‏6 کیوں جو تُساں پوتر ہِیوے اِیں واسطے خُدا نیں آپنڑے پوتر دا رُوح القُدس ساڈے دِلاں ءچ بھیجیا تے اوہ ”ابّا“ یعنی ”اے باپ“ آکھ تے سَڈیندا ہے۔ ‏7 بس ہُنڑ تُساں غلام نئیں ریہے بلکہ پوتر بنڑ گئے ہِیوے ،تے جے پوتر تھئے تاں خُدا دے وسیلے نال وارث وی تھئے۔

‏8 اِیں تُوں پہلے تُساں خُدا تُوں واقف نہ ہووݨ دی وجہ نال ایجھے معبوداں دے غلام ہَوے جیہڑے خُدا نہ ہَن۔ ‏9 پَر ہُنڑ جِیں وَیلے تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس وَیندے پئے ہِیوے؟ کیا وَلا کنُوں اُنہاں دی غلامی ءچ زندگی گُزارنڑا چاہندے ہِیوے؟ ‏10 تُساں ڈینہاں، مہینیاں، وقتاں تے سالاں کُوں مَنیندے ہِیوے۔ ‏11 میکُوں ڈر ہے جو جیہڑی محنت میں تُساں اُتے کیتی ہے، کِتھائیں اوہ بے فائدہ نہ تھی وَنجے۔

‏12 بِھراؤ! میں تُہاڈی مِنت کریندا ہاں جو میڈے وانگوں بنڑو جِیویں میں وی پہلے تُہاڈے وانگوں بنڑیا ہم ^a ۔تُساں میڈا کُجھ نقصان نئیں کِیتا۔ ‏13 تُہاکُوں یاد ہوسی جو میں پہلی دفعہ بیماری دی حالت ءچ تہاکُوں خُوشخبری سُنڑائی ہئی۔ ‏14 ایہہ جِسمانی حالت تُہاڈی اَزمائش دا باعث ہئی ،پَر تُساں نہ تاں میکُوں حقیر جانڑیا تے نہ ای میڈے نال نفرت کیتی تے میکُوں خُدا دے فرشتہ وانگُوں بلکہ مسیح یسوع دے وانگوں قبول کیتا۔ ‏15 ہُنڑ تُہاڈی اوہ خوشی کِتھاں گئی؟ کیوں جو میں تاں تُہاڈا گواہ ہاں جو جے ممکن ہوندا تاں تُساں آپنڑے اَکھیں وی کَڈھ تے میکُوں ڈے ڈیندے۔ ‏16 کیا تُہاڈے نال سچ بولنڑ دی وجہ کنُوں میں تُہاڈا دُشمنڑ بنڑ گِیا ہاں ^b؟

‏17 اوہ لوک تُہاکُوں آپنڑا دوست بنڑاوݨ دی کوشش تاں کریندے ہِن پَر اُنہاں دی نیت صاف نئیں بلکہ اوہ تُہاکُوں میڈے تُوں جُدا کراونڑا چاہندے ہِن تاں جو تُساں اُنہاں دے ای بنڑے رَہو۔ ‏18 پَر ایہہ چنگا ہے جو نیک نیتی نال تُہاکُوں آپنڑا دوست بنڑاوݨ دی ہر وقت کوشش کیتی وَنجےنہ فقط اُوں وقت جِیں وَیلے میں اُتھاں تُہاڈے کولھ موجود ہوندا ہاں۔ ‏19 میڈے بالو! تُہاڈے کیتے میکُوں وَلا کنُوں جاوݨوانگوں دے درد لگے پئے ہِن جئیں تئیں جو مسیح دی صورت تُہاڈے ءچ قائم نہ تھی وَنجے۔ ‏20 میڈا دِل چاہندے جو ہُنڑ تُہاڈے کولھ موجود ہوواں تے بئے طریقے نال بولاں کیوں جو میں تُہاڈے بارے ءچ بہُوں شک ءچ ہاں۔

‏21 میکُوں ڈساؤ! تُساں جیہڑے شریعت دے ماتحت تھیوݨ چاہندے ہِیوے، کیا شریعت دے گالھیں نئیں سُنڑدے؟ ‏22 اُوندے ءچ لکھیا ہے جو ابرہام دے ڈو پوتر ہَن، ہِک غلام عورت کنُوں، ڈوجھا آزاد کنُوں۔ ‏23 جیہڑا غلام عورت دا پوتر ہا اوہ عام طور تے پیدا تھیّا پَر آزاد دا پوتر خُدا دے وعدے دے مطابق پیدا تھیّا۔ ‏24 اِنہاں گالھیں ءچ تمثیل ہے جو ایہہ عورتاں جِیویں جو ڈو عہد ہِن۔ ہِک کوہ ِ سینا اُتے دا عہد جِیندے نال غلام ای پیدا تھیندے ہِن تے اوہ ہاجرہ ہے۔ ‏25 تے ہاجرہ عرب دا کوہ ِ سینا تے موجودہ یروشلیم دو اِشارہ ہے کیوں جو یروشلیم آپنڑے اُنہاں چھوہراں سمیت غلامی ءچ ہے۔ ‏26 پَر اَسمانی یروشلیم ^cآزاد ہے تے اُوہو ساڈی ماں ہے۔ ‏27 کیوں جو کلام ءچ لکھیا ہے جو