‏7 تُساں ظاہری چیزاں اُتے غور کریندے ہِیوے۔ جے کہیں کُوں آپنڑے آپ اُتے ایہہ بھروسہ ہے جو اوہ مسیح دا ہے تاں اُونکُوں ایہہ وی سوچ گِھننڑاں چاہیدے جو جِیویں اوہ مسیح دا ہے اُونویں ای اَساں وی ہئیں۔ ‏8 کیوں جوجے میں آپنڑے اُوں اِختیار اُتےکُجھ زیادہ فخروی کراں، جیہڑا خُداوند نیں ساکُوں تُہاڈی ترقی کیتے ڈِتے نہ جو وِگاڑن کیتے، تاں اِیندے کیتے میں شرمندہ نہ تھیساں۔ ‏9 میں ایہہ اِیں واسطے آہدھا ہاں جو خطاں دے ذریعے تُہاکُوں ڈراوݨ آلا نہ سمجھیا وَنجاں، ‏10 کیوں جو کُجھ تاں آہدھے ہِن جو ”پَولُس دے خط تاں بہُوں کارآمد تے زبردست ہِن پَر جِیں وَیلے اوہ خُود موجود ہوندا ہے تاں کمزور جِیہا لگدے تےاُوندی تقریر بے ڈھنگی ہوندی ہے۔“ ‏11 اِینویں آکھنڑ آلیاں کُوں معلوم ہووے جو جِیویں اَساں آپنڑی غیر حاضری ءچ خط لکھدےہئیں اُونویں ای اَساں اُتھاں آ تے عمل وی کریسوں۔

‏12 کیوں جو ساڈی جرأت نئیں جو اَساں آپنڑے آپ کُوں اُنہاں ءچ شمار کروں یا اُنہاں نال آپنڑا مُقابلہ کروں جیہڑے ہمیشاں آپنڑے ای مُنہ کنُوں آپنڑی تعریف کریندے ہِن۔ اوہ آپس ءچ ہِک بئے کُوں آپنڑے نال پرکھدے ہِن تے آپس ءچ ہِک بئے دے نال موازنہ کریندے ہِن، اوہ نادان ہِن۔ ‏13 پَر اَساں مناسبت تُوں زیادہ فخر نہ کریسوں بلکہ اُوں خدمت دی حدود دے مطابق جیہڑی خُدا نیں ساکُوں بخشی ہے، جِیندے ءچ تُساں وی آ گئے ہِیوے۔ ‏14 کیوں جو اَساں آپنڑے آپ کُوں حد کنُوں زیادہ نئیں وَدھیندے جِیویں تُہاڈے تئیں نہ پُجنڑ دی صورت ءچ ہوندا بلکہ اَساں مسیح دی خوشخبری ڈیندے ہوئے تُہاڈے تئیں پُج گئے ہاسے۔ ‏15 تے اَساں بئے دی محنت اُتے فخر نئیں کریندےبلکہ اُمید رکھیندے ہئیں جو جِیں وَیلے تُہاڈے اِیمان ءچ ترقی تھیوے تاں تُہاڈے ذریعے ساڈی خدمت دی حد مزید وی وَدھے۔ ‏16 تاں جو اَساں تُہاڈے علاقہ کنُوں پَرے وی خوشخبری سُنڑا سگوں۔ ایہہ نئیں جو کہیں ڈوجھے دے کَم اُتے فخر کروں۔

‏17 غرض