آدم تے بی بی حوّا دا گُناہ ءِچ ڈھانونڑاں (پیدائش باب 3)
تعارف۔ایں واقعہ توں اساں سیکھسوں جو آدم تے حوا دا خُدا نال تعلق تروٹ گیا۔خُدا دِی بنڑائی ہوئی دُنیا ویگڑ گئی۔
1۔تے ناگ سارےجنگلی جانوراں ءِچوں جنھاں کُوں خُداوند خُدانے بنڑایاہا چالاک ہاہ تے اُونیں عورت کوں آکھیا کیا سچ نال خُدا نے آکھیا ہےجے باغ دے کہیں درخت دا پھل تُساں نہ کھوائے۔
2۔ تےعورت نے ناگ کُوں آکھیا کہ باغ دے درختاں دا پھل تاں اَساں کھاندے ہئیں۔
3۔ پر جیہڑا درخت باغ دے ادھ ءچ ہے اُوں پھل دِی نسبت خُدانے آکھیا ہے تُساں نہ تاں او کوں کھوائے نہ تُساں ہتھ لوائے نہ تاں تُساں مرویسو۔
4۔ وَل ناگ نے عورت کُوں آکھیا تُساں ہر گز نہ مَر سو۔
5۔ کیوں جو خُدا جانڑ دے جیہڑے ڈینہہ تُساں کھاسو تہاڈیاں آکھیں کُھل ویسن تے تُساں خُدا آلی کار نیک و بد جانڑن آلے بنڑ ویسو۔
6۔ عورت نےجو ڈیٹھا او ہ درخت کھانونڑ کیتے چنگا تے اکھیں کُوں خوشنما معلوم تھیندے تےعقل بخشنڑن کیتے چنگا ھِے اونیں اُوندے پھل ءِچوں گِھداتے کھاداتے آپنڑے گھر آلے کُوں وی ڈتہ تے اونیں وی کھادا۔
7۔ وَل ڈوھائیں دیاں اکھیں کُھل گیاں تے اُنہاں کُوں معلوم تھیا جو او ننگے ہین تے اُنھاں نے انجیر دے پتراں کُوں سی کے لُنگیاں بنڑایئاں ۔
8۔ول اُنھاں نے خُدا دی آواز جیہڑا ٹھڈھے ویلے باغ ءِچ پھردا ہا سُنڑی تے آدم تے اوندی ذال نے اپنےآپ کُوں خُداوند خُدادے حضورتوں باغ دے درختاں ءچ لُکایا۔
9۔تد خُدا وند خُدا نے آدم کوں پکارا تے او کوں آکھیا تو کتھاں ہیں؟
10۔ اُس آکھیا میں باغ ءِچ تیڈی آواز سُنڑی تےمیں ڈریاکیوں جو میں ننگا ہاسوں تے میں آپنڑے آپ کُوں لُکایا ھِے ۔
11۔ اُو نیں آکھیا تیکوں کئیں ڈسائے جو توں ننگا ہیں ؟کیا تئیں اُوں درخت دا پھل کھادے جیندا میں تیکوں حکم ڈتہ ہا اوہ نہ کھانویں۔
12۔ آدم نے آکھیا جیہڑی عورت کوں تُو میڈے نال کیتا ہے اُونیں او درخت دا پھل ڈِتے ، تےمیں کھادا ہے۔
13۔تد خُداوند خُدانے عورت کُوں آکھیا تئیں ایہہ کی کیتا؟ عورت نے آکھیا کہ میکوں ناگ ورغلایا تاں میں کھادا ھے۔
خُدا سزا سُنڑویندے
14۔تےخُداوند خُدا نے ناگ کُوں آکھیا تئیں ایہہ کیتا ہیوے توں سارے ڈھوراں تے جنگلی جانوراں ءِچوں لعنتی ہیئں توں آپنڑے پیٹ دے بھرانڑے ٹُرسیں تے ساری عمر بھر مٹی چاٹیسیں۔
15۔ تے میں تیڈے تے عورت دے درمیان تے تیڈی نسل تے عورت دی نسل دے درمیان دُشمنڑی پے سوں او ہ تیڈے سر کُوں پھیسی تے توں اُوندی اڈی اتے ڈنگ مریسیں۔
16۔ تد اُس نے عورت کُوں آکھیا میں تیڈے دردِ حمل کُوں بہوں ودھیساں۔ تے توں درد دے نال بال جمیسیں تے تیڈی خواہش آپنڑے گھر آلے دے نال ہوسی تے اوہ تیڈے اتے حکومت کریسی۔
17۔تے خُدانے آدم کُوں آکھیا تئیں آ پنڑی ذال دِی گالھ مَنی تے اُوں درخت دا پھل کھادے جیہڑے دا میں نہ کھانونڑ دا آکھیا ہا، ایں کیتے زمین تیڈے سببوں لعنتی تھئی ۔ مُشقت دے نال توںآپنڑی عمر بھر اُوندی پیداوار کھاسیں۔
18۔ اوہ تیڈے کیتےکنڈے تے اُونٹ کٹارے جمیسی تے توں کھیت دی سبزی کھاسیں۔
19۔تُوں آپنڑے مُنہ دے پسینےدی روٹی کھاسیں جو جئیں تئیں توں زمینءِچ وَل نہ آنویں۔ایں کیتے جو تُوں اُوندے ءِچوں کڈھیا گئیں کیوں جو تُوں خاک ہئیں تئیں خاک ءِچ وَل ویسیں۔
20۔ آدم نے آپنڑی ذال دا ناں حوا رکھیا ایں کیتے اوہ سارے زندیاں دِی ماں ہے۔
21۔تےخُداوند خُدانے آدم تے اُوندی ذال کیتے چمڑے دے کُڑتے بنڑا کےاُنہاں کوں پوائے ۔ آدم تے حوا کُوں باغِ عدن ءچوں کڈھیاویندے
22۔ تے خُداوند خُدانے آکھیا ڈیکھو انسان نیکی تے بدی دی پہچانڑ ءِچ سَاڈے ءچوں ہک آلی کار تھی گئے ۔ہنڑ کڈھائیں ایہہ نہ ہووے جو او ہ آپنڑا ہتھ ودھاوے تے حیات دے درخت ءِچوں وی گِھن کے کھاوے تے ہمیشہ جیندا راہوے۔
23۔ ایں کیتے خُداوندخُدا نے اُونکوں باغِ عدن دے باہرو ں کڈھ ڈتہ۔تاں جےاوہ زمین دِی جیندے ءِچوں او ہ گھدا گیا ہا کھیتی کرے۔
24۔ایں واسطے خُدانےآدم کُوں کڈھ ڈتہ تے باغِ عدن دے سیجھ اُبھرن آلے پاسوں فرشتیاں کُوں تے چارے پاسو ں گھمنڑ آلی شعلہ زن تلوار کُوں رکھیا جو اوہ زندگی دے درخت دی راہ دی حفاظت کرے ۔
1۔واقعہ دے آغاز ءِچ آدم تے حضرت حوا خوشحال ہن یا بد حال؟
2۔جیں ویلے آدم تے حوا نے منع کیتا ہویا پھل کھا گھدا تے نافرمانی کیتی تاں خُدا دے نال اُنھاں دے تعلقات تے کیا اثر تھیاء؟
3۔پھل کھاونڑ دے بعد آدم تے حوا نےآپنڑے آپ کوں کیویں لُکایا؟
4۔ خُدانے انسان کُوں گولھیاایا انسان نے خُدا کُوں گو لھیا؟ایندے توں خُدا دِی انسان کیتے محبت دے بارے کیا پتہ لگدے؟
5۔جیں ویلے خُدا نے پچھیا توں کِتھاں ہیں واقعی او ہ کوئی سوال کر یندے ؟
