ایہہ خط گِیُس کُوں لکھیا گِیا۔ گِیُس اُنہاں مسیحی مُبشراں دی جیہڑے ٹُردے پِھردے تے تبلیغ کریندے، تےاِیمانداراں دی مدد کریندا رَہندا ہا۔ یُوحنا اِیں گالھ کیتے گِیُس دی تعریف کریندا ہے۔دِیُترفِیس ایجھی مدد دا مخالف ہئی۔ اِیں واسطے یُوحنا آپنڑے سنگتیاں کُوں اِیں بندے کنُوں ہُشیار رَہوݨ دی تاکید کریندا ہے۔یُوحنا اِیں گالھ اُتے زور ڈیندا ہے جو سارے مسیحی ہِک ڈوجھے نال بَدھے پئے ہِن اِیں واسطے اُنہاں دا فرض ہے جو ہِک ڈوجھے نال چنگائی کرݨ۔