یعقوب نیں ایہہ خط اُنہاں یہُودیاں کُوں لکھیا ہا جیہڑے مسیحی تھی گئے ہَن۔ یعقوب خُداوند یسوع دے بِھرانواں تے یروشلیم دی کلیسیا دا نگہبان ہا ۔یعقوب بیئٹھ (62 ) عیسوی ءچ شہید تھیّا۔ ایہہ خط اُونیں غالباً پِنتالیہہ(45 ) کنُوں اَڑھتالیہہ( 48 ) عیسوی دے درمیان لکھیا ہا۔ اِیں خط ءچ مسیحی زندگی گُزارݨ دے اَصول ڈسائے گئے ہِن۔ اِیمان تے عمل دے درمیان ہِک گہرا تعلق ہے جِیندے اُتے یعقوب نیں بہُوں زور ڈِتا۔ اُونیں ایہہ وی ڈسایا ہے جو ہِک اِیماندار آپنڑے اِیمان ءچ پکا تے خُدا دے کلام دی روشنی ءچ آپنڑی زندگی ءچ زبردست اِنقلاب گِھن آ سگدے۔ جِیں وَیلے کوئی شخص خُداوند یسوع مسیح اُتے اِیمان گِھن آندے تے اُوندے کلام اُتے عمل کرݨ لگدے تاں اُوندی زندگی بدل وَیندی ہے تے اوہ آپنڑے کَماں نال ڈوجھیاں کُوں فیض پُچاوݨ لگ وَیندے۔ اِیں خط ءچ ایجھے بہُوں اقوال لکھے ہِن جِنہاں ءچ خُداوند یسوع مسیح دی تعلیم خصوصاً پہاڑی وعظ ( متی ٥ کنُوں ٧ ) دی جھلک نِظر آندی ہے۔