پَولُس رسُول ایہہ خط فِلپی شہر دی کلیسیا کُوں غالباً ٦٠ ـ ٦٤ عیسوی دے دوران لکھیا ہا۔ اُوں وقت اُنہاں روم ءچ نظر بند ہَن ۔فِلپی مَکِدُنیہ (یُونان ) دا ڈوجھا وَڈا شہر ہا تے تجارت دا مرکز ہا، پَولُس آپنڑے تبلیغی دورے اُتے فِلپی ءچ آئے۔ اِتھاں اوہ گرفتار تھئے تے قی دءچ وی ریہے۔ ایہہ یورپ دا پہلا شہر ہا جِتھاں اُنہاں اِنجیل دی بشارت سُنڑائی تےکلیسیا قائم کیتی۔( ڈیکھو اعمال ١١ :١٦ ـ ٤٠ ) ۔

پَولُس فِلپی دی کلیسیا دی ترقی اُتے بہُوں خوش ہَن۔ ایہہ کلیسیا وَڈی وفادار ہئی تے تُہاڈا بہُوں احترام کریندی ہئی۔ اِیں کلیسیا آپنڑے ہِک معتبر رُکن اِپفُردِتس دے ذریعے پَولُس کُوں اُنہاں دی ضرورت دے پیش ِ نظر مالی امداد بھیجی ہئی۔ ایہہ خط کلیسیا دا شُکریہ کرݨ دی غرض نال لکھیا گِیا ہا۔ (١٤ : ٤ ـ ١٨ ) ۔ اِپفُردِتس پَولُس دے ہم خدمت ہَن تے تُہاڈے کَٹھے رہ چُکے ہَن۔

پَولُس دا ایہہ خط خوشی، مُحبت تے رُوحانی حقائق کنُوں بھریا پِیا ہے۔ اِیندے مطالعہ نال پتا چلدا ہے جو پَولُس کُوں فِلپی دی کلیسیا اُتے بہُوں فخر ہا۔ اوہ اُنہاں دے اِیمان دی مضبوطی کنُوں بہُوں مطمئن ہَن۔ اوہ مسیحی مومنین دی ہِمت وَدھیندن تے اُنہاں کُوں نصیحت کریندے ہَن جو اوہ ہر حال ءچ خوش رَہنڑ سِکھنڑ، راستبازی ءچ ترقی کرݨ تے سارے گالھیں ءچ نمونہ اُتے چلو تے ایجھے لوکاں کنُوں خبردار رَہوݨ جیہڑے شریعت تے کھوکھلی مذہبی رسماں دی اَندھے مُنہ پیروی کرݨ اُتے زور دیندے ہَن۔

پَولُس رسُول کلیسیا کُوں دسیندے ہَن جو مسیح دی پیروی کرݨ آلیاں دے فرائض کیا ہَن تے اُنہاں کُوں خوشی، اعتماد، اتحاد، اِتفاق تے مسیحی اِیمان ءچ مضبوط رہ تے زندگی گُزارنڑی چاہیدی ہے تے ایہہ خط تُہاڈی فِلپی دی کلیسیا دے نال سچی مُحبت کُوں ظاہر کریندا ہے۔