‏4 ہُنڑ غور کرو جو ایہہ کیجھی بزُرگ ہستی ہئی، جِینکُوں ساڈے قوم دے بزُرگ ابرہام نیں مال ِ غنیمت دا ڈاہواں حصہ ڈِتا۔ ‏5 اوہ جیہڑے بنی لاوی ءچوں کاہِن مُقرر کیتے وَیندے ہِن، اُنہاں کُوں حُکم ڈِتا گِیا ہے جو اوہ آپنڑی اُمت یعنی آپنڑے بِھرانواں کنُوں شریعت دے مطابق ڈاہواں حصہ گِھننڑ ،بھانویں جو اوہ وی ابرہام دی نسل ءچوں ہِن۔ ‏6 پَر مَلک ِصِدق دا تعلق لاوی قبیلے ءچوں نئیں ہے وَل وی اُونیں ابرہام کنُوں ڈاہواں حصہ گِھدا، تے ابرہام کُوں جِیندے نال وعدے کیتے گئے ہَن، برکت ڈِتی۔ ‏7 تے بے شک چھوٹا وَڈے کنُوں برکت گِھندے۔ ‏8 اِتھاں تاں ڈاہواں حصہ گِھننڑ آلے فانی اِنسان ہِن پَر اُتھاں ڈاہواں حصہ گِھننڑ آلا مَلک ِصِدق ہے جِیندے بارے ءچ ایہہ گواہی ڈِتی وِیندی ہے جو اوہ زندہ ہے۔ ‏9 بلکہ اَساں آکھ سگدے ہئیں جو ڈاہواں حصہ گِھننڑ آلی لاوی قوم نیں ابرہام دے وسیلے نال ڈاہواں حصہ ڈِتا، ‏10 کیوں جو جِیں ویلے مَلک ِ صِدق نیں ابرہام دا اِستقبال کیتا ہئی تاں لاوی قوم اُوں وقت آپنڑے پِیُو ڈاڈے دے جِسم ءچ ہئی۔

‏11 جیکر بنی لاوی دی کہانت جِیندے نال اُمت کُوں شریعت عطا کیتی گئی ہئی، لوکاں کُوں کامِل بنڑا سگدی تاں وَل ڈوجھے کاہِن دی کیا لوڑ ہئی جیہڑا ہارُون آلی کارنہ ہووے بلکہ مَلک ِ صِدق آلی کارہووے؟ ‏12 کیوں جو جِیں وَیلے کہانت بدل گئی تاں شریعت دا بدل وَنجنڑ وی لازمی ہے۔ ‏13 خُداوند یسوع جِیندے مُتعلق ایہہ گالھیں آکھیاں وَیندیاں ہِن، اوہ ہِک ڈوجھے قبیلے کنُوں ہا تے اُوں قبیلے دے کہیں فرد نیں کَڈھائیں قُربان گاہ دی خدمت نہ کیتی ہئی۔ ‏14 کیوں جو ایہہ ظاہر ہے جو ساڈا خُداوند یہُوداہ دی نسل کنُوں ہا تے موسیٰ نیں اِیں قومءچوں کاہِن ہووݨ دا کوئی ذِکر نئیں کیتا۔

‏15 کہانت دی ایہہ تبدیلی بِیا وی واضح تھی وَیندی ہے جِیں وَیلے مَلک ِ صِدق دے وانگوں ہِک بِیا کاہِن ظاہر تھیّا ہے، ‏16 جیہڑا شریعت دے تقاضے دے مطابق لاوی قوم آلا ہووݨ دی وجہ کنُوں نئیں بلکہ غیر فانی زندگی دی قُدرت دی وجہ کنُوں مُقرر تھیّا ہووے۔ ‏17 کیوں جو اُوندے حق ءچ ایہہ گواہی ڈِتی گئی ہے جو

‏20 تے ڈوجھی گالھ ایہہ ہے جومسیح قَسم دے نال خدا دی طرفوں کاہِن مُقرر کیتا گِیا ہا پَر ڈوجھے کاہِن تاں قَسم دے بغیر مُقرر تھئے۔ ‏21 پَر مسیح قَسم دے نال کاہن بنڑ گیا، جِیں ویلے اُونکُوں فرمایا گِیا جو

‏23 تَریجھی گالھ ایہہ ہے جو پہلے کاہِن بہُوں ہوندے ہَن کیوں جو اوہ مَوت دے بعد قائم نہ رہ سگدے ہَن۔ ‏24 پَر یسوع ہمیشاں تئیں قائم رَہنڑ آلا ہے، ایِں واسطے اُوندی کہانت لازوال ہے۔ ‏25 بس جیہڑے لوک یسوع دے وسیلے نال خُدا دے کولھ آندے ہِن، اوہ اُنہاں کُوں پوری پوری نجات ڈے سگدے کیوں جو اوہ اُنہاں دی شفاعت کرݨ کیتے ہمیشاں زندہ ہے۔

‏26 ساکُوں ایجھے ای سردار کاہِن دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اَسمان کنُوں وی اُچا کیتا گِیا ہووے۔ ‏27 اوہ ڈوجھے سردار کاہِناں وانگوں نہ ہووے جِنہاں کُوں پہلے آپنڑے گُناہاں کیتے تے وَل آپنڑے لوکاں دے گُناہاں کیتےہر روز قُربانیاں چڑھاوݨ دی لوڑ ہوندی ہے۔ یسوع نیں تاں آپنڑے آپ کُوں قُربان کر تے ہِکو واری ایجھی قُربانی پیش کیتی جیہڑی ہمیشاں کیتے کافی ہے۔ ‏28 شریعت تاں کمزور آدمیاں کُوں سردار کاہِن مُقرر کریندی ہے پَر شریعت دے بعد خُدا نیں قَسم کھا تے آپنڑے پوتر کُوں مُقرر کیتا جیہڑا ہمیشاں تئیں کامل ہے۔