‏1 اِیں واسطے ساکُوں خُدا دی رحمت کنُوں ایہہ خدمت مِلی ہے تاں اَساں ہِمت نئیں چھوڑیندے۔ ‏2 اَساں شرم دی پوشیدہ گالھیں کُوں چھوڑ ڈِتے، مکاری دی چال نئیں چلدے تے نہ ای خُدا دے کلام ءچ مِلاوٹ کریندے ہئیں، بلکہ جیہڑا حق ہے اُونکُوں ظاہر کر تے خُدا دے حضور ہر شخص دے دِل ءچ آپنڑے آپ کُوں نیک ظاہر کریندے ہئیں۔ ‏3 جے اوہ خوشخبری جِیندی اَساں تبلیغ کریندے ہئیں، ہُنڑ وی پوشیدہ ہے تاں فقط ہلاک تھیوݨ آلیاں کیتے ای پوشیدہ ہے۔ ‏4 اِیں جہان دے خُدا یعنی شیطان نیں غیر ایمانداراں دی عقل کُوں اَندھا کر ڈِتے تاں جو مسیح جیہڑا خُدا دی صورت اُتے ہے، اُوندے جلال دی خُوشخبری دا نُور اُنہاں اُتے نہ پووے۔ ‏5 کیوں جو اَساں آپنڑی نئیں بلکہ مسیح یسوع دی تبلیغ کریندے ہئیں جو اُوہو خُداوند ہے، تے آپنڑے بارے ءچ ایہہ آہدھے ہئیں جو یسوع دی خاطر تُہاڈے غُلام ہئیں۔ ‏6 کیوں جو خُدا ای ہے جئیں فرمایا جو ”اندھارے ءچوں نُور چمکے“ تے اُوہو ساڈے دِلاں ءچ چمکیا تاں جو اَساں خُدا دے جلال دے نُور کُوں پچھاݨ سگوں جیہڑا مسیح دے چہرے کنُوں ظاہر تھیّا ہے۔

بس اَساں وی اِیمان گِھن آئے تے اِیں وجہ تُوں بولیندے ہئیں۔ ‏14 کیوں جو اَساں جانڑدے ہئیں جو جِیں نیں خُداوند یسوع کُوں مُردیاں ءچوں زندہ کیتے اوہ ساکُوں وی یسوع دےوسیلے زندہ کریسی، تے تُہاڈے نال آپنڑے سامنڑے حاضر کریسی۔ ‏15 ایہہ سبھ کُجھ تُہاڈے فائدے کیتے ہے ^b تاں جو بہُوں سارے لوک فضل پا تے خُدا دے جلال کیتے شُکر گُزاری ءچ وَدھارا کرݨ۔