‏5 کُوئی شخص تاں ہِک ڈینہہ کُوں ڈوجھے ڈینہہ کنُوں چنگا سمجھدے تے کوئی سارے ڈینہاں کُوں ہِک برابر جانڑدے ۔ہر شخص کُوں آپنڑے ضمیر دے مطابق فیصلہ کرنڑا چاہیدے۔ ‏6 جیہڑا کہیں ڈینہہ کُوں خاص سمجھ تے مَنیندے ،اوہ خُدا دی خاطر مَنیندے ۔تے جیہڑا کہیں چیز کُوں کھاندے اوہ خُداوند دی خاطر کھاندے ^aکیوں جو اوہ خُدا دا شُکر کریندے تے جیہڑا اُوں کنُوں پرہیز کریندے اوہ وی خُداوند دی خاطر نئیں کھاندا کیوں جو اوہ وی خُدا دا شُکر کریندے۔ ‏7 کیوں جو اَساں ءچوں کوئی وی فقط آپنڑے واسطے زندہ نئیں رَہندا تے نہ ای کوئی فقط آپنڑے واسطے مَردے۔ ‏8 جے اَساں زندہ ہئیں تاں خُداوند دی خاطر زندہ ہئیں تے جے مَردے ہئیں تاں خُداوند دی خاطر مَردے ہئیں، اِیں واسطے بھانویں اَساں زندہ رَہوں یا مَرُوں، اَساں خُداوند ای دے ہئیں۔ ‏9 کیوں جو مسیح اِیں واسطے مویا تے زندہ تھیّا جو مویاں تے زندیاں ڈوہائیں دا خُداوند ہووے۔ ‏10 وَل تُوں آپنڑے بِھرا اُتے کیوں اِلزام لیندیں، تے اُونکُوں کیوں حقیر سمجھدیں؟ اَساں تاں سارے دے سارے خُدا دے تختِ عدالت دے سامنڑے حاضر کیتے ویسوں۔ ‏11 جِیویں لکھیا ہے جو

‏13 اِیں واسطے وَلا اَساں ہِک ڈوجھے اُتے اِلزام نہ لاؤں بلکہ دِل ءچ اِرادہ کر گِھنُوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے ٹھوکر کھاوݨ یا ڈھاوݨ دا باعث ہووے۔ ‏14 میکُوں معلوم ہے بلکہ خُداوند یسوع ءچ پورا یقین ہے جو کوئی چیز بذات ِخود حرام نئیں ہوندی پَر جیہڑا اُونکُوں حرام سمجھدے اُوندے کیتے حرام ہے۔ ‏15 جے تیڈے کوئی چیز کھاوݨ کنُوں تیڈے بِھرا کُوں رَنج پُجدے تاں وَل تُوں مُحبت دے اَصول اُتے نئیں چلدا۔ جِیں شخص کیتے مسیح نیں آپنڑی جان قُربان کیتی تُوں اُونکُوں آپنڑے کھاوݨ کنُوں ہلاک نہ کر۔ ‏16 تُساں آپنڑی نیکی دی بدنامی نہ تھیوݨ ڈیؤ۔ ‏17 کیوں جو خُدا دی بادشاہی کھاوݨ پیوݨ دے بارے ءچ نئیں بلکہ راستبازی ،میل مِلاپ تے خوشی دے بارے ءچ ہے جیہڑی رُوح القُدس دی طرفوں مِلدی ہے۔ ‏18 تے جیہڑا کوئی اِینویں مسیح دی خدمت کریندے اُونکُوں خُدا پسند کریندے تے اوہ لوکاں ءچ مقبول ہوندے۔

‏19 آؤ اَساں اُنہاں گالھیں دے طالب رَہوں جِنہاں تُوں میل مِلاپ تے آپس دی ترقی ہووے۔ ‏20 فقط کھاوݨ دی خاطر خُدا دے کلام کُوں نہ وِگاڑو۔ ہر چیز پاک تاں ہے پَر اُوں شخص کیتے بُری ہے جِیندے کھاوݨ نال ڈوجھے کُوں ٹھوکر لگدی ہے۔ ‏21 اِیہو چنگا ہے جو تُوں نہ گوشت کھاویں، نہ مَے پیویں تے نہ ایجھا کَم کریں جِیندے نال تیڈا بِھرا ٹھوکر کھاوے۔ ‏22 تیڈا جیہڑا اعتقاد ہے، اُونکُوں آپنڑے تے خُدا دے حضور ای رَہنڑ ڈے۔ اوہ شخص مُبارک ہے جیہڑا اُوں چیز دی وجہ کنُوں جِینکُوں اوہ جائز سمجھدے آپنڑے آپ کُوں مُلزم نئیں بنیڑیندا۔ ‏23 پَر جیہڑا کہیں چیز دے بارے ءچ شک کریندے تے وَل وی اُونکُوں کھاندے اوہ آپنڑے آپ کُوں مُجرم بنڑیندے۔ اِیں واسطے جو اوہ اعتقاد نال نئیں کھاندا تےجیہڑا کُجھ اعتقاد نال نئیں اوہ گُناہ ہے۔