‏1 جیہڑی خدمت مُقدّساں دی خاطر کیتی وَیندی ہے، میڈا اُوندے بارے ءچ لکھنڑ ضروری نئیں۔ ‏2 کیوں جو میں تُہاڈے دِلی شوق کُوں جانڑدا ہاں جِیندے سببّوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ میں اُنہاں کُوں ڈسایا جو اَخیہ دے لوک پچھلے سال کنُوں تیار ہَن۔ تُہاڈے اِیں جوش نیں بہُوں ساریاں کُوں اُبھاریا۔ ‏3 پَر میں اِنہاں بِھراواں کُوں اِیں واسطے بھیجیندا پِیا ہاں جو اِیندے بارےءچ تُساں اُتے ساڈا فخر بے بنیاد نہ تھیوے بلکہ جِیویں میں آکھیا، تُساں بالکل اُونویں ای تیار رَہو۔ ‏4 اِینویں نہ تھیوے جو مَکِدُنیہ دے کُجھ لوک میڈے نال آوݨ تے تُہاکُوں تیار نہ پاوݨ، تے تُہاڈی اُوں تعریف دی وجہ کنُوں جیہڑی اَساں کیتی ہے تُہاڈے نال ساکُوں وی اُوں بھروسے دےسببّوں شرمندہ تھیونڑا پووے۔ ‏5 اِیں واسطے میں بِھراواں کُوں ایہہ درخاست کرݨ بہُوں ضروری سمجھیا جو اوہ میں کنُوں پہلے تُہاڈے کولھ پُج وَنجنڑ تے اوہ ہدیہ جیہڑا تُساں ڈیوݨ دا وعدہ کیتے، وقت کنُوں پہلے تیار رکھنڑ تاں جو اوہ خوشی نال ڈِتا ہویا ہدیہ معلوم تھیوے نہ جو ایجھی رقم جیہڑی زبردستی جمع کیتی ہووے۔

‏10 اوہ جیہڑا رہاوݨ آلے کُوں بیج تے کھاوݨ آلے کُوں روٹی ڈیندے، اُوہو تُہاکُوں بیج ڈیسی تے تُہاڈے بیج کُوں ترقی ڈیسی بلکہ تُہاڈی راستبازی دے پَھلاں کُوں وَدھیسی۔ ‏11 تے تُساں ہر طرفوں مالا مال تھی تے ہر طرحاں سخاوت کریسو جیہڑی ساڈے وسیلہ نال خُدا دی شُکر گُزاری دا سبب بنڑدی ہے۔ ‏12 کیوں جو تُہاڈی اِیں خدمت دے سببّوں نہ فقط مُقدساں دیاں ضرورتاں پوریاں تھیندیاں ہِن بلکہ بہُوں سارے لوکاں دی طرفوں خُدا دی شُکر گُزاری ادا کیتی وَیندی ہے۔ ‏13 اِیں واسطے جو تُہاڈی نیت جیہڑی اِیں خدمت کنُوں ثابت تھئی، اُوندے سببّوں اوہ خُدا دی تعریف کریندے ہِن جو تُساں مسیح دی خوشخبری دا اِقرار کر تے اُوندے اُتے تابع داری نال عمل کریندے ہِیوے تےاُنہاں دی تے سبھ لوکاں دی مدد کرݨ ءچ بہُوں سخاوت کریندے ہِیوے۔ ‏14 تے اوہ تُہاڈے کیتے دُعا کریندے ہِن تے تُہاڈے مُشتاق ہِن کیوں جو تُہاڈے اُتے خُدا دا بہُوں فضل ہے۔ ‏15 شُکر خُدا دا اُوندی اُوں بخشش اُتے جِینکُوں لفظاں ءچ ڈساوݨ ممکن نئیں۔