پَولُس ایہہ خط کُرِنتھُس کنُوں شہر رُوم دے اِیمانداراں کُوں ٥٧ عیسوی دے درمیان لکھیا ہا۔ ایہہ رُومی شہر رُومی دا تخت ہا۔ اہل ِ رُوم آُپنڑے بادشاہ کُوں قیصر رُوم آکھ تے سَڈیندے ہَن۔

پَولُس رُوم کنُوں تھیندے ہوئے اسپین وَنج چاہندے ہَن۔ اُنہاں رُوم دے اِیمانداراں کُوں آپنڑا تعارف کراوݨ تے آپنڑا اِرادہ ڈساوݨ کیتے ایہہ خط اُنہاں کُوں بھیجیا۔ پَو لُس اُنہاں دے فائدے کیتے اِیں خط ءچ مسیحی عقائد دی تشریح و ی کیتی ہے تے ڈسائے جو خُدا دے نجات دے انتظام ءچ یہُودی تے غیر یہُودی ڈوہائیں شامل ہَن۔ ( باب ٩ کنُوں ١١ تے ٥ : ١٠ ـ ١١ آیات ) ۔ اُونیں خُدا دے فضل دا خاص طور تے ذِکر کیتے جیہڑا ہر گنہگار کُوں یسوع المسیح دے ڈِتے گئے کفارہ اُتے اِیمان گِھن آوݨ نال حاصل تھیندے۔ تے اوہ اِیں فضل دی وجہ کنُوں راستباز کیتا وَیندے تے نجات مِلدی ہے۔

خط دے آخر ءچ کُجھ مشورے ڈِتے گئے ہِن جئیں اُتے عمل کرݨ نال اِیں دُنیا ءچ ہِک کامیاب زندگی گُزارݨ ءچ مدد مِلدی ہے۔