‏3 اُونیں جواب ءچ اُنہاں کُوں آکھیا جو میں وی تُہاڈے کنُوں ہِک گالھ پُچھدا ہاں ، میکُوں ڈساؤ۔ ‏4 یُوحنّا دا بپتسمہ اَسمان دی طرفوں ہا یا اِنسان دی طرفوں ؟

‏5 اُنہاں آپس ءچ آکھیا جو جے اَساں آکھوں جو اَسمان دی طرفوں، تاں اوہ اَکھیسی وَل تُساں اُوندا یقین کیوں نہ کیتا ؟ ‏6 تے جے آکھوں جو اِنسان دی طرفوں ، تاں لوک ساکُوں سنگسار کریسن کیوں جو اوہ منیندے ہِن جو یُوحنا نبی ہا ۔ ‏7 بس اُنہاں جواب ڈِتا ، اَساں نئیں جانڑدے جو کِیندی طرفوں ہا ۔

‏8 یسُوع اُنہاں کُوں آکھیا میں وی تُہاکُوں نئیں ڈسیندا جو اِنہاں کَماں کُوں کِیں اِختیار نال کریندا ہاں ۔

‏9 وَل اُونیں لوکاں کُوں ایہہ تمثیل آکھنڑ شروع کیتی جو ہِک آدمی تاکستان لایا تے اُونیں ٹھیکیداراں کُوں کاشتکاری کیتے ڈِتا تے ہِک لمبے عرصہ کیتے پردیس چلیا گِیا ۔ ‏10 پھل دے موسم ءچ اُونیں آپنڑا حصہ گِھننڑ کیتے ہِک نوکر کُوں ٹھیکیداراں دے کولھ بھیجیا پَر اُنہاں اُونکُوں بہُوں کُٹیا تے خالی ہَتھ بھیج ڈِتا ۔ ‏11 وَل اُوں ہِک بئے نوکر کُوں بھیجیا پَر اُنہاں اُونکُوں وی کُٹیا تے اُوندی بہُوں بے عزتی کیتی تے خالی ہَتھ بھیج ڈِتا ۔ ‏12 وَل اُونیں تَریجھے نوکر کُوں بھیجیا ، اُونکُوں وی اُنہاں زخمی کر تے کڈھ ڈِتا ۔ ‏13 اِیں اُتے تاکِستان دے مالک نیں آکھیا جو میں کیا کراں ؟ میں آپنڑے پیارے پوتر کُوں بھجیساں ، شاید اوہ اُوندا لحاظ کرݨ ۔ ‏14 جِیں وَیلےٹھیکیداراں اُونکُوں ڈِٹھا تاں آپس ءچ صلاح کر تے آکھنڑ لگے ، اِیہو وارث ہے ، آؤ اِینکُوں قتل کروں تاں جو جائیداد ساڈی تھی وَنجے ۔ ‏15 بس اُنہاں اُونکُوں تاکستان ءچوں باہر کڈھ تے قتل کر ڈِتا ۔ ہُنڑ تاکستان دا مالک اُنہاں دے نال کیا کریسی ؟ ‏16 اوہ آ تے اُنہاں ٹھیکیداراں کُوں ہلاک کریسی تے تاکستان بئیاں دے سپُرد کر ڈیسی ۔

لوکاں سُنڑ تے آکھیا خُدا نہ کرے ۔

‏17 اُونیں اُنہاں اُتے نگاہ کیتی تے آکھیا وَل ایہہ کیا لکھیا ہے جو

‏19 اُونہئی وَیلے فقیہاں تے سردار کاہناں اُونکُوں پکڑݨ دی کوشش کیتی کیوں جو اوہ جاݨ گئے ہَن جو اُونیں اوہ تمثیل اُنہاں دے بارے ءچ آکھی ہے ، پَر اوہ لوکاں کنُوں ڈردے ہَن ۔ ‏20 تے اوہ اُوندی تاڑ ءچ ریہے تے جاسوس بھیجے جو راستباز دے بھیس ءچ اُوندی کہیں گالھ پکڑ سگن تاں جو اُونکُوں حاکم دے قبضہ ءچ ڈے ڈیوݨ ۔ ‏21 اُنہاں اُوں کنُوں پُچھیا اے اُستاد ! اَساں جانڑدے ہَیں جو تیڈا کلام تے تعلیم درست ہے تے تُوں کہیں دی طرفداری نئیں کریندا بلکہ سچائی نال خُدا دی راہ دی تعلیم ڈینداہیں ۔ ‏22 ساکُوں قیصر کُوں ٹیکس ڈیوݨ جائز ہے یا نئیں ؟

‏23 یسوع اُنہاں دی مکاری کُوں جانڑدے ہوئے اُنہاں کُوں آکھیا ‏24 میکُوں ہِک دینار ڈِکھاؤ ، اُوندے اُتے کِیندی تصویر تے ناں ہے ؟ اُنہاں آکھیا قیصر دا۔

‏25 اُونیں اُنہاں کُوں آکھیا بس جیہڑا قیصر د اہے قیصر کُوں تے جیہڑا خُدا دا ہے ، خُدا کُوں ادا کرو ۔

‏26 اوہ لوکاں دے سامنڑے اُوندے گالھیں کُوں پکڑ نہ سگے بلکہ اُوندے جواب کنُوں بہُوں حیران تھی تے چُپ تھی گئے ۔

‏27 وَل صدوقی جیہڑے قیامت دے منکر ہَن ، اُنہاں ءچوں کُجھ لوک اُوندے کولھ آئے تے پُچھنڑ لگے جو ‏28 اے اُستاد ! ساڈے کیتے موسیٰ دا حکم ہے جو جے کہیں آدمی دا بِھرا بے اولاد مَر وَنجے تاں اوہ آپنڑے بِھرا دی بیوہ نال شادی کر گِھنے تاں جو آپنڑے بِھرا کیتے نسل پیدا کرے ۔ ‏29 ہُنڑ سَت بِھرا ہَن ، پہلے نیں شادی کیتی پَر بے اولاد مَر گِیا ۔ ‏30 وَل ڈوجھے اُوں بیوہ نال نکاح کیتا تے بے اولاد مَر گِیا تے تَریجھے وی اِیہو کیتا ۔ ‏31 اِیویں ای سَتاں نکاح کیتا تے سارے بے اولاد مَر گئے ۔ ‏32 آخر ءچ اوہ عورت وی مَر گئی ۔ ‏33 بس قیامت ءچ اوہ عورت کِیندی ذال سمجھی ویسی؟کیوں جو اوہ اُنہاں سَتاں دی ذال رہ چُکی ہئی ۔

‏34 یسُوع اُنہاں کُوں آکھیا جو اِیں دُنیا دے لوکاں ءچ تاں شادی ویاہ کرݨ دا رواج ہے ، ‏35 پَر جیہڑے لوک آوݨ آلی دُنیا دے لائق کھڑائے ویسن تے مُردیاں ءچوں زندہ تھیسن ، اوہ شادی ویاہ نہ کریسن ۔ ‏36 کیوں جو اوہ وَل نہ مَرسن اِیں واسطے جو اوہ فرشتیاں وانگوں ہوسن تے اِیویں ای اوہ قیامت دے فرزند تھی تے خُدا دے وی فرزند ہوسن ۔ ‏37 پَر اِیں گالھ کُوں جو مُردے زندہ تھی وَیندے ہِن ، موسیٰ وی جھاڑی دے ذکر ءچ ظاہر کیتے ۔ کیوں جو اوہ خُداوند کُوں ابرہام دا خُدا تے اِضحاق دا خُدا تے یعقوب دا خُدا اَکھیندے ۔ ‏38 پَر خُدا مُردیاں دا خُدا نئیں بلکہ زندیاں دا خُدا ہے کیوں جو اُوندے نیڑے سارے زندہ ہِن ۔

‏39 وَل کُجھ فقیہاں جواب ڈِتا جو اے اُستاد ! تُوں ٹھیک آکھے ۔ ‏40 تے اُنہاں کُوں اُوں کنُوں وَل سوال کرݨ دی جُرأت نہ تھئی ۔

‏41 وَل اُونیں اُنہاں کُوں آکھیا المسیح کُوں داؤد دا پوتر کیویں آدھے ہِن ؟ ‏42 داؤد تاں خود زبُور ءچ اَکھیندے جو

‏45 جِیں وَیلے سارے لوک سُنڑدے پئے ہَن تاں اُونیں آپنڑے شاگرداں کُوں آکھیا، ‏46 فقیہاں کنُوں خبردار رہوائے جیہڑے لمبے لمبے چولے پا تے پھرݨ پسند کریندے ہِن تے چاہندے ہِن جو لوک اُنہاں کُوں بازاراں ءچ سلام کرݨ، تے عبادت خانیاں ءچ اُچے درجہ دیاں کُرسیاں تے ضیافتاں ءچ صدارت دی جاہ چاہندے ہِن ۔ ‏47 اوہ بیواواں دے گھراں کُوں نِگل ویندے ہِن تے ڈِکھاوے کیتے لمبیاں لمبیاں دُعاواں کریندے ہِن ۔ اُنہاں کُوں زیادہ سزا مِلسی ۔