کُوں ہر نکمی گالھ دا حساب ڈیونڑاں پوسی ۔ ‏37 کیوں جو تُساں آپنڑے گالھیں دی وجہ کنُوں راستباز یا قصُور وار شمار کیتے ویسو ۔

‏38 وَل کُجھ فقیہاں تے فریسیاں جواب ءچ اُونکُوں آکھیا اے اُستاد اَساں تَیں کنُوں ہِک نِشان ڈیکھنڑ چاہندے ہیں ۔

‏39 اُونیں جواب ڈے تے آکھیا اِیں زمانے دے بُرے تے زِناکار لوک نِشان ڈیکھنڑ چاہندن پَر یُوناہ نبی دے نِشان دے سِوا بِیا کوئی نِشان اُنہاں کُوں نہ ڈِتا ویسی ۔ ‏40 کیوں جو جیویں یُوناہ ترے ڈینہہ رات مچھی دے پیٹ ءچ ریہا ایویں ای ابن ِآدم ترے ڈینہہ رات زمین دے اندر رَہسی ۔

‏41 نِینوہ دے لوک عدالت دے ڈینہہ اِیں زمانے دے لوکاں نال کھڑ تے اُنہاں کُوں مجرم شمار کریسن اِیں واسطے جو اُنہاں یُوناہ دی تبلیغ دی وجہ کنُوں توبہ کر گھِدی ہَئی تے ڈیکھو اِتھاں اوہ ہے جیہڑا یُوناہ کنُوں وی وَڈا ہے ۔ ‏42 دکھّنڑ دی ملکہ قیامت دے ڈینہہ اِیں زمانے دے لوکاں دے نال کھڑ تے اُنہاں کُوں مجرم شمار کریسی ۔ کیوں جو اوہ بہُوں پَرے کنُوں سُلیمان دی حِکمت سُننڑ کیتے آئی تے ڈیکھو اِتھاں اوہ ہے جیہڑا سُلیمان کنُوں وی وَڈا ہے ۔

‏43 جِیں وَیلے کہیں شخص ءچوں بدرُوح نکلدی ہے تاں اوہ بیاباناں ءچ آرام گولھیندی پھردی ہے پَر نئیں پیندی ۔ ‏44 وَل اوہ آہدھی ہے جو میں آپنڑے اُوں گھر وَل ویساں جِتُھوں نِکلی ہاں تے آتے ا وہ اُوں گھر کُوں خالی تے صاف سُتھرا تے سجیا ہویا ڈیدھی ہے ۔ ‏45 وَل اوہ ویندی ہے تے آپنڑے کنُوں وی بد تر سَت بَئی بد رُ وحاں کُوں نال گِھن آندی ہے تے اوہ اندر وَنج تے رَہنڑ لگدیاں ہِن تے اُوں آدمی دا حال پہلے کنُوں وی بُرا تھی ویندے ۔ اِیں زمانے دے بُرے لوکاں دا حال وی ایجھا ای ہوسی ۔

‏46 جِیں وَیلے اوہ بِھیڑ نال گالھ ای کریندا پیا ہا جو ڈیکھو اُوندی ماں تے بِھرا باہر کھڑے ہَن تے اوہ اُوندے نال گالھ کرݨ چاہندے ہَن ۔ ‏47 کہیں اُوں کُوں خبر ڈِتی جو ڈیکھ تیڈی ماں تے تیڈے بِھرا باہر کھڑے ہِن تے تیڈے نال گالھ کرݨ چاہندے ہِن ۔

‏48 اُونیں خبر ڈیوݨ آلے کُوں آکھیا کوݨ ہے میڈی ماں تے کوݨ ہِن میڈے بِھرا ؟ ‏49 تے آپنڑے شاگرداں اَل ہَتھ وَدھا تے آکھیا ڈیکھو میڈی ماں تے میڈے بِھرا ایہہ ہِن ۔ ‏50 کیوں جو جیہڑا کوئی میڈے اَسمانی باپ دی مرضی اُتے چلدے اُوہو میڈا بِھرا تے میڈی بھِینڑ تے میڈی ماں ہے ۔