کُرِنتھیاں دے ناں پولُس رسُول دا پہلا خط
پیش لفظ
پولُس رسُول ایہ خط یُونان دے شہر کُرِنتُھس دے اِیمانداراں کُوں لِکھیا جِیندے ءچ غیر یہُودی اِیمانداراں دی ہِک بہُوں وڈی تعداد شامل ہئی۔
پولُس آپنڑے تبلیغی سفر دے دوران کُرِنتُھس ءچ ایہ جماعت قائم کیتی پر اُوندے اُتھوں چلے ونجنڑ تُوں بعد آسُوں پاسُوں دے لوکاں پارُوں اِیں جماعت دی حالت وِگڑ گئی تے اُوندے ءچ تفرقے پے گئے۔
اِیں واسطے پولُس غلط تعلیم ڈیوݨ آلے راہنماواں، عشائے ربانی دی بے حُرمتی، بُتاں کیتے قُربانیاں، مقدمہ بازی، بدکاری، قیامت دا اِنکار کرݨ تے شادی دے مسائل دے بارے ءچ نصیحت کریندے۔ اِیندے علاوہ او محبت دی اہمیت تے اُوندے حقیقی مطلب کُوں وی واضح کریندے۔