‏3 اَساں کہیں وی گالھ ءچ ٹھوکر دا سبب نئیں بنڑدے تاں جو ساڈی اِیں خدمت اُتے کوئی شکایت نہ آوے۔ ‏4 بلکہ ہر گالھ کنُوں ایہہ ظاہر کریندے ہیں جو اَساں خُدا دے خادم ہئیں یعنی بہُوں صبر نال، مُصیبت ءچ ، مشکلات ءچ، تنگی ءچ ، ‏5 کوڑےکھاوݨ ءچ،قید ءچ، فتنہ فساد دا سامنڑا کر تے، مُشقت کرتے، آپنڑے نیندراں حرام کرݨ نال، فاقیاں نال، ‏6 پاکیزگی نال، علم نال، تحمل نال، مہربانی نال، رُوح القُدس نال، بے ریا مُحبت نال۔ ‏7 حق دے کلام نال، خُدا دی قُدرت نال، راستبازی دے ہتھیاریاں نال جیہڑے ساڈے سجے کھبے ہَتھاں ءچ ہِن، ‏8 عزت تے بے عزتیءچ ، بدنامی تے نیک نامی ءچ۔ دھوکے بازاں وانگوں سمجھیا وَیندے، وَل وی اَساں سچے ہئیں۔ ‏9 گمناماں وانگوں ہئیں وَل وی مشہور ہئیں، مَرݨ آلے ہئیں پَر ڈیکھو وَل وی زندہ ہئیں۔ مار کھاندے رَہندے ہئیں پَر جان کنُوں نئیں مَردے۔ ‏10 ڈُکھی ہئیں پَر ہمیشاں خوش رَہندے ہئیں۔ کنگال ہئیں پَر بہُوں ساریاں کُوں دولت مند بنڑا ڈیندے ہئیں۔ مسکین ہئیں پَر سبھ کُجھ رکھیندے ہئیں۔

‏11 اے کُرِنتھیو! اَساں تُہاڈے نال کُھل تے گالھیں کریندے ہئیں تے ساڈا دِل وَڈا تھی گئے۔ ‏12 اَساں تُہاڈے کیتے تنگ دِل نئیں، تنگ دِلی تاں تُساں لوکاں ءچ ہے۔ ‏13 میں تُہاکُوں آپنڑیں اولاد جاݨ تے ایہہ آہدھا ہاں جو تُساں وی ساڈے کیتے وَڈے دِل آلے تھی وَنجو۔

‏14 غیر ایمانداراں دے نال ہِک جُوئے ءچ جُت تے زِندگی نہ گزارو کیوں جو راستبازی تے بے دینی ءچ کیا شراکت ؟ یا سوجھلے تے اَندھارے ءچ کیا تعلق؟ ‏15 مسیح دا ابلیس ^a نال کیا جوڑ ؟ یا اِیماندار دا غیر ایماندار نال کیا واسطہ ؟ ‏16 خُدا دے مَقدِس دا بُتاں نال کیا واسطہ؟ کیوں جو اَساں زندہ خُدا دا مَقدِس ہئیں۔ چُنانچہ خُدا نیں فرمایا ہے جو