‏3 مسیح یسوع دے چنگے سپاہی وانگوں ڈُکھ سَہنڑ ءچ شریک تھی۔ ‏4 کوئی سپاہی آپنڑے آپ کُوں دُنیا دے معاملیاں ءچ نئیں پھسیندا کیوں جو اوہ بھرتی کرݨ آلے کُوں خوش کرݨ چاہندا ہے۔ ‏5 اُونویں ای جے کوئی پہلوان اصُولاں دے مطابق مُقابلہ نئیں کریندا تاں اُونکُوں جیت دا سہرا نئیں مِلدا۔ ‏6 جیہڑا کِسان سخت محنت کریندا ہے، پہلے اُونکُوں پیداوار دا حصہ مِلنڑا چاہیدا ہے۔ ‏7 اِنہاں گالھیں اُتے جیہڑیاں میں آہدھا ہاں غور کر کیوں جو خُداوند تیکُوں اِنہاں سارے گالھیں دی سمجھ عطا کریسی۔

‏8 یسوع مسیح کُوں یاد رکھ جیہڑا داؤد دی نسل کنُوں ہے تے مُردیاں ءچوں زندہ تھی گِیا ہے۔ اِیہو اوہ خوشخبری ہے جیہڑی میں سُنڑیندا ہاں۔ ‏9 اِیں خوشخبری کیتے میں ڈُکھ چَیندا ہاں بلکہ مُجرم وانگوں قید ءچ ہاں، پَر خُدا دا کلام کہیں قید ءچ نئیں۔ ‏10 اِیں واسطے میں خُدا دے چُنڑے ہوئے لوکاں دی خاطر ڈُکھ سَہندا ہاں تاں جو اوہ وی اُوں نجات کُوں جیہڑی مسیح یسوع دے ذریعے مِلدی ہے، اَبدی جلال سمیت حاصل کرݨ۔ ‏11 ایہہ گالھ سچ ہے جو

‏14 ایہہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیندے نال کُجھ حاصل نئیں تھیندا بلکہ سُننڑ آلے وِگڑ وَیندے ہِن۔ ‏15 کوشش کرتے خُدا دے سامنڑے آپنڑے آپ کُوں ہِک مقبول تے ایجھا کَم کرݨ آلا ثابت کر جِینکُوں شرمندہ نہ تھیونڑا پووے تے جیہڑا حق دے کلام کُوں ٹھیک طرحاں سکھیندا ہووے۔ ‏16 بے ہُودہ بکواس کنُوں بچ کیوں جو اِیندے نال لوکاں ءچ زیادہ بے دینی کِھنڈ وَیسی۔ ‏17 تے اُنہاں دا کلام کینسر وانگوں کِھنڈدا وَیسی۔ ہُمِنِیُس تے فِلیتُس ایجھے ای لوکاں ءچوں ہِن۔ ‏18 اوہ ایہہ آہدھے ہِن جو قیامت تھی گئی ہے تے اِینویں اوہ حق کنُوں گُمراہ تھی تے کُجھ لوکاں دا اِیمان خراب کریندے پئے ہِن۔ ‏19 وَل وی خُدا دی مضبوط بُنیاد قائم رَہندی ہے تے اُوندے اُتے اِنہاں گالھیں دی مُہر تھی گئی ہے جو

‏20 ہِک وَڈے گھر ءچ نہ فقط سونے چاندی دے تھاں ہوندے ہِن بلکہ لَکڑ تے مِٹی دے وی ہوندے ہِن۔ کُجھ عزت آلے کم کِیتے تے کُجھ عام کم کیتے۔ ‏21 بس جے کوئی آپنڑے آپ کُوں اِنہاں بے ہُودہ گالھیں کنُوں پاک صاف رکھیسی تاں اوہ عزت کیتے استعمال تھیوݨ آلے تھاں وانگوں بنڑسی، مُقدس ہوسی، آپنڑے مالک دے کَم آسی تے ہر نیک کَم کیتے تیار تھیسی۔

‏22 جوانی دی بُری خواہشاں کنُوں بھج۔ جیہڑے لوک پاک دِل نال خُداوند کنُوں دُعا کریندے ہِن اُنہاں دے نال رَل تے راستبازی، اِیمان، محبت تے صُلح دا طالب تھی۔ ‏23 بے وقوفی تے نادانی دی تکرار کنُوں دُور رہ کیوں جو تُوں جانڑدا ہئیں جو اِنہاں نال جھیڑے تھیندے ہِن۔ ‏24 تے خُداوند دے خادم کُوں جھیڑا نئیں کرنڑا چاہیدا بلکہ اوہ ساریاں دے نال نرمی نال پیش آوے، تعلیم ڈیوݨ دے لائق تے برداشت کرݨ آلا ہووے۔ ‏25 آپنڑے مُخالفاں کُوں حلیمی نال سمجھاوے۔ شاید خُدا اُنہاں کُوں توبہ دی توفیق ڈیوے تے اوہ حق کُوں پچھاݨ گِھننڑ۔ ‏26 وَل اوہ ہوش ءچ آسن تے اِبلیس دے پھندے کنُوں چُھٹ ویسن جِتھاں اوہ اُوندے تابع رَہوݨ کیتے رکھے گئے ہَن۔