پطرس رسُول دا پہلا خط
پیش لفظ
پطرس رسُول جیہڑا خُداوند یسُوع مسیح دے بارہاں شاگرداں ءچوں ہا، ایہ خط اُنہاں اِیمانداراں کُوں لِکھیا جیہڑے اُوں رومی صوبے ءچ راہندے ہَن جِینکُوں اَج کل تُرکی آکھیا ویندے تے جیہڑے بہُوں زیادہ ڈُکھ تے مُصیبتاں برداشت کریندے پئے ہَن۔ پطرس اِیں خط ءچ خُداوند یسُوع مسیح دی مثال ڈے تے مسیحی اِیمانداراں کُوں ڈُکھ برداشت کرݨ تے نیک زندگی گُزارݨ دی نصیحت کریندے۔ جے او آپنڑے اِیمان تُوں گُمراہ نہ تھی تے مسیح دے ڈُکھاں ءچ شریک تھیوݨ تاں مسیح دے جلال ءچ وی شریک تھیسن۔