‏3 اُونیں جواب ڈِتّا تُساں کیوں آپنڑیں رَسماں کنُوں خُدا دے حُکماں دی خِلاف ورزی کریندے ہِوے ؟ ‏4 کیوں جو خُدا فرمائے آپنڑے ماں پیُو دی عزت کرِیں تے جیہڑا کوئی ماں پیُو کُوں بُرا آکھے اوہ ضرور جان تُوں مار ڈِتا وَنجے۔ ‏5 پَر تُساں آہدھے ہِوے جو جے کوئی ماں پیُو کُوں آکھے جو میڈی جیہڑی چیز کنُوں تُہاکُوں فائدہ تھی سگدا ہا اوہ خُدا دی نذر تھی گئی ۔ ‏6 تاں اوہ آپنڑے ماں پیُو دی عزت نا کرے۔ بس تُساں آپنڑیں رَسم کنُوں خُدا دے کلام کُوں بے اَثرکر ڈِتّا۔ ‏7 اے منافقو یسعیاہ تُہاڈے حق ءچ کیا خوب نبُوّت کیتی جو

‏10 وَل اُونیں لوکاں کُوں آپنڑے کولھ سَڈ تے آکھیا سُنڑو تے سمجھو ۔ ‏11 جیہڑی چیز مُنہ ءچ ویندی ہے اوہ آدمی کُوں ناپاک نئیں کریندی پَر جیہڑی چیز مُنہ ءچوں نکِلدی ہے اُوہو آدمی کُوں ناپاک کریندی ہے ۔

‏12 وَل شاگرداں اُوندے کولھ آتے آکھیا کیا تُوں جانڑدا ہیں جو فریسیاں ایہہ گالھ سُنڑ تے ٹھوکر کھادی ؟

‏13 اُونیں جواب ڈِتّا ہر اوہ بُوٹا جیہڑا میڈے اَسمانی باپ نئیں رَہایا جڑھ کنُوں پَٹ ڈِتا ویسی ۔ ‏14 اُنہاں کُوں چھوڑ ڈیؤ ۔ اوہ اندھے راہ ڈِکھاوݨ آلے ہِن تے جے اندھا ڈوجھے اندھے کُوں راہ ڈکھیسی تاں ڈوہائیں کھڈے ءچ ڈھاسِن ۔

‏15 پطرس اُونکُوں جواب ءچ آکھیا ایہہ تمثیل ساکُوں سمجھا ڈے ۔

‏16 اُونیں آکھیا کیا تُساں وی ہُنڑ تَئیں نئیں سمجھے ؟ ‏17 کیا تُساں نئیں سمجھدے جو جیہڑا کُجھ مُنہ ءچ ویندے اوہ پیٹ ءچ وَیندے تے خارج تھی ویندے ۔ ‏18 پَر جیہڑے گالھیں مُنہ کنُوں نکِلدیاں ہِن اوہ دِل ءچوں نکِلدیاں ہِن تے اُوہو آدمی کُوں ناپاک کریندیاں ہِن ۔ ‏19 کیوں جو بُرے خیال، قتل،زِنا کاریاں،حرامکاریاں ،چوریاں، کُوڑے گواہیاں، بدگوئیاں دِل کنُوں ای نکِلدیاں ہِن ۔ ‏20 اِیہو گالھیں ہِن جیہڑیاں آدمی کُوں ناپاک کریندیاں ہِن پَر ہَتھ دھوتے بغیر کھانڑا کھاونڑاں آدمی کُوں ناپاک نئیں کریندا ۔

‏21 وَل یسُوع اُتھوں کنُوں نکِل تے صُور تے صَیدا دے علاقے کُوں روانہ تھیّا ۔ ‏22 تے ڈیکھو ہِک کنعانی عورت اُنہاں سرحداں ءچوں نکلی تے اُچی آواز ءچ آکھنڑ لگی اے خُداوند ابن ِ داؤد میڈے اُتے رحم کر۔ میڈی دِھی ءچ ہِک بدرُوح ہے جیہڑی اُونکُوں بہُوں ستیندی ہے ۔

‏23 پَراُونیں اُونکُوں کُجھ جواب نہ ڈِتا تے اُوندے شاگرداں نیں کولھ آتے اُونکُوں ایہہ عرض کیتی جو اُونکُوں روانہ کر ڈے کیوں جو اوہ ساڈے پچُھوں چِیخدی ہے ۔

‏24 اُونیں جوا ب ءچ آکھیا جو میں اِسرائیل دے گھرانے دیاں گُم تھئیاں بھیڈاں دے علاوہ کہیں کولھ نئیں بھیجیا گِیا ۔

‏25 پَر اُونیں آتے اُونکُوں سِجدہ کیتا تے آکھنڑ لگی اے خُداوند میڈی مدد کر ۔

‏26 اُونیں جواب ڈِتّا بالاں دی روٹی گِھن تے کُتَّیاں کُوں سَٹ ڈیوݨ مناسب نئیں ۔

‏27 اُونیں جواب ڈِتّا ہاں خُداوند جیہڑے ٹکڑے مالکاں دی میز کنُوں تَلے ڈھاندے ہِن کُتّے وی اُنہاں ءچوں کھاندے ہِن ۔

‏28 وَل یسُوع اُونکُوں جواب ڈِتّا اے عورت تیڈا اِیمان بہُوں وَڈا ہے۔ جیویں تُوں چاہندی ہیں تیڈے کیتے اُونویں ای ہووے تے اُوندی دِھی نیں اُوں وَیلے ای شِفا پائی ۔

‏29 وَل یسُوع اُتھوں کنُوں نِکل تے گلیل دی جھیل دے نیڑے آیا تے پہاڑ اُتے چڑھ تے اُتھائیں بہہ گِیا ۔ ‏30 تے ہِک وڈی بِھیڑ لنگڑیاں، اندھیاں، گونگیاں ،ٹُنڈیاں تے کئی ڈوجھے بیماراں کُوں نال گِھن تے اُوندے کولھ آئی تے اُنہاں کُوں یسوع دے قدماں ءچ سَٹ ڈِتا تے اُونیں اُنہاں کُوں شِفا بخشی ۔ ‏31 جِیں وَیلے لوکاں ڈِٹھا جو گونگے بُولیندن، ٹُنڈے تندرست تھیندن ، مَنڈے ٹُردین تے اندھے ڈیدھن تاں بہُوں حیران تھئےتے اِسرائیل دے خُدا دی تعریف کیتی ۔

‏32 تے یسُوع آپنڑے شاگرداں کُوں کولھ سَڈ تے آکھیا میکُوں اِیں بِھیڑ اُتے ترس آندے کیوں جو ایہہ لوک تَرے ڈینہہ تُوں برابر میڈے نال ہِن تے اُنہاں دے کولھ کھاوݨ کیتے کُجھ وی نئیں تے میں اُنہاں کُوں بُھکا روانہ کرݨ نئیں چاہندا ۔ کِتھائیں اِیویں نہ تھیوے جو رستے ءچ تھک تے رہ ونجنڑ ۔

‏33 شاگرداں اُوں کُوں آکھیا اَساں بیابان ءچ اِتّی لوکاں کیتے روٹیاں کِتُھوں گِھن آؤُں جیہڑیاں سبھ کیتے پوریاں تھیوݨ ؟

‏34 یسُوع اُنہاں کُوں آکھیا تُہاڈے کولھ کِتّی روٹیاں ہِن ؟

اُنہاں آکھیا سَت تے کُجھ چھوٹی مچھیاں ہِن ۔

‏35 وَل اُونیں لوکاں کُوں زمین اُتے بَہوݨ دا حُکم ڈِتّا۔ ‏36 تے وَل اُونیں سَت روٹیاں تے مچھیاں گھِدیاں تے شُکر ادا کیتا تے اُنہاں دے ٹکڑے کیتے تے شاگرداں کُوں ڈیندا گِیا تے شاگرد لوکاں کُوں ۔ ‏37 سبھ نیں رَج تے کھادا تے بچے ہوئے ٹُکڑیاں کنُوں بھریاں ہوئیاں سَت ٹوکریاں چاتیاں ۔ ‏38 تے کھاوݨ آلیاں دی تعداد عورتاں تے بالاں دے علاوہ چار ہزار مَرد ہَن ۔

‏39 وَل اوہ بِھیڑ کُوں روانہ کرݨ دے بعد کشتی ءچ سوار تِھیّا تے مگدَل دی سرحدّاں ءچ آگِیا ۔