‏7 بس یسُوع آکھیا جو اُونکُوں چھوڑ ڈیوو! اُوں ایہہ عِطر میڈے دفن کیتے رکھیا ہویا ہا ۔ ‏8 کیوں جو غریب تاں ہمیشاں تُہاڈے نال رہسن پَر میں ہمیشاں تُہاڈے نال نہ رہساں ۔

‏9 بس یہُودیاں ءچوں لوک ایہہ معلوم کر تے جو اوہ اُتھاں ہے نہ صرف یسُوع دے سببّوں آئے بلکہ لعزر کُوں وی ڈیکھنڑا چاہندے ہَن جِینکُوں اُونیں مُردیاں ءچوں زندہ کیتا ہا ۔ ‏10 اِیں واسطے سردار کاہناں لعزر کُوں وی مار گھتنڑ دا منصوبہ بنڑایا ‏11 کیوں جو اُوندے سببّوں بہُوں سارے یہُودی اُنہاں کُوں چھوڑ تے چلے گئے تے یسُوع اُتے اِیمان گِھن آئے ۔

‏12 ڈوجھے ڈینہہ بہُوں سارے لوک جیہڑے عید کیتے آئے ہَن ، ایہہ سُنڑ تے جو یسُوع یروشلِیم ءچ آندا ہے، ‏13 کَھجی دیاں چھڑیاں گِھدیاں تے اُوندے اِستقبال کیتے آئے تے نعرے مارݨ لگے جو ہوشعنا^a! مُبارک ہے اوہ جیہڑا خُدا دے ناں تُوں آندا ہے^b تے اِسرائیل دا بادشاہ ہے ۔

‏14 جِیں وَیلے یسُوع کُوں گڈھاں دا بچہ مِلیا تاں اُوندے اُتے سوار تھی گِیا جیویں لکھیا ہے جو

‏16 پہلے تاں اُوندے شاگرد کُجھ نہ سمجھے پَر جِیں وَیلے یسُوع آپنڑے جلال کُوں پُجیا تاں اُنہاں کُوں یاد آیا جو ایہہ سارے گالھیں اُوندے بارے ءچ لکھیاں ہَن تے لوکاں اُوندے نال ایہہ سلوک کیتا ہا ۔

‏17 بس اوہ لوک جیہڑے اُوندے نال ہَن جِیں وَیلے اُونیں آواز ڈے تے لعزر کُوں قبر ءچوں باہر سَڈیا ، تے مُردیاں ءچوں زندہ کیتا ، اِیں گالھ دی گواہی ڈیندے ریہے ۔ ‏18 اِیں سببّوں بہُوں سارے لوک اُوندے اِستقبال کُوں نکلے کیوں جو اُنہاں سُنڑیا ہا جو اُونیں ہِک بہُوں وَڈا معجزہ ڈِکھایا ہے ۔ ‏19 فریسیاں ایہہ ڈیکھ تے ہِک ڈوجھے کُوں آکھیا کُجھ سوچو تاں! ساڈے کنُوں کُجھ نئیں بَنڑدا ؟ ڈیکھو ساری دُنیا اُوندی پیروکار تھیندی ویندی ہے ۔

‏20 جیہڑے لوک عید ءچ پرستِش کیتے آئے ہَن ، اُنہاں ءچوں کُجھ یُونانی ہَن ۔ ‏21 بس اوہ فِلپُس دے کولھ آئے جیہڑا گلیل دے شہر بیت صیدا دا باشندہ ہا تے درخاست کیتی جو جناب ! اَساں یسُوع کُوں ڈیکھنڑ چاہندے ہاں ۔

‏22 فِلپُس آ تے اندریاس کُوں ڈسا یا تے وَل اندریاس تے فِلپُس یسُوع کُوں خبر ڈِتی ۔ ‏23 یسُوع جواب ءچ اُنہاں کُوں آکھیا جو ابن ِآدم دا جلال ظاہر تھیوݨ دا وقت آ گِیا ہے ۔ ‏24 میں تُہاکُوں سچ آہدھا ہاں جو جئیں تَئیں کَنڑک دا دانڑا زمین ءچ مَر نئیں ویندا ، کلھا رہندھے، پَر جے اوہ مَر وَنجے تاں بہُوں سارا پھل پیدا کریندے ۔ ‏25 جیہڑا آدمی آپنڑیں جان کُوں عزیز رکھیندے ، اوہ اُونکُوں وَنجیسی پَر جیہڑا اِیں دُنیا ءچ آپنڑیں جان نال عداوت رکھیندے اوہ اُونکُوں ہمیشاں دی زندگی کیتے محفوظ رکھیسی ۔ ‏26 جے کوئی میڈی خدمت کرݨ چاہندے ، اُونکُوں ضرور ہے جو میڈی پیروی کرے تاں جو جِتھاں میں ہاں اُتھاں میڈا خادم وی ہوسی ۔ جے کوئی میڈی خدمت کرے تاں میڈا باپ اُوندی عزت کریسی ۔

‏27 ہُنڑ میڈا دِل گھبراندا ہے ، بس میں کیا آکھاں ؟ اے باپ !میکُوں اِیں وَیلے کنُوں بچا ۔پَر میں اِیں سببّوں تاں اِیں وَیلے تَئیں پُجیا ہاں ۔ ‏28 اے باپ ! آپنڑے ناں کُوں جلال ڈے ۔

بس اَسمان کنُوں آواز آئی جو میں اُونکُوں جلال ڈِتا ہے تے وَل وی ڈیساں ۔

‏29 جیہڑے لوک اُتھاں کھڑے سُنڑدے ہَن ، اُنہاں آکھیا جو بَدل دی گاج ہے ۔ بئیاں آکھیا جو فرشتہ اُوندے نال کلام کیتے ۔

‏30 یسُوع جواب ءچ آکھیا جو ایہہ آواز تُہاڈے کیتے آئی ہے نہ جو میڈے کیتے ۔ ‏31 ہُنڑ دُنیا دی عدالت کیتی ویندی ہے ۔ہُنڑ دُنیا دا سردار^d باہر کَڈھ ڈِتا ویسی ‏32 تے جِیں وَیلے میں زمین کنُوں اُتے چڑھایا ویساں تاں ساریاں کُوں آپنڑے کولھ چھیک گِھن ساں ۔ ‏33 اُونیں ایہہ آکھ تے ظاہر کر ڈِتا جو اوہ کیویں مَرسی^e ۔

‏34 لوکاں اُونکُوں جواب ڈِتا جو اَساں شریعت ءچوں ایہہ سُنڑیا ہے جو المسیح ہمیشاں تئیں زندہ رَہسی ، وَل تُوں کیوں آہدھیں جو ابن ِآدم دا اُچے اُتے چڑھایا وَنجنڑ ضرور ہے ؟ ایہہ ابن ِآدم کوݨ ہے ؟

‏35 یسُوع اُنہاں کُوں جواب ڈِتا جو نُور تُہاڈے نال تھوڑی دیر تَئیں بِیا ہے ۔ جئیں تَئیں نُور تُہاڈے نال ہے نُور ءچ چلدے رہو ، اِیویں نہ تھیوے جو اَندھارا تُہاکُوں آ جھلے ۔ جیہڑا آدمی اَندھارے ءچ چلدے ، اوہ نئیں جانڑدا جو کِڈے وَیندے ۔ ‏36 جئیں تَئیں نُور تُہاڈے نال ہے ، نُور اُتے اِیمان گِھن آؤ تاں جو نُور دے فرزند بنڑ سگو۔

یسُوع ایہہ گالھیں آکھ تے چلیا گِیا تے اُنہاں کنُوں آپنڑے آپ کُوں لُکایا۔ ‏37 تے بے شک اُونیں اِتی سارے معجزے اُنہاں دے سامنڑے کیتے ہَن ، وَل وی اوہ اُوندے اُتے اِیمان نہ گِھن آئے ۔ ‏38 تاں جو یسعیاہ نبی دا آکھیا پورا تھیوے جو اُونیں آکھیا جو

‏39 اِیہو وجہ ہئی جو اوہ اِیمان نہ رکھ سگے جو یسعیاہ ہِک بئی جاہ اُتے آکھیا

‏42 اِیندے باوجود وی بہُوں سارے سردار اُوندے اُتے اِیمان تاں گِھن آئے پَر فریسیاں دی وجہ کنُوں آپنڑے اِیمان دا اقرار نہ کریندے ہَن ، کِتھائیں اِیویں نہ تھیوے جو اوہ عبادت خانہ کنُوں خارج کر ڈِتے وَنجنڑ ۔ ‏43 کیوں جو اوہ خُدا دی طرفوں نئیں بلکہ اِنسان کنُوں عزت پاوݨ چاہندے ہَن ۔

‏44 یسُوع چِلا تے آکھیا جو جیہڑا کوئی میڈے اُتے اِیمان گِھن آندے ، اوہ میڈے اُتے نئیں بلکہ میڈے بھیجنڑ آلے اُتے اِیمان گِھن آندے ، ‏45 تے جیہڑا میکُوں ڈیدھے ، اوہ میڈے بھیجنڑ آلے کُوں ڈیدھے ۔ ‏46 میں نُور تھی تے دُنیا ءچ آیا ہاں تاں جو جیہڑا میڈے اُتے اِیمان گِھن آوے اوہ اَندھارے ءچ نہ رہوے ۔ ‏47 جے کوئی میڈے گالھیں سُنڑدے تے اُنہاں اُتے عمل نئیں کریندا تاں میں اُونکُوں مُجرم نہ قرار ڈیساں کیوں جو میں دُنیا کُوں مُجرم قرار ڈیوݨ نئیں آیا بلکہ نجات ڈیوݨ آیا ہاں ۔ ‏48 جیہڑا کوئی میڈے اُتے اِیمان نئیں رکھیندا تے میڈے گالھیں کُوں قبول نئیں کریندا ، ہِک ہے جیہڑا اُونکُوں مُجرم قرار ڈیسی یعنی جیہڑا کلام میں کیتے آخری ڈینہہ اُوہو اُونکُوں مُجرم قرار ڈیسی ۔ ‏49 کیوں جو میں آپنڑیں طرفوں کُجھ نئیں آہدھا بلکہ اَسمانی باپ جئیں میکُوں بھیجیا ہے اُونہئی میکُوں حکم ڈِتے جو کیا آکھاں تے کیا بولاں۔ ‏50 تے میں جانڑدا ہاں جو اُوندا حکم ہمیشاں دی زندگی ہے ۔ بس میں اُوہو آہدھا ہاں جِیندے آکھنڑ دا حکم میکُوں باپ ڈِتے ۔