مُقدس پَولُس رسُول ایہہ خَط اِفسُس کنُوں ٥٦ عیسوی ءچ یُونان دے شہر کُرِنتُھس دے اِیمانداراں کُوں لکھیا ہا جِیندے ءچ غیر یہُودی اِیمانداراں دی ہِک بہُوں وَڈی تعداد شامل ہئی۔

مُقدس پَولُس آپنڑے تبلیغی دَورے دے دوران کُرِنتُھس ءچ جماعت قائم کیتی ہئی ( اعمال ١ : ١١ ـ ا٨ ) پَر اُنہاں دے اُتھوں کنُوں چلے وَنجنڑ دے بعد حالات وِگڑ گئے۔ اِیں واسطے اُنہاں اُتھوں دے مسائل دے بارے جماعت کنُوں خَط بھیجنڑ دا اِرادہ کیتا۔

اِنہاں مسائل ءچ مُقدس پَولُس دی رسالت ، عشائے ربانی دی بے حرمتی، بُتاں کُوں قُربانی چڑھائے وَنجنڑ آلے گوشت ، مُقدمہ بازی، فحاشی، قیامت کنُوں اِنکار تے شادی نال ہا۔ پَولُس سوچیا جو جے تُساں جلدی کوئی قدم نہ چاتا تاں کُرِنتُھس دی کلیسیا دے ٹوٹے ٹوٹے تھی ویسن۔ وَل اُونیں اِیں خَط ءچ مُحبت دے حقیقی مفہوم کُوں وی واضح کیتا۔