‏6 میں تیڈا ناں اُنہاں اُتے ظاہر کیتے جنہاں کُوں تُوں دُنیا ءچوں چُنڑ تے میکُوں ڈِتے ۔ اوہ تیڈے ہَن ، تے تُوں اُنہاں کُوں میڈے سپُرد کر ڈِتا تے اُنہاں تیڈے کلام اُتے عمل کیتا ہے ۔ ‏7 ہُنڑ اوہ جانڑدے ہِن جو جیہڑا کُجھ تُوں میکُوں ڈِتا ہے اوہ سبھ کُجھ تیڈی ای طرفوں ہے ‏8 کیوں جو جیہڑا کلام تُوں میکُوں ڈِتے اوہ میں اُنہاں تئیں پُچا ڈِتے تے اُنہاں اُونکُوں قبول کر گِھدے تے اوہ اِیں سچائی کنُوں واقف تھی گئے جو میں تیڈی طرفوں آیا ہاں تے اوہ اِیمان گِھن آئے جو تُوں ای میکُوں بھیجیا ہے ۔

‏9 میں اُنہاں کیتے دُعا کریندا ہاں ، میں دُنیا کیتے دُعا نئیں کریندا بلکہ اُنہاں کیتے جنہاں کُوں تُوں میکُوں ڈِتے کیوں جو اوہ تیڈے ہِن ۔ ‏10 میڈا سبھ کُجھ تیڈا ہے تے جیہڑا تیڈا ہے اوہ سبھ میڈا ہے تے میڈا جلال اِنہاں دے وسیلے ظاہر تھیّا ہے۔ ‏11 میں اَگُوں تُوں دُنیا ءچ نہ رَہساں پَر اوہ دُنیا ءچ ہِن تے میں تیڈے کولھ آندا ہاں ۔ اے قدُوس باپ! آپنڑے اُوں ناں دے وسیلہ نال جیہڑا تُوں میکُوں بخشیا ہے اُنہاں دی حفاظت کر تاں جو اوہ ہِک ہووݨ جیویں اَساں ہِک ہئیں ۔ ‏12 جئیں تَئیں میں اُنہاں دے نال ہم میں تیڈے بخشے ہوئے ناں دے وسیلہ نال اُنہاں دی حفاظت کیتی ۔ میں اُنہاں دی ڈیکھ بھال کیتی جنہاں کُوں تُوں میڈے سپُرد کیتا تے اُنہاں ءچوں کوئی ہلاک نہ تھیّا سِوائے ہلاکت دے فرزند^a دے ، تاں جو خُدا دا کلام پورا تھیوے ۔ ‏13 پَر ہُنڑ میں تیڈے کولھ آندا ہاں تے میں ایہہ گالھیں دُنیا ءچ آہدھا ہاں تاں جو میڈی ساری خوشی اُنہاں کُوں حاصل تھیوے ۔ ‏14 میں تیڈا کلام اُنہاں تَئیں پُچا ڈَتے تے دُنیا نیں اُنہاں نال عداوت رکھی ہے کیوں جو جیویں میں دُنیا دا نئیں اوہ وی دُنیا دے نئیں ۔ ‏15 میڈی دُعا ایہہ نئیں جو تُوں دُنیا کنُوں اُنہاں کُوں چا گِھن بلکہ ایہہ ہے جو اُنہاں کُوں شیطان^b تُوں محفوظ رکھ ۔ ‏16 جیویں میں دُنیا دا نئیں اوہ وی دُنیا دے نئیں ۔ ‏17 سچائی دے وسیلہ اُنہاں کُوں آپنڑے کیتے علیحدہ کر ڈے ، تیڈا کلام سچائی ہے ۔ ‏18 جیویں تُوں میکُوں دُنیا ءچ بھیجیا ، اُونویں ای میں وی اُنہاں کُوں دُنیا ءچ بھیجیا ہے ۔ ‏19 میں آپنڑے آپ کُوں اُنہاں دی خاطر علیحدہ^c کریندا ہاں تاں جو اوہ وی سچائی دے وسیلے علیحدہ کیتے وَنجنڑ ۔

‏20 میں صرف اِنہاں کیتے ای درخاست نئیں کریندا بلکہ اُنہاں کیتے وی جیہڑے اُنہاں دے پیغام دے وسیلے نال میڈے اُتے اِیمان گِھن آسن ‏21 تاں جو اوہ سارے ہِک ہووݨ جیویں اے باپ، تُوں میڈے ءچ ہیں تے میں تیڈے ءچ ہاں ۔ میں چاہندا ہاں جو اوہ وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔ ‏22 تے اوہ جلال جیہڑا تُوں میکُوں ڈِتا ہے میں اُنہاں کُوں ڈِتا ہے تاں جو اوہ ہِک ہووݨ جیویں اَساں ہِک ہَئیں ۔ ‏23 میں اُنہاں ءچ تے تُوں میڈے ءچ تاں جو اوہ کامل طور تے ہِک تھی وَنجنڑ تے دُنیا جاݨ گِھنے جو تُوں ای میکُوں بھیجیا تے جیویں تُوں میڈے نال محبت رکھی ، اُنہاں نال وی محبت رکھی ہے ۔

‏24 اے باپ ! تُوں جنہاں کُوں میڈے سپُرد کیتے ، میں چاہندا ہاں جو جِتھاں میں ہاں اوہ وی میڈے نال ہووݨ تے اُوں جلال کُوں ڈیکھ سگن جیہڑا تُوں میکُوں ڈِتا ہے کیوں جو تُوں دُنیا دے بننڑ کنُوں وی پہلے ای میڈے نال محبت رکھی ہے ۔ ‏25 اے عادل باپ ! دُنیا تاں تیکُوں نئیں جانڑدی پَر میں تیکُوں جانڑدا ہاں تے اِنہاں آدمیاں وی جاݨ گِھدے جو تُوں میکُوں بھیجیا ہے ‏26 تے میں اُنہاں کُوں تیڈے ناں نال واقف کرا ڈِتے ، تے کریندا رَہساں تاں جو جیہڑی محبت تیکُوں میڈے نال ہئی اوہ اُنہاں ءچ ہووے تے میں وی اُنہاں ءچ ہونواں ۔