‏5 اِینویں ای مسیح نیں وی سردار کاہِن تھیوݨ دی عزت خود ای آپنڑے آپ نئیں گِھدی بلکہ خُدا نیں اُونکُوں فرمائے جو

‏7 جیں ویلے یسوع اِیں دُنیا ءچ ہا، اُونیں خُدا کنُوں جیہڑا اُونکُوں مَوت کنُوں بچا سگدا ہا، اُچی آواز ءچ تے ہَنجو وَہا وَہا تے دُعاواں تے فریاداں کیتیاں۔ تے خُدا ترسی دے سببّوں اُوندی سُنڑی گئی۔ ‏8 پوتر ہووݨ دے باوجود اُونیں ڈُکھ چا چا تے تابعداری سِکھی ^a۔ ‏9 اِیں طرحاں کامل بننڑ تُوں بعداوہ اُنہاں ساریاں کیتے اَبدی نجات دا باعث بنڑیا جیہڑے اُوندی تابعداری کریندے ہَن۔ ‏10 تے اُونکُوں خُدا دی طرفوں مَلک ِ صِدق وانگوں سردار کاہِن دا خطاب ڈِتا گِیا۔

‏11 اِیندے متعلق ساکُوں بہُوں کُجھ آکھنڑا ہے پَر تُہاکُوں سمجھاونڑا اَوکھا ہے، اِیں واسطے جو تُساں ڈورے تھی گئے ہِیوے۔ ‏12 وقت دے حساب نال تاں ہُنڑ تئیں تُہاکُوں اُستاد بنڑ وَنجنڑا چاہیدا ہا پَر ہُنڑ وی لوڑ تاں اِیں گالھ دی ہے جو کوئی شخص خُدا دے کلام دے بنیادی اصُولاں کُوں وَلا سِکھاوے۔ تُہاکُوں سخت غذا دی نئیں بلکہ کھِیر پیوݨ دی لوڑ پئے گئی ہے۔ ‏13 جیہڑا کھِیر پِیندے، اوہ بال ہوندے۔ ایں واسطے جو اوہ راستبازی دی تعلیم کنُوں ناواقف ہوندا ہے۔ ‏14 پَر سخت غذا جواناں کیتے ہوندی ہے جیہڑے تربیت پا تے اِیں قابل تھی گئے ہِن جو نیکی تے بُرائی ءچ فرق کر سگنڑ۔