‏7 جیویں مسیح نیں تُہاکُوں قبول کر گِھدے، اِینویں ای تُساں وی ہِک ڈوجھے کُوں خُدا دے جلال کیتے قبول کرو۔ ‏8 میں ایہہ آہدھا ہاں جو یسوع مسیح خُدا دی سچّائی ثابت کرݨ کیتے یہُودیاں دا خادم بنڑیا تاں جو اُنہاں وعدیاں دی تصدیق کرے جیہڑے پِیُو ڈاڈے نال کیتے گئے ہَن، ‏9 تے غیریہُودی وی خُدا دے رحم دی وجہ کنُوں اُوندی تعریف کرݨ جیویں لکھیا ہے جو

‏13 خُدا جیہڑا اُمید دا سرچشمہ ہے تُہاکُوں اِیمان رکھنڑنال ساری خوشی تے اِطمینان کنُوں بھر ڈیوے تاں جو رُوح القُدس دی قُدرت کنُوں تُہاڈی اُمید وَدھدی وَنجے۔

‏14 میڈے بِھراؤ! میکُوں تُہاڈے بارےءچ یقین ہے جو تُساں خود وی نیکی تے علم کنُوں بھریج گئے ہِیوے تے ہِک ڈوجھے کُوں نصیحت کرݨ دے قابل وی ہِیوے۔ ‏15 وَل وی میں کُجھ گالھیں بہُوں دلیری دے نال تُہاڈی یاد دہانی کیتے لکھیاں ہِن۔ خُدا نیں میڈے اُتے فضل کیتا ‏16 جو میں غیریہُودیاں ءچ مسیح یسوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس نال مُقدّس تھی تے ایجھی نذر بنڑ وَنجنڑ ، جیہڑی خُدا دے حضور ءچ مقبول تھیوے۔ ‏17 میں یسوع مسیح دے وسیلے خُدا کیتے آپنڑی خِدمت اُتے فخر کر سگدا ہاں۔ ‏18 میکُوں کہیں بئے کَم کُوں بیان کرݨ دی جرأت نئیں سِوائے اِنہاں کَماں دے جیہڑے مسیح نیں غیریہُودیاں کُوں خُدا دے تابع کرݨ کیتے میڈے ذریعے کیتے۔ اُونیں کَم، کلام، ‏19 معجزیاں تے عجیب کَماں دی قوت تے رُوح القُدس دی قُدرت دے وسیلے نال ایہہ کَم کیتا۔ اِیں طرحاں میں یروشلیم کنُوں گِھن تے اِلُرِّکُم صوبے تئیں مسیح دی خوشخبری دی پوری پوری تبلیغ کیتی۔ ‏20 میڈا فقط ایہہ مقصد ہا جو جِتھاں مسیح دا ناں نئیں گِھدا گِیا اُتھاں خوشخبری سُنڑاواں، کیوں جو میں کہیں بئے دی بُنیاد اُتے تعمیر نئیں کرݨ چاہندا۔ ‏21 بلکہ جِیویں لکھیا ہے اُونویں ای تھیوے جو

‏22 اِیں سببّوں میں تُہاڈے کولھ آوݨ کنُوں حالی تئیں رُکیا ریہا۔ ‏23 پَر کیوں جو ہُنڑ اِنہاں علاقیاں ءچ میڈی خِدمت کرݨ کیتے جاہ باقی نئیں ریہی تے میں بہُوں سالاں کنُوں تُہاڈے کولھ آوݨ چاہندا وی ہاں۔ ‏24 اِیں واسطے میکُوں اُمید ہے جو اسپین وَیندے وقت تُہاڈے کنُوں تھیندا ویساں، تے جِیں وَیلے تُہاڈے نال چنگی طرحاں ملاقات تھی ویسی تاں میکُوں اُمید ہے جو تُساں اَگوں وَنجنڑ ءچ میڈی مدد کریسو۔ ‏25 پَر حالی میں مُقدّساں دی خدمت کرݨ کیتے یروشلیم وَیندا پِیا ہاں۔ ‏26 کیوں جو مَکِدُنیہ تے اَخیہ دے لوک یروشلیم دے غریب مُقدّساں کیتے چندہ بھیجنڑ چاہندے ہِن۔ ‏27 ایہہ کَم اُنہاں خوشی نال تاں کیتا پَر یروشلیم دے مُقدّساں دے قرضدار وی ہَن کیوں جوجے غیر قوماں نیں یہُودیاں دی رُوحانی برکتاں کنُوں فائدہ چاتا ہے، تاں ضروری ہے جو اوہ وی آپنڑی جِسمانی نعمتاں نال اُنہاں دی خدمت کرݨ۔ ‏28 اِیں واسطے میں اِیں خدمت کُوں پورا کر تے یعنی رقم اُنہاں تئیں پُچا تے تُہاڈے کنُوں تھیندا ہویا اسپین روانہ تھی ویساں۔ ‏29 میں جانڑدا ہاں جو جِیں وَیلے تُہاڈے کولھ آساں تاں مسیح دی ساری برکتاں گِھن تے آساں۔

‏30 بِھراؤ! میں تُہاکُوں یسوع المسیح دا جیہڑا ساڈا خُداوند ہے، واسطہ ڈے تے، تے رُوح القُدس دی مُحبت یاد ڈیوا تے تُہاکُوں درخاست کریندا ہاں جو میڈے نال رَل تے خُدا کنُوں میڈے کیتے دُعا ءچ سرگرم رَہو، ‏31 جو میں یہُودیہ دے غیر اِیمانداراں کنُوں بچیا رَہواں۔ تے میڈی خدمت یروشلیم دے مُقدّساں کُوں پسند آوے۔ ‏32 تے خُدا دی مرضی نال تُہاڈے کولھ خوشی نال آ تے آرام نال رَہواں۔ ‏33 خُدا جیہڑا اِطمینان دا سرچشمہ ہے، تُساں ساریاں دے نال ریہے۔ آمین۔