تِیمُتِھیُس دے ناں پولُس رسُول دا پہلا خط
پیش لفظ
پولُس رسُول ایہ خط آپنڑی زندگی دے آخری ڈینہاں ءچ آپنڑے ہِک شاگرد تِیمُتِھیُس کُوں لِکھیا، جِینکُوں او آپنڑے پوتر وانگُوں پیار کریندا ہا۔ تِیمُتِھیُس اُوں ویلے اِفِسُس ءچ راہندا ہا تے اُتھوں دی کلیسیا دا نگہبان ہا۔ پولُس رسُول اُونکُوں لِکھدے جو او اِفِسُس دی کلیسیا کُوں کُوڑی تعلیم دے بارے ءچ خبردار کرے۔ نال نال او اُونکُوں دُعا تے عبادت کرݨ، کلیسیا ءچ عُہدہ داراں کُوں مقرر کرݨ تے بیوہ عورتاں دی ڈیکھ بھال کرݨ دے بارے ءچ وی ہدایت ڈیندے۔ اِیں خط ءچ تِیمُتِھیُس کیتے کُجھ شخصی ہدایات وی ہِن۔
سبھ تُوں اہم ہدایت ایہ ہے جو خُدا دے لوک نیک کم کرݨ تے پاکیزگی نال زندگی گُزارݨ۔