‏2 خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسوع مسیح ءچ پاک کیتے گئے تے مُقدس لوک ہووݨ کیتے سَڈے گئے تے اُنہاں ساریاں دے ناں وی جیہڑے جاہ جاہ یسوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

‏3 ساڈے باپ خُدا تے خُداوند یسوع مسیح دی طرفوں تُہاکُوں فضل تے اِطمینان حاصل تھیندا رَہوے۔

‏4 میں تُہاڈے کیتے ہمیشاں خُدا دا شُکر کریندا ہاں کیوں جو اُونیں یسوع مسیح دے وسیلے نال تُہاڈے اُتے فضل کیتے۔ ‏5 جو تُساں اُونہئی ءچ ہر گالھ یعنی کلام تے علم دی ہر طرحاں دی دولت کنُوں مالا مال تھئے۔ ‏6 چُنانچہ مسیح دے بارے ءچ ساڈی گواہی تُہاڈے ءچ چنگی طرحاں قائم تھی گئی ہے۔ ‏7 ہُنڑ تُساں ساڈے خُداوند یسوع المسیح دے ظہور دے منتظر ہوندے ہوئے کہیں رُوحانی نعمت کنُوں محروم نئیں۔ ‏8 اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسوع المسیح دے ظہور دے ڈینہہ بے اِلزام تھیوو۔ ‏9 خُدا وفادار ہے جئیں تُہاکُوں آپنڑے پوتر، ساڈے خُداوند یسوع مسیح دی شراکت کیتے سَڈیا ہے۔

‏10 بِھراؤ! میں آپنڑے خُداوند یسوع المسیح دے ناں کنُوں تُہاڈی مِنت کریندا ہاں جو تُساں ہِک ڈوجھے نال اِتفاق رکھوتے تُہاڈے ءچ تفرِقے نہ تھیوݨ بلکہ تُساں سارے ہِک دِل تے ہِک رائے تھی تے ہِک مُٹھ رَہو۔ ‏11 میڈے بِھراؤ! خلوئے دے کُجھ گھر آلیاں میکُوں اِطلاع ڈِتی ہے جو تُہاڈے ءچ جھیڑے تھیندے پئے ہِن۔ ‏12 مطلب ایہہ ہے جو تُساں ءچوں کوئی آپنڑے آپ کُوں ”پَولُس دا شاگرد“ آہدھے، کوئی ”اپُلّوس دا“، کوئی ”کیفا دا “تے کوئی” مسیح دا“۔ ‏13 کیا مسیح وَنڈیج گئے؟ کیا پَولُس تُہاڈے کیتے مصلُوب تھئے؟ کیا تُساں پَولُس دے ناں اُتے بپتسمہ گِھدا ہا؟

‏14 میں خُدا دا شُکر کریندا ہاں جو کرِسپُس تے گیُس دےسِوا میں کہیں کُوں بپتسمہ نئیں ڈِتا، ‏15 تے ہُنڑ کوئی ایہہ نئیں آکھ سگدا جو اُنہاں میڈے ناں اُتے بپتسمہ گِھدا۔ ‏16 ہاں ستِفناس دے گھر آلیاں کُوں وی میں بپتسمہ ڈِتے۔ جے کہیں بئے کُوں بپتسمہ ڈِتا ہووے تاں میکُوں یاد نئیں۔ ‏17 کیوں جو مسیح نیں میکُوں بپتسمہ ڈیوݨ نئیں بلکہ خوشخبری سُنڑاوݨ کیتے بھیجیا۔ اوہ وی حکمت آلی تقریر نال نئیں تاں جو یسوع المسیح دی صلیب بے تاثیر نہ تھیوے۔

‏18 کیوں جو ہلاک تھیوݨ آلیاں کیتے تاں صلیب دا پیغام بیوقوفی ہے پَر نجات پاوݨ آلیاں کیتے خُدا دی قُدرت ہے۔ ‏19 کیوں جو لکھیا ہے جو

‏21 کیوں جو خُدا حکمت آلا ہے تے ایہہ فیصلہ کیتا جو دُنیا آلے آپنڑی دانش نال اُونکُوں نہ جاننڑ بلکہ خُدا کُوں ایہہ پسند آیا جو تبلیغ دی بیوقوفی دے وسیلے اِیمان گِھن آوݨ آلیاں کُوں نجات بخشے۔ ‏22 یہُودی نشان چاہندے ہِن تے یُونانی دُنیاوی حکمت دی تلاش کریندے ہِن۔ ‏23 پَر اَساں مصلُوب تھئے مسیح دی تبلیغ کریندے ہیں جیہڑا یہُودیاں دے مطابق ٹھوکر دا با عث ہے تے غیریہُودیاں کیتے بیوقوفی ہے۔ ‏24 پَر خُدا دے سَڈے ہوئے لوکاں کیتے بھانویں اوہ یہُودی ہووݨ یا غیریہُودی، مسیح خُدا دی قُدرت تے اُوندی حکمت ہے۔ ‏25 کیوں جو خُدا دی بیوقوفی آدمیاں دی حکمت کنُوں زیادہ حِکمت آلی ہے تے خُدا دی کمزوری آدمیاں دے زور کنُوں زیادہ زور آور ہے۔

‏26 بِھراؤ! جِیں وَیلے تُساں سَڈے گئے ہَوے تاں تُہاڈے ءچوں بہُوں گَھٹ دُنیا دی نظر ءچ حِکمت آلے، بہُوں گَھٹ اثر رسُوخ آلے تے اعلیٰ خاندان آلے ہَن۔ ‏27 پَر خُدا اُنہاں کُوں چُنڑ گِھدا جیہڑے دُنیا دی نظراں ءچ بیوقوف ہِن تاں جو زور آلیاں کُوں شرمندہ کرے۔ ‏28 خُدا اِیں جہان دے ٹُھکرائے تے دھتکارے ہویاں کُوں بلکہ ناچیزاں کُوں چُنڑ گِھدا تاں جو وَڈے سمجھے وَنجنڑ آلیاں کُوں فنا کرے۔ ‏29 تاں جو کوئی بَشر خُدا دے حضور ءچ فخر نہ کر سگے۔ ‏30 پَر تُساں خُدا دی طرفوں مسیح یسوع ءچ ہِیوے جیہڑا ساڈے کیتے حکمت بنڑیا یعنی راستبازی، پاکیزگی تے مخلصی۔ ‏31 تاں جو جِیویں لکھیا ہے اُونویں ای تھیوے جو