مسیح ِمصلُوب دے بارے ءچ پیغام
2
1 بِھراؤ! جِیں وَیلے میں تُہاڈے کولھ آیا ہم تاں خُدا دے راز دی منادی اعلیٰ درجہ دے خطاب تے حکمت نال کرݨ نہ آیا ہم۔ 2 کیوں جو میں فیصلہ کر گِھدا ہا جو تُہاڈےءچ یسوع المسیح بلکہ مسیح ِ مصلُوب دی تبلیغ دے سِوا کوئی بئی گالھ نہ کریساں۔ 3 تے میں کمزوری تے ڈر دی حالت ءچ کمبدا ہویا تُہاڈے کولھ آیا۔ 4 میڈی تقریر تے میڈی تبلیغ بہُوں سادہ ہئی ۔ہوشیار تے قائل کرݨ آلیاں تقریراں کُوں اِستعمال کرݨ دی بجائے میں صِرف رُوح القُدس دی قوت اُتے بھروسہ کیتا۔ 5 تاں جو تُہاڈا اِیمان اِنسانی حکمت اُتے نئیں بلکہ خُدا دی قُدرت اُتے قائم ہووے۔خُدا دی حکمت
6 اَساں حِکمت دے گالھیں اُنہاں لوکاں کُوں آہدھے ہیں جیہڑے اِیمان ءچ بالغ ہِن، پَر اوہ اِیں جہان دی حکمت نئیں تے نہ ای اِیں جہان دے حاکماں دی جیہڑی فنا تھی ویسی۔ 7 بلکہ اَساں خُدا دی اوہ حکمت پیش کریندے ہیں جیہڑی پہلے راز وانگوں لُکی ہئی، پَر ہُنڑ ظاہر کیتی گئی ہے تے جِینکُوں خُدا اِیں جہان دے شروع کنُوں ای ساڈے جلال کیتے مُقرر کر ڈِتا ہا۔ 8 اِیں جہان دے حاکماں ءچوں کہیں وی اِیں حکمت کُوں نہ سمجھیا۔ جے جاݨ گِھندے تاں جلال دے خُداوند کُوں مصلُوب نہ کریندے۔ 9 پَر جِیویں پاک کلام ءچ لکھیا ہے اُونویں ای ہووے جو
”جیہڑا نہ تاں کہیں اَکھ نیں ڈِٹھا، نہ کہیں کَن نیں سُنڑیا،
نہ کہیں دے خیال ءچ آیا،
اوہ سارے خُدا نیں اُنہاں کیتے تیار کیتے
جیہڑے اُوں نال محبت رکھیندے ہِن۔“
10 پَر اَساں اُتے خُدا نیں اُنہاں کُوں رُوح القُدس دے وسیلے کنُوں ظاہر کیتا، کیوں جو رُوح القُدس ساری گالھ، اِتھوں تئیں جو خُدا دے گہرے راز دے گالھیں وی جانڑدے۔ 11 کیہڑا شخص کہیں ڈوجھے دے دِل دے گالھیں جاݨ سگدے، سِوائے اُوندی آپنڑی رُوح دے جیہڑی اُوندے اندر ہے۔ اِینویں ای خُدا دےرُوح القُدس دے سِوا کوئی اُوندے دِل دے گالھیں نئیں جاݨ سگدا۔ 12 ساکُوں اِیں دُنیا دا رُوح نئیں مِلیا بلکہ خُدا دا رُوح القُدس مِلیا ہے تاں جو اَساں اُنہاں برکتاں کُوں جاݨ سگوں جیہڑیاں ساکُوں خُدا دی طرفوں بخشیاں گئیاں ہِن۔
13 اَساں ایہہ گالھیں اِنسانی حکمت نال سِکھائے ہوئے لفظاں نال نئیں بلکہ رُوح القُدس دے سِکھائے ہوئے لفظاں ءچ بیان کریندے ہیں۔ اَساں رُوحانی لوکاں کُوں رُوحانی گالھیں سمجھیندے ہئیں a۔ 14 پَر نفسانی شخص خُدا دے رُوح دے گالھیں قبول نئیں کریندا، کیوں جو اوہ اُوندی سمجھ ءچ بے وقوفی ہِن تے نہ ای اُنہاں کُوں سمجھ سگدے کیوں جو اوہ فقط رُوح القُدس دے ذریعے سمجھیاں وَیندیاں ہِن۔ 15 جِیندے ءچ رُوح القُدس ہے اوہ سبھ کُجھ پَرکھ گِھندے پَر اوہ خود کہیں کنُوں پَرکھیا نئیں وَیندا جِیویں جو لکھیا ہے
16 ”خُداوند دی عقل کُوں کئیں جانڑیا
جو اُونکُوں صلاح ڈے سگے ؟“
پَر اَساں ءچ مسیح دی عقل ہے۔