‏3 اِبلیس اُونکُوں آکھیا جو جے تُوں خُدا دا پوتر ہیں تاں اِیں پتھر کُوں آکھ جو روٹی بنڑ وَنجے ۔

‏4 یسُوع اُونکُوں جواب ڈِتا لکھیا ہے جو آدمی صرف روٹی نال ای زندہ نہ رَہسی ۔

‏5 وَل اِبلیس اُونکُوں اُچی جاہ تے گھِن گِیا تے ہِک گھڑی ءچ دُنیا جہاں دیاں سلطنتاں ڈِکھالیاں ، ‏6 تے اُونکُوں آکھیا جو میں ایہہ سارا اِختیار تے اُنہاں دی شان و شوکت تیکُوں ڈے ڈیساں کیوں جو ایہہ میڈے سپُرد ہے تے جِینکُوں چاہنداں ہاں ڈیندا ہا ں ‏7 بس جے تُوں میڈے اَگُوں سِجدہ کریں تاں ایہہ سبھ کُجھ تیڈا ہوسی ۔

‏8 یسُوع جواب ءچ اُونکُوں آکھیا لکھیا ہے جو تُوں خُداوند آپنڑے خُدا کُو ں سِجدہ کر ، تے صرف اُوندی ای عبادت کر ۔

‏9 آخر ءچ اوہ اُونکُوں یروشلیم ءچ گِھن گِیا تے ہیکل دے منارے اُتے کھڑا کرتے اُونکُوں آکھیا جے تُوں خُدا دا پوتر ہیں تاں آپنڑے آپ کُوں تَلے سَٹ ڈے ۔ ‏10 کیوں جو لکھیا ہے جو

‏12 یسُوع جواب ءچ اُونکُوں آکھیا فرمایا گِیا ہے جو تُوں خُداوند آپنڑے خُدا دی اَزمائش نہ کر ۔

‏13 جِیں وَیلے اِبلیس ساریاں اَزمایشاں کر گِھدیاں تاں کُجھ عرصہ کیتے اُوں کنُوں جُدا تھیّا ۔

‏14 وَل یسُوع رُوح اُلقدس دی قوت نال بھریج تے گلیل ءچ آیا تے چودھارُوں اُوندی مشہوری تھی گئی ، ‏15 اوہ اُنہاں دے عبادت خانیاں ءچ تعلیم ڈیندا ریہا ،تے سبھ اُوندی تعریف کریندے ہَن ۔

‏16 وَل یسوع ناصرت ءچ آیا جِتھاں اُونیں پرورش پائی ہئی تے آپنڑے دستور دے مطابق سَبت دے ڈینہہ عبادت خانہ ءچ گِیا تے تِلاوت کرݨ کیتے کھڑا تھیّا ، ‏17 تے یسعیاہ نبی دی کتاب اُونکُوں ڈِتی گئی تے کتاب کھول تے اُونیں اوہ جاہ تُوں تِلاوت کیتی جِتھاں ایہہ لکھیا ہا جو

‏20 وَل اُونیں مُقدّس نُسخہ بند کر تے خادم کُوں ڈے ڈِتا تے بہہ گِیا تے جتی عبادت خانہ ءچ موجود ہَن ، سبھ دے اَکھیں اُوندے اُتے لگیاں ہَن ۔ ‏21 اوہ اُنہاں کُوں آکھنڑ لگا جو اَج ایہہ نوشتہ تُہاڈے سامنڑے پورا تھیّا ۔

‏22 تے سبھ نیں اُوندے اُتے گواہی ڈِتی تے اُنہاں پُر فضل گالھیں اُتے جیہڑیاں اُوندے مُنہ کنُوں نِکلدیاں ہَن ، حیران تھی تے آکھنڑ لگے کیا ایہہ یُوسف دا پوتر نئیں ؟

‏23 اُونیں اُنہاں کُوں آکھیا تُساں بے شک ایہہ کہاوت میڈے اُتے اَکھیسو جو، اے حکیم !آپنڑے آپ کُوں تاں چنگا کر ۔ جیہڑے گالھیں اَساں کفرنحُوم ءچ ہوندیاں سُنڑیاں ہَن ، آپنڑے وطن ءچ وی کر ‏24 تے اُونیں آکھیا میں تُہاکُوں سچ آہدھا ہاں جو کوئی نبی آپنڑے وطن ءچ مقبول نئیں تھیندا ۔

‏25 تے میں تُہاکُوں سچ آہدھا ہاں جو ایلیّاہ دے زمانے ءچ جِیں وَیلے ساڈھے تَرے سال تَئیں بارش نہ تھئی ، ایہہ تَئیں جو سارے مُلک ءچ سخت کال پئے گِیا ۔ اُوں وَیلے اِسرائیل ءچ بہُوں سارِیاں بیوہ ہَن۔ ‏26 پَر ایلیّاہ اُنہاں ءچوں کہیں کولھ نہ بھیجیا گِیا بلکہ مُلک ِ صیدا دے ہِک شہر صارپت ءچ ہِک بیوہ دے کولھ ۔ ‏27 تے اِلیشَع نبی دے زمانے ءچ اِسرائیل ءچ بہُوں سارے کوڑھی ہَن پَر اُنہاں ءچوں کوئی پاک صاف نہ کیتا گِیا پَر نعمان شامی ^b ۔

‏28 جتی عبادت خانہ ءچ ہَن ، اُنہاں گالھیں کُوں سُنڑدے ای قہرنال بھریج گئے ، ‏29 تے اُٹھی تے اُونکُوں شہر ءچوں باہر کڈھ ڈِتا تے اُوں پہاڑ دی چوٹی اُتے گِھن گئے جِیندے اُتے اُنہاں دا شہر آباد ہا تاں جو اُونکُوں اُتھوں کنُوں سِر دے بھار سَٹ ڈیوݨ ، ‏30 پَر اوہ اُنہاں دے ءچوں نِکل تے چلیا گِیا ۔

‏31 وَل اوہ گلیل دے شہر کفرنحُوم کُوں گِیا تے سَبت دے ڈینہہ اُنہاں کُوں تعلیم ڈیندا پیا ہا ، ‏32 تے لوک اُوندی تعلیم سُنڑ تے حیران ہَن کیوں جو اوہ اِختیار نال کلام کریندا ہا ، ‏33 تے عبادت خانہ ءچ ہِک بندا ہا جِیندے ءچ ناپاک دیو دی بدرُوح ہئی ۔ اوہ بہُوں اُچی آواز ءچ چیخنڑ پئے گِیا جو ‏34 اے یسُوع ناصری ! ساکوں تیڈے نال کیا کَم ؟ کیا تُوں ساکُوں ہلاک کرݨ آیا ہیں ؟ میں تیکُوں جانڑدا ہاں جو تُوں کوݨ ہیں ۔ خُدا دا قدُوس ہیں ۔

‏35 یسُوع اُونکُوں دڑکا ڈے تے آکھیا چُپ رہ تے اِیں ءچوں نِکل وَنج ۔ اِیں گالھ تے بدرُوح اُوں آدمی کُوں اُنہاں دے سامنڑے زمین اُتے پٹک ڈِتا تے اُونکُوں تکلیف ڈِتے بغیر اُوندے ءچوں نِکل گئی ۔

‏36 تے سارے حیران تھی تے آپس ءچ آکھنڑ لگے جو ایہہ کیجھا کلام ہے ؟ کیوں جو اوہ اِختیار تے قدرت دے نال بدرُوحاں کُوں حکم ڈیندے تے اوہ نِکل وَیندیاں ہِن ۔ ‏37 تے آسوں پاسوں دے ہر علاقے ءچ یسوع دی شہرت تھی گئی ۔

‏38 وَل یسوع عبادت خانہ کنُوں نِکل تے شمعون دے گھر پُجیا تے شمعون دی سَس تیز بخار ءچ پئی ہئی، تے اُنہاں اُوں کنُوں اُوندے کیتے درخاست کیتی ۔ ‏39 اُونیں اُوندے سرہندی کھڑ تے بخار کُوں دَڑکا ڈِتا تاں او ہ لہہ گِیا تے اوہ فوراً اُٹھی تے اُوندی خدمت کرݨ لگ پئی ۔

‏40 سورج لہندے ای لوک آپنڑے گھراں ءچوں طرح طرح دے بیماراں کُوں اُوندے کولھ گِھن آئے تے اُونیں ہر ہِک اُتے ہَتھ رکھیا تے اُنہاں کُوں شِفا ڈِتی ۔ ‏41 تے بہُوں ساریاں ءچوں بدرُوحاں ایہہ آہدھیاں ہویاں نِکل گئیاں جو تُوں خُدا دا پوتر ہیں۔

تے اوہ اُنہاں کُوں دَڑکدا تے بولنڑ نہ ڈیندا ہا کیوں جو او ہ جانڑدیاں ہَن جو ایہہ المسیح ہے ۔

‏42 جِیں وَیلے سویر تھئی تاں اوہ نِکل تے ہِک ویران جاہ اَل گِیا تے بِھیڑ اُونکُوں گولھیندی ہوئی آئی تےاُونکُوں روکنڑ لگی جو ساڈے کولُھوں نہ وَنج ۔ ‏43 اُونیں اُنہاں کُوں آکھیا میڈے کیتے ضرور ہے جو ڈوجھے شہراں ءچ وی خُدا دی بادشاہی دی خوشخبری سُنڑاواں کیوں جو میں اِیں واسطے ای بھیجیا گِیا ہاں ۔

‏44 تے اوہ گلیل دے عبادت خانیاں ءچ تبلیغ کریندا ریہا ۔