‏6 اِیندا اِیہہ مطلب نئیں جو خُدا دا وعدہ باطل تھی گِیا کیوں جو جِتی اِسرائیل دی نسل کنُوں ہِن اوہ سارے اصلی اِسرائیلی نئیں۔ ‏7 تے نہ ابرہام دی سبھ نسل اُوندی اولادہے بلکہ ایہہ لکھیا ہے جو ”اِضحاق ءچوں ای تیڈی نسل اَکھویسی^a ۔“ ‏8 یعنی جِسمانی پوتر خُدا دے پوتر نئیں بلکہ وعدہ دے فرزند نسل ءچ شمار کیتے وَیندے ہِن۔ ‏9 کیوں جو وعدہ دا قول ایہہ ہے جو ”میں اِیں وقت دے مطابق آساں تے سارہ دے پوتر ہوسی ۔“

‏10 فقط اِیہو نئیں بلکہ رِبقہ وی ہِک شخص یعنی ساڈے پیُو اِضحاق کنُوں حاملہ ہئی۔ ‏11 تے اَجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا نیں رِبقہ کُوں آکھیا جو وَڈا چھوٹے دی خدمت کریسی ۔ ‏12 تاں جو خُدا ایہہ ظاہر کرے جو اوہ آپنڑی مرضی نال لوکاں کُوں چُنڑدے نہ جو اُنہاں دے اعمال نال۔ ‏13 جِیویں لکھیا ہے جو ”میں یعقوب نال تاں مُحبت رکھی پَر عیسو نال نفرت ۔“

‏14 وَل اَساں کیا آکھوں؟ کیا خُدا بے اِنصاف ہے؟ ہر گز نئیں! ‏15 کیوں جو اوہ موسیٰ کُوں آہدھے، ”جئیں اُتے ترس کھاوݨچاہندا ہاں اُوندے اُتے ترس کھاساں تے جئیں اُتے رحم کرݨ چاہندا ہاں اُوندے اُتے رحم کریساں ۔“ ‏16 اِیں واسطے ایہہ نہ تاں اِنسان دی خواہش اُتے تے نہ ای اُوندی بھج دھُروک اُتے بلکہ خُدا دے رحم اُتے منحصر ہے۔ ‏17 کیوں جو خُدا دے کلام ءچ فرعون کُوں آکھیا گِیا ہے، ”میں تیکُوں اِیں واسطے کھڑا کِیتا جو تیڈے سببّوں آپنڑی قُدرت ظاہر کراں تے ساری دُنیا ءچ میڈا ناں مشہور تھی وَنجے ۔“ ‏18 بس خُدا جئیں اُتے رحم کرݨ چاہندے رحم کریندے تے جِینکُوں چاہندے اُونکُوں سخت کریندے۔

‏19 بس تُوں میکُوں اَکھیسیں ”وَل خُدا ساکُوں کیوں قصور وار آہدھے؟ کوݨ اُوندی منشا دے خلاف کھڑا تھی سگدے؟“ ‏20 اے اِنسان تُوں کوݨ ہئیں جیہڑا خُدا کُوں جواب ڈیندیں؟ کیا کوئی بنڑی ہوئی چیز آپنڑے بنڑاوݨ آلے کُوں آکھ سگدی ہے جو ”تَیں میکُوں اِینویں کیوں بنڑائے؟“ ‏21 کیا کُمہار کُوں مِٹی اُتے اِختیار نئیں جو لُوئی ہوئی مِٹی کنُوں ہِک تھاں تاں عزت کیتے بنڑاوے تے ڈوجھا بے عزتی کیتے۔

‏22 بس حیرانگی کیوں جے خُدا آپنڑے عذاب تے آپنڑی قُدرت کُوں ظاہر کرݨ دے اِرادے نال اُنہاں کُوں جِنہاں اُتے عذاب تھیسی، جیہڑے ہلاکت کیتے تیار کیتے گئے ہَن، بہُوں صبر نال برداشت کریندا ریہا۔ ‏23 تاں جو آپنڑے جلال دی دولت اُنہاں دے ذریعے ظاہر کرے جِنہاں اُتے رحم تھیسی ،جیہڑے جلال کیتے پہلے کنُوں تیار کیتے ہَن۔ ‏24 یعنی ساڈے ذریعے جِنہاں کُوں اُونیں نہ فقط یہُودیاں ءچوں بلکہ غیریہُودیاں ءچوں وی سَڈیا۔ ‏25 چُنانچہ ہوسیع نبی دی کِتاب ءچ خُدا اِینویں فرمیندےجو

‏26 تے اِینویں تھیسی جو

‏27 تے یسعیاہ نبی وی اِسرائیل دے بارے ءچ آواز ڈے تے آہدھا ہے،

‏30 بس اَساں کیا آکھوں؟ ایہہ جو غیریہُودی جیہڑے راستبازی دے طالب نہ ہَن راستبازی حاصل کیتی یعنی اوہ راستبازی جیہڑی اِیمان نال ہے۔ ‏31 پَر اِسرائیل جیہڑا راستبازی دی شریعت دا طالب ہا، اُونکُوں حاصل نہ کر سگیا۔ ‏32 کیوں؟ اِیں کیتے جو اُنہاں اِیمان نال نئیں بلکہ اعمال دے ذریعے اُونکُوں گولھیا، تے ٹھوکر لگنڑ آلے پتھر کنُوں ٹھوکر کھادی۔ ‏33 جیویں لکھیا ہے جو