‏3 وَل اَسمان اُتے ہِک بِیا نِشان ڈِکھالی ڈِتا یعنی ہِک بہُوں وَڈا لال اژدہا جِیندے سَت سِر تے ڈاہ سینگ ہَن تے سِراں اُتے سَت تاج۔ ‏4 اُوندی پُچھ نیں اَسمان دے ہِک تِہائی سِتارے چِھک تے اُنہاں کُوں زمین اُتے سَٹ ڈِتا۔ وَل اژدہا اُوں عورت دے سامنڑے جیہڑی بال جمنڑ آلی ہئی، وَنج کھڑا تھیّا تاں جو جِیں وَیلے اوہ بال پیدا تھیوے تاں اُونکُوں نِگل وَنجے۔ ‏5 عورت نیں ہِک پوتر جمیا، ہِک ایجھے فرزند کُوں ”جیہڑا لوہے دے عَصا نال ساریاں قوماں اُتے حکومت کرݨ کُوں ہا۔“ وَل اُوندے بال کُوں اُتھوں چا تے خُدا تے خُدا دے تخت دے کولھ پُچا ڈِتا گِیا۔ ‏6 تے اوہ عورت بیابان ءچ بھج گئی جِتھاں خُدا نیں اُوندے کیتے ہِک جاہ تیار کیتی ہئی تاں جو اُتھاں ہِک ہزار ڈو سو سَٹھ (1,260) ڈینہہ تئیں اُوندی ڈیکھ بھال تھیندی رَہوے۔

‏7 وَل اَسمان اُتے لڑائی تھئی۔ میکائیل تے اُوندے فرشتے اژدہا نال لَڑن کیتے گئے۔ اژدہا تے اُوندے فرشتے اُنہاں دے نال لَڑے ‏8 پَر اُنہاں دے سامنڑے کھڑ نہ سگے تےاِیندے بعد اَسمان اُتے اُنہاں کیتے جاہ نہ ریہی۔ ‏9 تے اوہ وَڈا اژدہا یعنی اُوہو پُرانڑا نانگ جِیندا ناں اِبلیس تے شیطان ہے تے جیہڑا ساری دُنیا کُوں گُمراہ کریندا ہے،اوہ خود وی تے اُوندے نال اُوندے فرشتے وی زمین اُتے سَٹ ڈِتے گئے۔

‏10 وَل میں اَسمان کنُوں ہِک اُچی آواز ایہہ آہدھے ہوئے سُنڑی جو

‏13 جِیں وَیلے اژدہا نیں ڈِٹھا جو اوہ زمین اُتے سَٹ ڈِتا گِیا ہے تاں اُوں عورت کُوں ستاوݨ کیتے اُوندے پِچھے پے گِیا جئیں ہِک پوتر کُوں جمیاہا۔ ‏14 پَر اُوں عورت کُوں ہِک وَڈے عقاب دے ڈو کھنب ڈِتے گئے تاں جو اوہ اژدہا دی حد کنُوں باہر نِکل وَنجے تے بیابان ءچ آپنڑے اُوں مقام دو اُڈ وَنجے جِتھاں ہِک زمانہ، زمانیاں، تے اَدھے زمانے تئیں اُوندی پرورش کیتی ویسی۔ ‏15 اژدہا نیں آپنڑے مُنہ کنُوں اُوں عورت دے پِچھوں دریا وانگوں پانڑی وَہا ڈِتا تاں جو اُونکُوں سیلاب ءچ وَہا ڈیوے۔ ‏16 پَر زمین نیں اُوں عورت دی مدد کیتی تے آپنڑا مُنہ کھول تے اُوں دریا کُوں پی گِھدا جیہڑا اژدہا نیں آپنڑے مُنہ کنُوں وَہایا ہئی۔ ‏17 وَل اژدہا کُوں عورت اُتے بہُوں غصہ آیا تے اوہ اُوندے باقی بالاں نال یعنی اُنہاں نال جیہڑے خُدا دے حُکماں اُتے عمل کریندے ہِن تے یسوع دی گواہی ڈیوݨ اُتے قائم ہِن، جنگ کرݨگِیا۔