‏5 آخر اپُلّوس کیا ہے تے پَولُس کیا ہے؟ ایہہ محض خادم ہِن جِنہاں دے وسیلے تُساں اِیمان گِھن آئے تے جیہڑا کَم خُداوند ساڈے کیتے مُقرر کیتا اَساں اُونکُوں پورا کیتا۔ ‏6 میں بُوٹا لایا، اپُلّوس پانڑی ڈِتا پَر وَدھایا خُدا نیں۔ ‏7 اِیں واسطے نہ لاوݨ آلا کُجھ ہے، نہ پانڑی ڈیوݨ آلا، پَر خُدا سبھ کُجھ ہے جیہڑا اُونکُوں وَدھاوݨ آلا ہے۔ ‏8 لاوݨ آلے تے پانڑی ڈیوݨ آلے ڈوہائیں دا ہِکو مَقصد ہے تے ہر ہِک کُوں آپنڑی محنت دے مطابق اَجر مِلسی۔ ‏9 کیوں جو اَساں خُدا دے کَم کرݨ آلے ہیں۔ تُساں خُدا دی کھیتی ہِیوے

تے تُساں خُدا دا گھر وی ہِیوے۔ ‏10 میں اُوں فضل دے مطابق جیہڑا خُدا نیں میکُوں بخشیا ہے، ہِک ماہرمِستری وانگوں بنیاد رکھی ہے تے کوئی ڈوجھا اُوندے اُتے عمارت کھڑی کریند اپِیا ہے۔ پَر ہر ہِک کُوں خبردار رَہنڑا چاہیدے جو اوہ کیویں عمارت چَیندے۔ ‏11 یسوع مسیح اوہ بُنیاد ہے جیہڑی پہلے کنُوں رکھیج گئی ہے۔ ہُنڑ کوئی شخص ڈوجھی بنیاد نئیں رکھ سگدا۔ ‏12 جے کوئی اِیں بنیاد اُتے عمارت اُسریندے وَیلے سونے، چاندی، بیش قیمت پتھراں، لکڑ، گھاہ یا بُھوں دا ردا رکھیندے ‏13 تاں اُوندے کَم کُوں بھاہ عدالت دے ڈینہہ ظاہر کر ڈیسی کیوں جو بھاہ اُوں کَم کُوں اَزما گِھنسی جو کیجھا ہے۔ ‏14 جئیں کہیں دا تھیّا ہویا کَم بُنیاد اُتے باقی رَہسی، اُونکُوں اَجر مِلسی۔ ‏15 تے جِیندا کَم سَڑ ویسی اوہ نقصان چیسی پَر خود سَڑدے سَڑدے بچ ویسی۔

‏16 کیا تُساں نئیں جانڑدے جو تُساں خُدا دا مَقدِس ہِیوے تےخُدا دا رُوح القُدس تُہاڈے ءچ وَسیا ہویا ہے؟ ‏17 جے کوئی خُدا دے مَقدِس کُوں برباد کریسی تاں خُدا اُونکُوں برباد کریسی کیوں جو خُدا دا مَقدِس پاک ہے تے اوہ تُساں ہِیوے۔

‏18 آپنڑے آپ کُوں فریب نہ ڈیوو۔ جے تُساں ءچوں کوئی آپنڑے آپ کُوں اِیں دُنیا دے معیار دے مطابق حکمت آلا سمجھدا ہے تاں اوہ نادان بنڑے تاں جو سچ مچ دانا بنڑ سگے۔ ‏19 کیوں جو دُنیا جِینکُوں حکمت سمجھدی ہے، اوہ خُدا دی نظر ءچ بیوقوفی ہے، اِیں واسطے لکھیا ہے جو