‏3 وَل اُنہاں روزہ رکھیا تے دُعا کیتی تے اُنہاں اُتے ہَتھ رکھ تے اُنہاں کُوں رخصت کیتا۔

‏4 بس اوہ رُوح القُدس دے بھیجے ہوئے سِلُوکیہ کُوں گئے تے اُتھوں کنُوں جہاز اُتے کُپرُس کُوں چلے گئے۔ ‏5 تے سَلَمِیس ءچ پُج تے یہُودیاں دے عبادت خانیاں ءچ خُدا دا کلام سُنڑاوݨ لگے تے یُوحنّا اُنہاں دی مدد کیتے اُنہاں دے نال ہا۔

‏6 جِیں وَیلے اوہ سارے جزیرے ءچوں ہوندے ہوئے پافُس تئیں پُجے تاں اُتھاں اُنہاں کُوں بر یسوع ناں دا ہِک یہُودی جادُوگر تےکُوڑا نبی مِلیا۔ ‏7 اوہ سرِگیُس پَولُس گورنر دے نال ہا جیہڑا دانشمند شخص ہا۔ اُونیں ساؤل تے برنباس کُوں سَڈ تے خُدا دا کلام سُننڑا چاہیا ‏8 پَر الِیماس جادوگر (اِیہو اُوندے ناں دا یُونانی ترجمہ ہے ) نیں اُنہاں دی مخالفت کیتی تے گورنر کُوں اِیمان گِھن آوݨ کنُوں روکنڑا چاہیا۔ ‏9 پَر ساؤل نیں جِیندا ناں پَولُس^b وی ہے، رُوح القُدس کنُوں بھریج تے اُوندے اُتے غور نال نِگاہ کیتی ‏10 تے آکھیا جو ”اےاِبلیس دے پوتر ! تُوں جیہڑا ہر قِسم دی مَکاری تے شرارت کنُوں بھریا ہویا تے ہر طرحاں دی نیکی دا دشمنڑ ہیں، کیا تُوں خُداوند دے سِدھے رستیاں کُوں وگاڑݨ کنُوں باز نہ آسیں؟ ‏11 ہُنڑ ڈیکھ خُداوند دا ہَتھ تیڈے خِلاف اُٹھیا ہے تے تُوں اَندھا تھی تے کُجھ عرصہ تئیں سورج کُوں نہ ڈیکھسیں۔“

اُونہئی وَیلے کُہر تے اَندھارا اُوندے اُتے غالب آ گِیا تے اوہ لوکاں کُوں گولھنڑ پِھرݨ لگا جو کوئی اُوندا ہَتھ پکڑ تے اُونکُوں نال گِھن جُلے۔ ‏12 وَل گورنر ایہہ واقع ڈیکھ تے، تے خُداوند دی تعلیم کنُوں حیران تھی تے اِیمان گِھن آیا۔

‏13 وَل پَولُس تے اُوندے ساتھی جہاز دے ذریعے پافُس تُوں روانہ تھی تے پمفِیلیہ دے پرگہ ء چ آئے، تے یُوحنّا اُنہاں کُوں چھوڑ تے یروشلیم کُوں واپس چلیا گِیا۔ ‏14 اوہ ڈوہائیں پرگہ کنُوں روانہ تھی تے پِسدِیہ دے شہر انطاکیہ ءچ پُجے تے سَبت دے ڈینہہ عبادت خانہ ءچ وَنج بیٹھے۔ ‏15 تَورَیت تے نبیاں دے صحیفیاں دے پڑھنڑ تُوں بعد عبادت خانہ دے سرداراں نیں اُنہاں کُوں اَکھوا بھیجیا جو ”اے بِھراؤ ! جے لوکاں دی نصیحت کیتے تُہاڈے کولھ پیغام ہے تاں آکھو۔“

‏16 بس پَولُس نیں کھڑا تھی تے ہَتھ نال اِشارہ کر تے آکھیا، ”اے اِسرائیلیو تے اے خُدا ترسو! سُنڑو۔ ‏17 اِیں اُمت اِسرائیل دے خُدا نیں ساڈے پیُو ڈاڈا کُوں چُنڑ گِھدا تے جِیں وَیلے ایہہ اُمت مِصر ءچ پردیسیاں وانگوں رَہندی ہئی، اُونکُوں سربُلند کیتا تے آپنڑےقوی ہَتھ نال اُنہاں کُوں اُتھوں کنُوں کَڈھ تے گِھن آیا۔ ‏18 تے تقریباً چالیہہ سال تئیں اُنہاں دیاں عادتاں کُوں بیابان ءچ برداشت کریندا ریہا۔ ‏19 تے کِنعان ءچ سَت قوماں کُوں برباد کر تے اُنہاں دی زمین آپنڑے لوکاں کُوں میراث ءچ ڈِتی ۔ایہہ سارا کُجھ تقریباً ساڑھے چار سو سال ءچ تھیّا۔

‏20 اِنہاں گالھیں دے بعد سموئیل نبی دے زمانہ تئیں اُنہاں ءچ قاضی مُقرر کیتے۔ ‏21 اِیندے بعد لوکاں نیں بادشاہ کیتے درخاست کیتی تے خُدا نیں قِیس دے پوتر ساؤل کُوں چالیہہ سالہاں کیتے بادشاہ مُقرر کیتا جیہڑا بِنیمین دے قبیلہ ءچوں ہا۔ ‏22 وَل اُوں ساؤل کُوں تخت کنُوں لہاوݨ دے بعد داؤد کُوں اُنہاں دا بادشاہ بنڑایا جِیندے بارے ءچ خُدا نیں فرمایا جو ’میکُوں یسی دا پوتر داؤد میڈے دِل دے مطابق مل گِیا ہے، اُوہو میڈی ساری مرضی کُوں پورا کریسی۔‘‘ ‏23 اِیندی نسل ءچوں خُدا نیں آپنڑے وعدہ دے مطابق اِسرائیل دے کولھ ہِک نجات ڈیوݨ آلے یعنی یسوع کُوں بھیجیا۔ ‏24 یسوع دے آوݨ کنُوں پہلے یُوحنّا نیں اِسرائیل دی ساری اُمت دے سامنڑے توبہ دے بپتسمہ دی منادی کیتی۔ ‏25 جِیں وَیلے یُوحنّا دا کَم پورا تھیوݨ آلا ہا تاں اُونیں آکھیا جو ’تُساں میکُوں کیا سمجھدے ہِیوے؟ میں اوہ نئیں بلکہ ڈیکھو میڈے بعد اوہ شخص آوݨ آلا ہے جِیندے پیراں دی جُتیاں دا تسمہ میں کھولنڑ دے لائق نئیں۔‘

‏26 اے بِھراؤ! ابرہام دے فرزندو تے اے خُدا ترسو! اِیں نجات دا کلام ساڈے کولھ بھیجیا گِیا۔ ‏27 کیوں جو یروشلیم دے رَہنڑ آلیاں تے اُوندے سرداراں نیں اُونکُوں نہ سُنجانڑیا تے نہ نبیاں دیاں گالھیں سمجھیاں جیہڑیاں ہر سَبت کُوں سُنڑائیاں وَیندیاں ہِن۔ اِیں واسطے اُوندے اُتے سزا دا حُکم ڈے تے اُنہاں کُوں پورا کیتا۔ ‏28 تے بھانویں اُوندے قتل دی کوئی وجہ نہ مِلی وَل وی اُنہاں پِیلاطُس کُوں درخاست کیتی جو اُونکُوں قتل کر ڈِتا وَنجے۔ ‏29 جِیں وَیلے اُونکُوں پورا کر گِھدا جیہڑا کُجھ اُوندے حق ءچ لکھیا گِیا ہا تاں اُونکُوں صلیب کنُوں تَلے لہا تے قبر ءچ رکھ ڈِتا۔ ‏30 پَر خُدا نیں اُونکُوں مُردیاں ءچوں زندہ کر ڈِتا۔ ‏31 تے جیہڑے لوک گلیل کنُوں اُوندے نال یروشلیم آئے ہَن، اوہ اُنہاں کُوں بہُوں ڈینہاں تئیں ڈِکھالی ڈِتا ۔ہُنڑ اُوہو لوک اُمت دے سامنڑے اُوندے گواہ ہِن۔ ‏32 تے اَساں تُہاکُوں اُوں وعدہ دے بارے ءچ جیہڑا ساڈے پیُو ڈاڈا نال کیتا گِیا ہا، خوشخبری ڈیندے ہیں ‏33 جو خُدا نیں یسوع کُوں زندہ کر تے اُنہاں دی اولاد یعنی ساڈے کیتے اُونہئی وعدہ کُوں پورا کیتا ۔چنانچہ ڈوجھے زبور ءچ لکھیا ہے جو

‏34 تے یسوع دے مُردیاں ءچوں زندہ تھیوݨ تے اُوندے جِسم دے سَڑݨ دے بارے ءچ خُدا نیں اِینویں آکھیا ہے،

‏35 تے اوہ ہِک بئے زبور ءچ آہدھے جو

‏36 کیوں جو داؤد تاں آپنڑے زمانہ ءچ خُدا دا مَقصد پورا کرݨ دے بعد مَوت دی نیند سَم گِیا تے آپنڑے پیُو ڈاڈا نال دفن تھیّا تے اُوندے سَڑݨ دی نوبت آئی۔ ‏37 پَر جِینکُوں خُدا نیں زِندہ کیتا اُوندے سَڑݨ دی نوبت نئیں آئی۔ ‏38 بس اے بِھراؤ! تُساں جاݨ گِھنو جو یسوع ای دے وسیلے تُہاکُوں گُناہاں دی معافی دی خبر ڈِتی وَیندی ہے۔ ‏39 تے موسیٰ دی شریعت دے باعث جیہڑے گالھیں کنُوں تُساں نجات نہ پا سگدے ہَوے، ہُنڑ مسیح اُتے اِیمان گِھن آوݨ دے باعث ہر کہیں کُوں نجات مل وَیندی ہے۔ ‏40 بس خبردار! اِینویں نہ تھیوے جو جیہڑا نبیاں دی کِتاباں ءچ لکھیا ہے اوہ تُہاڈے اُتے سچ تھیوے جو

‏42 جِیں وَیلے برنباس تے پَولُس عبادت خانہ ءچوں باہر نکلدے پئے ہَن تاں لوک اُنہاں دی مِنت کرݨ لگے جو اَگلے سَبت کُوں وی ایہہ گالھیں ساکُوں سُنڑائیاں وَنجنڑ۔ ‏43 جِیں وَیلے عبادت ختم تھی گئی تاں بہُوں سارے یہُودی تے خُدا پرست نومُرید یہُودی پَولُس تے برنباس دے پچھوں تھی پئے۔ اُنہاں، اُنہاں نال مزید گفتگو کیتی تے ترغیب ڈِتی جو خُدا دے فضل اُتے قائم رَہو۔

‏44 ڈوجھے سَبت کُوں تقریباً سارا شہر خُداوند دا کلام سُننڑ کیتے جمع تھی گِیا۔ ‏45 پَر یہُودی اِتی بِھیڑ ڈیکھ تے حسد کنُوں بھریج گئے تے پَولُس دے گالھیں دی مخالفت کرݨ تے بُرا بھلا آکھنڑ لگے۔ ‏46 پَولُس تے برنباس دلیر تھی تے آکھنڑ لگے جو ”لازم ہا جو خُدا دا کلام پہلے تُہاکُوں سُنڑایا وَیندا پَر کیوں جو تُساں اُونکُوں رَدّ کریندے ہِیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اَساں غیر قوماں دو متوجہ تھیندے ہیں۔ ‏47 کیوں جو خُداوند نیں ساکُوں ایہہ حُکم ڈِتے جو

‏48 جِیں وَیلے غیر قوم آلیاں نیں ایہہ سُنڑیا تاں بہُوں خُوش تھئے تے خُداوند دے کلام دی تعریف کرݨ لگے تے جِتی ہمیشاں دی زندگی کیتے مُقرر کیتے گئے ہَن، اِیمان گِھن آئے۔

‏49 تے خُداوند دا کلام اُوں سارے علاقے ءچ پھیل گِیا۔ ‏50 پَر یہُودیاں نیں خُدا پرست تے معزز عورتاں تے شہر دے با اثر اُمرا کُوں بھڑکایا تے پولُس تے برنباس کُوں ستاوݨ کیتے تیار کر تے اُنہاں کُوں آپنڑے علاقے کنُوں کَڈھ ڈِتا۔ ‏51 اوہ آپنڑے پیراں دی دھوڑ اُنہاں دے سامنڑے جھاڑ تے اکُنیم کُوں چلے گئے۔ ‏52 پَر شاگرد خوشی تے رُوح القُدس نال معمور تھیندے ریہے۔