‏1 اِیں واسطے اے میڈے پاک بِھراؤ، تُساں جیہڑے اَسمانی دعوت^aءچ شریک ہِیوے، یسُوع اُتے غور کرو جیہڑا رسُول تے سردار کاہِن ہے تے جِیندا اَساں اِقرار کریندے ہئیں۔ ‏2 جِیویں موسیٰ خُدا دے گھر ءچ دیانتدار ہا، اُونویں ای یسُوع آپنڑے مُقرر کرݨ آلے دے حق ءچ دیانتدار ہا۔ ‏3 پَرجیویں گھر دا بنڑاوݨ آلا گھر کنُوں زیادہ عزت دے لائق سمجھیا وَیندے، اُونویں ای یسوع وی موسیٰ کنُوں زیادہ عزت دے لائق ہے۔ ‏4 ہر گھر دا کوئی نہ کوئی بنڑاوݨ آلا لازمی ہوندے، پَر ساریاں چیزاں دا بنڑاوݨ آلا خُدا ہے۔ ‏5 موسیٰ تاں خادم ہووݨ دی حیثیت نال خُدا دے سارے گھر ءچ دیانتدار ریہا تاں جو اُنہاں گالھیں دی گواہی ڈیوے جیہڑیاں خُدا آئندہ بیان کرݨ آلا ہے^b ۔ ‏6 پَر مسیح پوتر ہووݨ دی حیثیت نال خُدا دے گھر دا مختار ہے۔ تے اُوندے گھر آلے اَساں ہئیں پَر شرط ایہہ ہے جو اَساں اُوں دلیری تے اُمید کُوں مضبوطی نال قائم رکھوں جِیندے اُتے اَساں فخر کریندے ہئیں۔