سُکے ہَتھ آلا آدمی
3
1 یسُوع وَلا عبادت خانہ ءچ داخل تِھیّا تے اُتھاں ہِک بندا ہا جیندا ہِک ہَتھ سُکا ہویا ہا ۔ 2 تے فریسی اُوندی تاڑ ءچ ہَن جو جے اوہ سَبت دے ڈینہہ اُونکُوں شِفا بخشےتاں اُوندے اُتے الزام لاوݨ ۔ 3 اُونیں اُوں سُکے ہَتھ آلے کُوں آکھیا اُٹھی تے اِتھاں اَدھ ءچ کھڑا تھی ۔ 4 تے اُنہاں کُوں آکھیا کیا سِبت دے ڈینہہ نیکی کرݨ جائز ہے یا بُرائی کرݨ ؟ جان بچاوݨ یا مار گھتنڑ ؟ اوہ چُپ ریہے۔ 5 یسوع اُنہاں دی سخت دِلی اُتے بہُوں ڈُکھی تھیّا تے اُنہاں کُوں کاوڑ نال ڈِٹھا تے اُونیں اُوں آدمی کُوں آکھیا آپنڑا ہَتھ وَدھا۔ اُونیں وَدھایا تے اُوندا ہَتھ ٹھیک تھی گِیا ۔ 6 وَل فریسی فوراً باہر چلے گئے تے ہیرودیاں دے نال صلاح کرݨ لگے جو اُونکُوں کِیویں ہلاک کرݨ۔جھیل دے کِنارے بِھیڑ
7 وَل یسُوع آپنڑے شاگرداں دے نال جھیل دو چلیا گِیا تے گلیل کنُوں لوکاں دی ہِک وَڈی بِھیڑ پچُھوں تھی پئی تے یہُودیہ 8 تے یرُوشلیم تے اِدُومَیہ تے یردن دے پار تے صُور تے صیدا دے علاقے کنُوں ہِک بہُوں وَڈی بِھیڑ ایہہ سُنڑ تے جو اوہ کیجھے وَڈے کِم کریندے، اُوندے کولھ آئی ۔ 9 بس اُونیں آپنڑے شاگرداں کُوں آکھیا بِھیڑ دی وَجہ کنُوں میڈے کیتے ہِک چھوٹی کشتی تیار رکھو ، تاں جو اوہ میکُوں دَبا نہ سَٹنڑ ۔ 10 کیوں جو اُونیں بہُوں لوکاں کُوں چنگا کیتا ہا اِیں واسطے جِتّی لوک سخت بیماریاں ءچ گرفتار ہَن اُوندے اُتے ڈھاندے ہَن جو اُونکُوں ہَتھ لا گھننڑ۔ 11 تے بدرُوحاں وی جیہڑے وَیلے اُونکُوں ڈیدھیاں ہَن اُوندے سامنڑے ڈھے تے چیخنڑ پے ویندیاں ہَن جو تُو ں خُدا دا پوتر ہیں۔
12 تے اوہ اُنہاں کُوں سختی نال چِتا تے آہدھاہا جو میکُوں ظاہر نہ کرائے ۔
یسُوع بارہاں رسُول چُنڑ دے
13 وَل اوہ پہاڑ اُتے چڑھ گِیا تے جِنہاں کُوں آپ چاہندا ہا اُنہاں کُوں آپنڑے کولھ سَڈیا تے اوہ اُوندے کولھ چلے آئے ۔ 14 اُونیں بارہاں کُوں آپنڑے رسُول مقرّر کیتا تاں جو اُوندے نال رَہنڑ تے اوہ اُنہاں کُوں تبلیغ کیتے بھیجے ۔ 15 تے بدرُوحاں کُوں کڈھنڑ دا اِختیار رکھنڑ ۔
16 اوہ ایہہ ہِن، شمعون جِیندا ناں پطرس رکھیا ۔ 17 تے یعقوب تے اُوندا بِھرا یُوحنّا جیہڑے زبدی دے پوتر ہَن، اُنہاں دا ناں بُوانِرگِس یعنی گرج دے پوتر رکھیا ، 18 تے اندریاس تے فِلپُّس تے برتلمائی تے متّی تے توما تے حلفئی دا پوتر یعقوب تے تدّی تے شمعون قنانیa ، 19 تے یہُوداہ اِسکریُوتی جئیں اُونکُوں پکڑوا وِی ڈِتا ۔
یسُوع تے بَعل زبُول
20 وَل یسوع گھر ءچ آیا ، تے اتّی لوک کَٹھے تھی گئےجو اوہ کھانڑا وی نہ کھا سگے ۔ 21 جِیں وَیلے اُوندے رشتہ داراں سُنڑیا تاں اوہ اُونکُوں پکڑݨ کُوں نکلے کیوں جو اُنہاں دا آکھنڑ ہا جو اوہ آپنڑے ہوش ءچ نئیں ۔
22 تے فقیہہ جیہڑے یرُوشلیم کنُوں آئے ہَن ایہہ آہدھے ہَن جو اُوندے نال بَعَل ز بُول ہے ۔ تے ایہہ وی جو اوہ بدرُوحاں دے سردار دی مدد نال بدرُوحاں کُوں کڈھیندے ۔
23 اوہ اُنہاں کُوں آپنڑے کولھ سَڈ تے تمثیلاں ءچ آکھنڑ لگا جو شیطان کُوں شیطان کیویں کڈھ سگدے؟ 24 تے جے کہیں بادشاہی ءچ پُھٹ پئے وَنجے تاں اوہ قائم نئیں رہ سگدی ۔ 25 تے جے کہیں گھر ءچ پُھٹ پئے وَنجے تاں اوہ قائم نئیں رہ سگدا ۔ 26 تے جے شیطان آپنڑا ای مخالف تھی تے آپنڑے اندر پُھٹ پاوے تاں اوہ قائم نئیں رہ سگدا بلکہ اُوند ا خاتمہ تھی ویسی۔
27 پَر کوئی شخص کہیں زور آلے دے گھر ءچ وَڑ تے اُوندا سامان نئیں لُٹ سگدا جیہڑے وَیلے تَئیں پہلے اوہ اُوں زورآور کُوں بَدھ نہ گھِنے وَل ای اُوندا گھر لُٹ گھِن سی ۔
28 میں تُہاکُوں سچ آہدھا ہاں جو اِنساناں دے سارے گناہ تے کُفر جیہڑے اوہ کریندے تے بکدے ہِن معاف کیتے ویسن ۔ 29 پَر جیہڑا رُوح القُدس دے خِلاف کُفر بکدے اوہ کڈھائیں معافی نہ پے سی بلکہ اَبدی گناہ دا قصور وار ہے ۔
30 کیوں جو اوہ آہدھے ہَن جو اُوندے ءچ بدرُوح ہے ۔
یسُوع دی ماں تے بِھرا
31 وَل یسوع دی ماں تے اُوندے بِھرا آئے تے باہر کھڑے تھی تے اُونکُوں سَڈوایا ۔ 32 تے لوک اُوندے آسوں پاسوں بیٹھے ہَن تے اُنہاں اُونکُوں آکھیا ڈیکھ تیڈی ماں تے تیڈے بِھرا باہر کھڑے تیڈا پُچھدے ہِن ۔