‏3 ساڈے خُداوند یسوع مسیح دے خُدا تے باپ دی حمد تھیوے۔ اُونیں یسوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سِرے تُوں پیدا کیتا۔ تے ہُنڑ ساکُوں ہِک زندہ اُمید مِلی ہے ‏4 یعنی ہِک لافانی، بے داغ تے لازوال میراث جیہڑی خُدا دی طرفوں ساڈے کیتے اَسمان اُتے محفوظ ہے۔ ‏5 اوہ آپنڑی قُدرت دے ذریعہ تے تُہاڈے اِیمان دے وسیلہ نال تُہاڈی حفاظت کریندا رَہسی جئیں تئیں تُساں اُوں نجات کُوں نہ گِھن گھِنو جیہڑی آخرت ءچ ظاہر تھیوݨ آلی ہے۔

‏6 اِیہو وجہ ہے جو تُساں خوشی منیندے ہِیوے بھانویں جوکُجھ دیر کیتے طرحاں طرحاں دیاں اَزمایشاں دی وجہ کنُوں تُہاکُوں ڈُکھ برداشت کرنڑا پوسی، ‏7 تاں جو تُہاڈا اَزمایا ہویا اِیمان اصلی ثابت تھی وَنجے۔ اوہ بھاہ ءچوں نِکلے ہوئے فانی سونے کنُوں وی بہوں قیمتی ہے تے یسوع مسیح دے ظہور دے ڈینہہ تعریف، جلال تے عزت دے لائق ہووے۔ ‏8 تُساں یسوع کُوں نئیں ڈِٹھا وَل وی اُوندے نال محبت کریندے ہِیوے۔ بھانویں تُساں اِیں وقت اُونکُوں نئیں ڈیدھے پَر اُوندے اُتے اِیمان رکھیندے ہوئے ایجھی خوشی منیندے ہِیوے جیہڑی بیان کرݨ تُوں باہر تے جلال نال بھری ہے۔ ‏9 تے تُساں آپنڑے ایمان دا مقصد یعنی نجات حاصل کریندے پئے ہِیوے۔

‏10 اِیں نجات دے بارے ءچ نبیاں نیں بہُوں تحقیق تے تلاش کیتی، تے اُوں فضل دے بارے ءچ نبوت کیتی جیہڑا تُہاڈے اُتے تھیوݨ آلا ہے۔ ‏11 اُنہاں نیں تحقیق کِیتی جو المسیح دا رُوح جیہڑا اُنہاں ءچ ہا، کِیندے اَل تےکیہڑے وقت اَل اشارہ کریندا پیا ہا، جیں ویلے اُونیں مسیح دے ڈُکھ سہنڑ تے بعد ءچ جلال پاوݨ دی پیشنگوئی کِیتی ہئی۔ ‏12 رُوح القدس نیں نبیاں کُوں ایہہ سمجھایا جو اُنہاں دی ایہہ خدمت آپنڑے کیتے نئیں بلکہ تُہاڈے کیتے ہئی۔ تے ہنڑ خُوشخبری دی تبلیغ کرݨ آلیاں نیں اَسمان کنُوں بھیجے ہوئے رُوح القُدس دی قوت نال ایہہ گالھیں تُہاکُوں ڈسائیاں۔ ایہہ گالھیں ایجھیاں ہِن جو فرشتے وی اِنہاں کوں سمجھنڑ دی بہُوں سِک رکھیندے ہِن۔

‏13 اِیں واسطے آپنڑی عقل نال کَم گِھنو تے ہوشیار تھی وَنجو تے اُوں فضل اُتے پوری اُمید رکھو جیہڑا یسوع مسیح دے ظہور دے وَیلے تُہاڈے اُتے ہوسی۔ ‏14 خُدا دے فرمانبردار فرزند بنڑ تے آپنڑی جہالت دے زمانہ دی نفسانی خواہشاں دے تابع نہ تھیؤ۔ ‏15 بلکہ جِیویں تُہاڈا سَڈݨ آلا پاک ہے اُونویں ای تُساں وی آپنڑے سارے چال چلنڑ ءچ پاک بنڑو۔ ‏16 کیوں جو کلام ءچ لکھیا ہے جو ”آپنڑے آپ کُوں پاک رکھو کیوں جو میں پاک ہاں۔“

‏17 تُساں باپ آکھ تے اُوں ‍‍ خُداکنُوں دُعا کریندے ہِیوے جیہڑا بغیر طرفداری دے ہر بندے دے عمل دے مطابق اُوندا اِنصاف کریندے، ایں واسطے تُساں دُنیا ءچ آپنڑی مُسافرت دے زمانہ کُوں خوف دے نال گُزارو۔ ‏18 کیوں جو تُساں جانڑدے ہِیوے جو خُدا نیں تُہاکُوں اُوں بےکار چال چلنڑ کنُوں مخلصی ڈِتی ہے جیہڑا تُہاڈے پیُو ڈاڈا کنُوں چلیا آندا ہے۔ تے اوہ مخلصی فانی چیزاں یعنی سونے چاندی نال نئیں تھئی۔ ‏19 بلکہ ہِک بے عیب تے بے داغ برّہ یعنی مسیح دے قیمتی خون نال۔ ‏20 خُدا نیں مسیح کُوں دُنیا بنڑاوݨ تُوں پہلے چُنڑیا پَر تُہاڈے کیتے اُونکُوں اِیں آخری زمانے ءچ ظاہر کیتا۔ ‏21 تُساں مسیح دے وسیلے نال خُدا اُتے اِیمان گِھن آئے ہِیوے، جِینکُوں خُدا نیں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے قائم رَہوے۔

‏22 تُساں حق دے تابع تھی تے آپنڑے آپ کُوں پاک کیتے، جِیندی وجہ کنُوں بِھرانواں ءچ بے ریا محبت پیدا تھئی۔ اِیں واسطے آپس ءچ دِل وجان نال محبت رکھو۔ ‏23 تُساں فانی بیج کنُوں نئیں بلکہ غیر فانی بیج کنُوں، خُدا دے کلام دے وسیلے نال جیہڑا زندہ تے ہمیشاں تئیں قائم ہے، نویں سِرے تُوں پیدا تھئے ہِیوے۔ ‏24 جیویں لِکھیا ہےجو