کلیسیائی عبادت
2
1 سبھ تُوں پہلے میں ایہہ نصیحت کریندا ہاں جو سارے لوکاں کیتےدرخاستاں، دُعاواں، گُزارشاں تے شُکر گُزاریاں کِیتیاں وَنجنڑ۔ 2 بادشاہواں تے وَڈے اِختیارآلیاں کیتے وی، جو اَساں پُر امن تے پُر سکون زندگی خُدا پرستی تے سنجیدگی نال گُزاروں۔ 3 ایجھی دُعا ساڈے نجات ڈیوݨ آلے خُدا دے نزدیک چنگی تے پسندیدہ ہے۔ 4 اوہ چاہندا ہے جو سارے اِنسان نجات پاوݨ تے سچائی دی پچھاݨ تئیں پُجنڑ۔ 5 کیوں جو خُدا ہِکو ہے تے خُدا تے اِنساناں ءچ درمیانی وی ہِکو ہے یعنی مسیح یسوع جیہڑا اِنسان ہے۔ 6 جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا تاں جو مقرر وقت اُتےاِیں گالھ دی aگواہی ڈِتی وَنجے۔ 7 اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مُقرر کیتا گِیا۔ میں کُوڑ نئیں مریندا بلکہ سچ آہدھا ہاں۔8 بس میں چاہندا ہاں جو آدمی ہر جاہ کاوڑ تے تکرار دے بغیر پاک ہَتھاں کُوں چا تے دُعا کرݨ۔ 9 اِینویں ای عورتاں وی مناسب کپڑے پا تے آپنڑے آپ کُوں حیاداری تے پرہیزگاری دے نال سنوارݨ، نہ جو فیشن کرتےوال بنڑاوݨ نال تے نہ ای سونے دے زیور یا موتیاں یا قیمتی پُشاک نال۔ 10 بلکہ آپنڑے آپ کُوں نیک کَماں نال سنوارݨ جِیویں خُدا پرستی دا اِقرار کرݨ آلیاں عورتاں کُوں مُناسب ہے۔
11 عورت کُوں چاہیدے جو اوہ چُپ چاپ رہ تے پوری فرمانبرداری دے نال تعلیم پاوے۔ 12 میں عورت کُوں اِجازت نئیں ڈیندا جو تعلیم ڈیوے یا مَرد اُتے حُکم چلاوے بلکہ چُپ چاپ رَہوے۔ 13 کیوں جو آدم پہلے بنڑایا گِیا، بعد ءچ حوّا۔ 14 تے آدم دوکھے ءچ نہ آیا بلکہ عورت دوکھا کھا تے گُنہگار تھی گئی۔ 15 پَر اُونکُوں وی نجات مِلسی کیوں جو اوہ بال جَمیندی ہےb ، بس شرط ایہہ ہے جو اوہ اِیمان، محبت ، پاکیزگی، تے پرہیزگاری دے نال زندگی گُزارے۔