‏5 اِیں واسطے جِیں وَیلے مسیح دُنیا ءچ آیا تاں اُونیں خُدا کُوں آکھیا جو

‏8 پہلے تاں اوہ فرمیندے جو " تَیں قُربانیاں، نذرانے، ساڑے وَنجنڑ آلیاں قُربانیاں تے گُناہ تُوں پاک کرݨ آلیاں قُربانیاں کُوں پسند نہ کیتا تے نہ اُنہاں کنُوں خوش تھیّا۔" حالانکہ اوہ قُربانیاں شریعت دے مُطابق کیتیاں وَیندیاں ہِن۔ ‏9 تے وَل آہدھے جو "ڈیکھ میں حاضر ہاں، تاں جو میں تیڈی مَرضی پوری کراں۔" اِینویں اوہ پہلی قُربانی کُوں ختم کریندے تاں جو ڈوجھی کُوں قائم کرے۔ ‏10 خُدا دی مَرضی دا نتیجہ ایہہ ہے جو اَساں یسوع مسیح دے جِسم دے ہِکو واری قُربان تھیوݨ دے وسیلے نال پاک کر ڈتے گئے ہئیں۔

‏11 ہر کاہِن روزانہ مقدِس ءچ کھڑا تھی تے آپنڑی خِدمت انجام ڈیندے، تے اُوہو قُربانیاں وَلا وَلا پیش کریندے جیہڑیاں گُناہاں کُوں کَڈھائیں مِٹا نئیں کر سگدیاں۔ ‏12 پَر مسیح نیں گُناہاں کُوں مِٹاوݨ کیتے ہِکو قُربانی ہمیشاں کیتے پیش کیتی تے خُدا دے سَجے پاسُوں وَنج بیٹھا۔ ‏13 اوہ اُوں وقت کنُوں مُنتظر ہے جو اُوندے دُشمنڑ اُوندے پِیراں دی چوکی بنڑ وَنجنڑ۔ ‏14 کیوں جو اُونیں پاک تھیوݨ آلیاں کُوں ہِکو قُربانی نال ہمیشاں تئیں کامِل کر ڈِتا۔

‏15 رُوح القُدس وی ساکُوں اِیں گالھ دی گواہی ایہہ آکھ تے ڈیندے جو،

‏18 بس جِیں وَیلےگُناہاں دی معافی تھی گئی تاں وَل گُناہاں تُوں پاک کرݨ دی قُربانی دی کیا لوڑ ہے؟

‏19 اِیں واسطے میڈے بِھراؤ! اَساں یسوع دے خون دے وسیلے نال اُوں مقدّس ترین مقام ءچ پُورے اعتقاد نال ہِک نویں تے زندگی ڈیوݨ آلے رستے دے ذریعے داخل تھی سگدے ہئیں، ‏20 جیہڑا پڑدے^b تُوں اَگوں گِھن وَیندے۔ ایہہ رستہ مسیح نیں آپنڑے بدن دی قُربانی نال ساڈے کیتے کھول ڈِتا ہے۔ ‏21 تے اوہ ساڈا ایجھا وَڈا سردار کاہِن ہے جیہڑا خُدا دے گھر دا مُختار ہے۔ ‏22 ایں واسطے آؤ اَساں سچے دِل تے اِیمان دے پُورے اعتقاد نال خُدا دے کولھ جُلوں۔ کیوں جو ساڈے دِل خون دے چھِنڈیاں نال گُناہ دے احساس کنُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔ ‏23 اساں آپنڑی اُمید دے اِقرار کُوں مضبوطی نال جَھلی رَکھوں کیوں جو جئیں وعدہ کیتے اوہ وفادار ہے۔ ‏24 تے آؤ اساں سوچُوں جو کیویں ہِک ڈُوجھے کوں محبت تے نیک کَم کرݨ کیتے اُبھار سگدے ہئیں۔ ‏25 آپس ءچ میل جول رَکھنڑ نہ چھوڑوں جِیویں کُجھ لوکاں دی عادت ہے بلکہ اَساں ہِک ڈوجھے کُوں مزید حوصلہ ڈیؤں کیوں جو جانڑدے ہئیں جو مسیح دے ظہور دا ڈینہہ نیڑے آندا پِیا ہے۔

‏26 کیوں جو جے اَساں حق دی پچھاݨ کرݨ دے بعد جاݨ بُجھ تے گُناہ کردے رَہوں تاں گُناہاں تُوں پاک کرݨ دی کوئی بئی قُربانی باقی نئیں۔ ‏27 ہاں، روزِ محشر دی عدالت دا خوفناک اِنتظار تے اُوں جہنم دی بھاہ دا غضب باقی ہے جیہڑا خُدا دے دُشمنڑاں کُوں نِگل ویسی۔ ‏28 جِیں وَیلے موسیٰ دی شریعت کُوں رد کرݨ آلا ڈو یا تَرے بندیاں دی گواہی نال بغیر رحم دے قتل کر ڈِتا وَیندے۔ ‏29 تاں اوہ شخص کِتی وَڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جِیندے نال اوہ پاک تھیّا ہئی، ناپاک سمجھیا تے فضل ڈیوݨ آلے رُوح القُدس دی بے عزّتی کیتی۔ ‏30 کیوں جو اَساں اُونکُوں جانڑدے ہئیں جئیں فرمایا جو

‏32 پَر اُنہاں پہلے ڈینہاں کُوں یاد کرو جِیں وَیلے تُساں اِیمان نال مُنور تھیوݨ تُوں بعد شدید تکلیفاں دا ڈُکھ برداشت کیتا۔ ‏33 کَڈھائیں تاں لعن طعن تے مُصیبتاں دےسببّوں تُساں خود تماشا بنڑےتے کَڈھائیں ڈوجھیاں کُوں اذیتاں سَہندے ہوئے ڈِیکھ تے اُنہاں دے نال شریک تھئے۔ ‏34 تُساں قیدیاں دے نال ہمدردی کیتی تے آپنڑے مال دے لُٹیج وَنجنڑ کُوں وی خوشی نال قبول کیتا کیوں جو تُساں جانڑدے ہِیوے جو ہِک چنگی تے دائمی ملکیت تُہاڈے کولھ ہے۔ ‏35 بس ہرگِز ہِمت نہ ہارو کیوں جو اُوندا اَجر وَڈا ہے۔ ‏36 تُہاکُوں وَڈے صبر نال کَم گِھننڑا چاہیدے تاں جو تُساں خُدا دی مَرضی پوری کر تے اوہ چیز حاصل کر سگو جِیندا اُونیں وعدہ کیتا ہویا ہے۔

‏37 کیوں جو ہُنڑ تھوڑی جِیہی دیر باقی ہے جو